ভারতকী প্রধানমন্ত্রী

অরিবা থাজনবীনি মদুদি মফম অমা খক্তদা, খোঞ্জেল অমখক্তদা, অপুনবা ওইনা মন্ত্র থিরবদি মফম অদুদা পুক্নীং, হকচাং, থৱাই পুম্নমকপু মসিগী চাগোইনুংদা পুরকপা পাঙ্গলগী অনৌবা মশক অমা ওইরকই। নাদ-ব্রহ্মগী ৱাখলনা ঐখোয়গী অসিদা ৱাফম অসিবু অয়াবা পী। অনৌবা বিগ্যানসু নাদ-ব্রহ্মগী থাজবদা, মন্ত্রশিংগী খোন্থোক্কী পাঙ্গল অদুদা য়ানীংদবা তৌদে। ঙসি, মতম অসিদা দশ্রিনামুর্তী স্ত্রোত অমসুং সৌন্দর্য লহেরীগী অসিগুম্বা অমত্তা ঙাইরবা খোঞ্জেল অসিনা অকোইবগী ফিভম অপুম্বা অসিদা অদুগুম্বা থৌনা অদু ফাওরক্লি। লাইনীংগী ওইবা ৱাখল্লোন অমা মদুদা রসসু য়াওরি, অরোনবসু য়াওরি অমসুং ঈশ্বরগা লোইননা পুক্নীং লুপচনবগী অপাম্বসু য়াওরি।

সৌন্দর্য় লহেরিগী মন্ত্র খুদিংমক্তা তোঙানবা থৌনা অমা য়াওই, তোঙানবা ৱাখল অমা য়াওই। অদুগুম্বা ৱাখল, অদুগুম্বা থৌনা অদু মতম অসিদা ঐখোয় পুম্নমক্তা অনৌবা পাঙ্গল, অনৌবা থৌনানা থলহল্লি অমসুং ঐগী লাইবক ফবনি, ঐহাক চহি কয়াদগী নবরাত্রীগী লাইনীংগা তিন্নরবা মীশক অমা ওইরক্লি অমসুং ঐগী নবরাত্রীগী লাইনীংগী থৌওং অদুগী চপ মান্ননা সৌন্দর্য় লহেরীদসু লৈ।

ঐনা পরম পুজ্য শ্রী শ্রী শঙ্কর ভারতী মহাস্বামীজীবু ইকোক নোঞ্জদুনা, বেদান্ত ভারতীবু তৌবীমন খঙবা উৎচরি। মদুদি মখোয়না ঐবু থৌরম অসিদা শরুক য়াননবগীদমক পাউজেল পীবীরকখি অমসুং অসিগুম্বা তাইবং অসিদা মিকুপ খরা লেঞ্জবগী খুদোংচাবা অদু ঐঙোন্দা পীবীরে। মসি ঐগী লাইবক ফবনি মদুদি শ্রী শ্রী শঙ্কর ভাপকী মহাস্বামীজীগী মশাইগোন্দা সৌন্দর্য় লহেরীগী পারা অদু হকথেংননা ঙসি ঐসু ফংজরে। স্বামীজীগী থৌজালদগী মতৌ অসুম্না সৌন্দর্য় লহেরী থিবা চহি তরা মপুং ফারে।

অদোম পুম্নমকপু ঐগী মাইকৈদগী হন্না হন্না থাগৎপা ফোংদোকচরি, য়াইফ-মঙ্গল পীজরি। ঐনা লৌজৈ মদুদি অদোম লাইবক ফবা মীশক্নি, শেংলবা থৌরম অসিগী শরুক অমা অদোম ওইবা ফংলি। ইচিল-ইনাওশা, নুমিৎ তরানীমুক্কী মমাংদা ঐহাক কেদরনাথতা চৎখি। মন্দিরগী থোং লোল্লমদাইনি। ঐগী লাইবক ফবদগী মহাদেবজীবু দর্শন তৌজবগী তাঞ্জা ফংজখি। ঐনা কেদরনাথতা চৎপা খুদিংগী ঐগী পুক্নীংদা ৱাখল অমা হন্না হন্না ফাওরকই। মতৌ করম্না চহি লিশিং কয়াগী মমাংদা আদি শঙ্করাচার্যজীনা অসিগুম্বা য়ৌঙমদ্রবা মফম অসিদা য়ৌরমগনি।

অনৌবা তেক্নিক্কী মতম অসিদসু মফম অদুদা চৎপদা অরাইবা নত্তবা মপম অদুদা চহি লিশিং কয়াগী মমাংদা আদিশঙ্করনা মতৌ করম্না য়ৌরম্লিবা। পাঙ্গলগী করম্বা চক্র ওইরমগনি, করম্বা ওইথোক্নীংঙাই ওইবা পাম্বৈ ওইরমগনি, থৌনা অদুনা শুপনগী চহি ৩২ খক্তা ঙাইরিবা শঙ্করাচাযনা ভারত অপুম্ববু অহুম্লক খোংনা চৎখি, লৈবাক্কী কাচিন মরিদা লাইশঙ মরি লিংখৎখি। ভারতকী নাৎকী ওইবা অপুনবা অদুবু পরেং অমদা লেংশিন্নবগী অঙকপা থবক পাইখথ্‌খি।

আদিশঙ্করাচার্যজীনা মহাক্কী পুন্সি ঐখোয়গী আধ্যাত্মিক চৎনবীশিংবু মপাঙ্গল কলহনবদা কৎথোকচখি। ঐখোয়গী নাত্তা অরানবা চৎনবীশিং তপ্না তপ্না য়াওশিনখিবশিং অদু আদিশঙ্করাচার্যজীনা য়াম্না হৈশিংনা অমমমতা ওইনা মদুবু এনলাইসিস তৌখি, অমসুং চহি মতাং অদুদা মহাক্কী নুংগী ফত্তবশিংবু চাননবগী মহাক্না থৌনা উৎখি। তোঙান তোঙানবা ৱাখল্লোন অমসুং দর্শনগী অফবা ৱাফমশিংবু মহাক্না লৌশিনখি অমসুং মীয়ামদা লৌশিং অমসুং ভক্তিগী লম্বীদা চৎননবা ইথিল পীখি। তুংলমচৎকী মীরোলগীদমক্তা মহাক্না সৌন্দর্য লহেরী ইখি। লৈবাক অসিগী মীচম মীয়ামগা মরি লৈনবা ঙম্বা অদুগুম্বা খুৎই অমা। দেবীবু নীংজদুনা সৌন্ধয় লহেরীদা ৱাফম অসিদা অখন্ননা শাফু পীখি মদুদি ঈশ্বরগী তোঙান তোঙানবা মশকশিংদা খেন্নবা অমত্তা থম্লোইদবনি।

भविष्य की पीढ़ी के लिए उन्होंने सौंदर्य लहरी की रचना

की। एक ऐसी रचना जिससे देश का
“এক সদ্বিপ্রা বহুধা বদন্তি”

সৌন্দর্য় লহেরীদগী ফংবা থৌজাল ভক্তশিংদসু খেন্নবা অমত্তা লৈতনা পুম্নমক্না মান্নবা মওংদা ফংই। হায়নৈ সৌন্দর্য় লহেরী থিবনা লৌশিং, লন, হকশেল পুম্নমক্তা কান্নবা ফংই। আদিশঙ্করাচার্যজীনা তৌখিবা লাইনীং ভারতকী নাৎকী হৌজিক্কী মশক অসিদা হসিসু মমি তারি। অমসুং নাৎ অসি ন্যু ইন্দিয়াগী য়ুম্ফমসু ওইরি। অসিগুম্বা নাৎ অসি পুম্নমক্কা লোইননা পুম্নমক্কী চাওখৎপা হায়বসিগী মন্ত্রদা থাজবা থম্লি।

ইচিল-ইনাওশা, আদিশঙ্করাচার্যজীগী পাউজেলবু মীপুম খুদিংমক্তা য়ৌহনবদা শ্রী শ্রী শঙ্করভারতী মহাস্বামীজীনা মপুন্সি কৎথোকখি। মালেম পুম্নমকপু ইমুং অমগুম খন্দুনা অমত্তা ওইবগী ৱাখল্লোনগী আদিশঙ্করাচার্যজীগী পাউজেলবু বেদান্ত ভারতীগী থোংদা মীয়ামদা য়ৌহল্লি। বেদ, উপনিষদ. লোন কয়াদা, লাইরিক কয়াদা ফোংদোক্তুনা মহাক্না লেপ্তনা হোৎনরি অমসুং থৌওং অসি অসুম্মক চৎথদুনা লাক্লি।

মরূপশা, ভারতকী অধ্যাতমিক্কী মগুন অমসুং য়াম্না লিরবা পাউজেলবু অসুক্কী মীয়াম্না পারবদি অদুক্কী মতিক মালেম অসিগী কান্নবা ওইগনি। মালেম অপুম্বগী লৈবাকশিংদা পুন্সিগী লম্বীদা করিগুম্বা মখলগী অপনবা থোরকপা মতমদা মালেমগী মিৎয়েং ভারতকী সংস্কৃতি অমসুং সভ্যতাদা থম্মি। অমরোমদা মালেমগী সমস্যা অপুনবগী পাউখুম ঐখোয়গী চৎনবীদা ফংবা ঙম্মি। ঐখোয়গী নাত্তগী ওইথোকপা ঙম্মি। ঐখোয়না হায়দোকপদা ঐখোয়না শুপ্নগী হায়বা খক্তা নত্তে ঐখোয়না মতৌ অসুম্না হিংননবগী লোনচৎ অদু ফংলি।

ওঁ সহ নাৱৱতু । সহ নৌ ভুনক্তু ।

ৱাখল্লোন অসিমক ঐখোয়গী চৎনবীনি। ঐখোয়গী অসিদা মহৌশাবু শুম্লগা শিজিন্নবগী মহুত্তা মহৌশাদগী ফংলকপা পোৎথোকশিংবু চাং নাইনা শিজিন্ননবদা হেন্না থৌনা পী। এক্সপ্লোইতেসন ওফ নেচর অসি ঐখোয়গী অসিদদি ক্রাইম ওইনা লৌই। মিলকিং ওফ নেচর অসি মীওইবগী হকনি। মসি ঐখোয়গী চৎনবীনা ঐখোয়দা তম্বীবনি। অমসুং ৱাখল্লোন অসিমক মতম পুম্নমক্তা ঐখোয়গী লৈঙাক্তা অদোম্না উবীরি।

ইচিল-ইনাওশা, ভারত অসি মশাগীতা নত্তনা মালেম পুম্নমক্কী অচুম্বা ৱায়েল, মতিং, তাঞ্জা অমসুং ৱাৎত-পাদবগীদমক্তা মতম পম্নমক্তা হোৎনদুনা লাক্লি। অদোম্না খঙবীরমগনি মদুদি ভারতনা হোৎনখিবা অদুনা মরম ওইদুনা হৌখিবা চহিদা ইন্তর্নেস্নেল সোলর এলাইন্স শেমখি। সোলর ইনর্জীবু জাতিগী অমসুং মালেমগী থাক্তা পুখৎনবা সরকারনা লেপ্তনা হোৎনরি। ঙসি কেন্দ্রগী স্কিমশিংদসু অদোম্না মহৌশাগী ঙাক-শেলগী ৱাখল্লোনগী মশেক উগনি। সোলর ইনর্জী, ৱিন্দ ইনর্জী, ঈশিংদগী মৈ শুংবগী লমদা হৌজিক তৌরিবা থবক অসিগুম্না মমাংদা অমুক্তা তৌখিদ্রি।

মালেমগী খ্বাইদগী চাওবা রিন্যুএবল কেপাসিতী এক্সপান্সন প্রোগ্রাম অসি ঙসি করিগুম্বা লৈবাক অমদা পাংথোক্লি হায়বা তারবদি মদু সৌন্দর্য় লহেরীশিংগী লৈবাক অসিনি।

২০৩০ ফাওবগী মনুংদা লৈবাক অসিগী তঙাইফদবা ইনর্জীগী চাদা ৪০ নন-ফোসিল ফুএল বেজ রিন্যুএবল ইনর্জীদগী ফংননবগী পান্দমদা সরকারনা থবক তৌরি। সরকারগী পান্দম ২০২২, ভারতনা নীং খা তম্বগী চহি ৭৫ শুবা কুমওন পাংথোকপা মতমদু ফওবগী মনুংদা, গিগাৱাৎ ১৭৫, ঐনা মেগাৱাৎ হায়জবা নত্তে। মেগাৱাৎতি হৌখ্রবা মতমগী ৱানি। হৌজিক হিন্দুস্তান গিগাৱাৎতা খল্লি। গিগাৱাৎ অসি রিন্যুএবল ইনর্জীগী পোৎথোক্কীনি। সরকারগী হোৎনজমন্ননি হৌখিবা চহি অহুম লোম অসিদা মেগাৱাৎ লিশিং ২২দগী হেন্না রিন্যুএবল ইনর্জীগী অনৌবা কেপাসিতী পৱার গ্রিদকা লোইনহনখ্রে। অদুমকপু মমাংগী সরকারনা হৌখিবা চহি অহুমলোম অসিদা শুপ্নগী মেগৱাৎ লিশিং ১২গী রিন্যুএবল ইনর্জীগী অনৌবা কেপাসিতী হাপখি। মতৌ অসুম্না মমাংগী সরকারনা মখোয়গী অরোইবা চহি অহুমলোমদা রিন্যুএবল ইনর্জীদা লুপা কোতি লিশিং অহুম চাদিং তৌখি। ঐখোয়না লাক্লবা মতুংদা চহি অহুমগী মনুংদা লম অসিদা চাওরাক্না কোতি লিশিং ১১গী শেনফমদগী হেন্না চাদিং তৌখি।

হৌজিক্কী মতম অসিদা ঐখোয়গী লৈবাক্তা চাওরাক্না মৈগী পোৎথোক গিগাৱাৎ ৩০০ গী কেপাসিতী লৈ। মসিদা কোয়লাদগী, ঈশিংদগী, সোলর অমসুং ৱিন্দ ইনর্জীদগী শুংবা মখল পুম্নমক্কী মৈ য়াওরি। অদোম্না মসি খঙবদা অঙকপা পোক্কনি মদুদি করিগুম্বা লৈবাক অসিদা ফংলিবা পাম্বৈ পুম্নমক শিজিন্নরবদি মৈ গিগাৱাৎ ৭৫ শুপ্নগী সোলর পৱারদগী শুংবা ঙমগনি। সোলর ইনর্জীদগী শুংবা ঙম্মি। মসি ঐখোয়গী কেপাসিতীনি অমসুং ঐখোয়না মসি অদুক্কী মতিক শিজিন্নগদবনি।

সরকারগী মাইকৈদগী লম অসোমদা লেপ্তনা হোৎনরি। মসিগীদমক্তা লৈবাক অপুম্বদা সোলর পার্ক শেমগৎলি, রুফ-তোপ সোলর প্রোগ্রাম চাওখৎহন্নবগীদমক্তা বিল্দিং বাই-লোজদা অহোংবা পুরক্লে, সরকারগী বিল্দিংশিংগী সোলর প্লান্তকীদমক্তা অপীকপা শেন্দোইদা শেল শান্দোক্লি, সোলর প্লান্ত্সপু ইনফ্রাস্ত্রকচরগী স্তেতস পীখ্রে অমসুং মখোয়দা অশাংবা মতমগী লোনসু পীরি। বেঙ্গলুরুগী নহারোলশিং, স্তার্ত-অপকী তাইবঙগী নহারোল হিন্দুস্তান অসি য়াম্না চাওবা মার্কেৎ অমনি লম অসিদা লাকপা খুদিংমক ক্লীন লুকিংগীদমক্তা লাইরবা ইমাশিংদগী ফাওবা থৌজাল ফংগনি। উমংদা লৈরিবা মীয়াম্নসু কৈদৌঙৈদসু উমং কোকথোকপগী মথৌ তাররোই। সোলর ইনর্জীদগী মখোয়গী য়ুমদা লৈরং হৌরগনি। মখোয়না মখোয়গী চাক থোংলগা অঙাংশিংদা অতেনবা মতমগী মনুংদা চাক পীবা ঙম্লগনি। লৈবাক্কী মীরোলশিংনা কান্নগদবা ইনোবেসন ঐখোয়না তৌগদবনি। লৈবাক্কী অয়াম্বা লুপশিংনা মখোয়গী ইনর্জী, তঙাইফদবশিং মশানা মপুং ফাহনবা হৌবগা অদোম্না য়েংবীয়ু মতৌ করম্না মসিগী শাফু অদু খুন্নাইগী থাক খুদিংমক্তা তাবগে হায়বদু।

মরূপশা, অনৌবা এপ্রোচকা লোইননা মতৌ করম্না অকোইবগী ফিভম কনবগা লোইননা মীয়াম অমসুং লৈবাক্কী পৈশাসু কল্লি, মসিগী খুদম ঐ অদোমদা হায়বা পাম্মি। ইচিল ইনাওশা, এলইদিগী ব্লব হান্না লুপা ৩৫০ হেন্না পীরম্বদু হৌজিক উজ্জ্বালা স্কিমগী মখাদা শুপ্নগী লুপা ৪০-৪৫দা ফংলে। হৌজিক ফাওবদা লৈবাক অসিদা এলইদিগী ব্লব কোতি ২৭তগী হেন্না ঐখোয়গী সরকার শেম্লবা মতুংদা য়েন্থোকখ্রে। মফম অসিদা কর্নাতকাদসু চাওরাক্না এলইদি ব্লব কোতি অনিরোম য়েন্থোকখ্রে। করিগুম্বা ব্লব অমগী মমল চাংচত্তা লুপা ২৫০গী মমলদং তাবা ওইরবসু য়েংবীয়ু লৈবাক অসিগী ময়াই ওইবা কাংলুপ্না মসিদগী চাওরাক্না লুপা কোতি ৭ লোম কঞ্জরে। শুপ্নগী মৈ কন্দুনা ঐখোয়না লৈবাক অসিগী লুপা কোতি লিশিং ৩৫-৪০ কনখ্রে। হায়বদি শুপ্নগী এপ্রোচ হোংদোক্তুনা থবক তৌবদা শুপ্নগী স্কিম অমগী থোংদা ময়াই ওইবা থাক্কী ইমুংশিংগী ফুরিখাওগী কল্লিবা পৈশা অসি, ব্লব লৈবদা কল্লিবা পৈশা অসি, মৈদা কল্লিবা অসি চাওরাক্না লুপা কোতি ৫৫-৬০ লৈবাক অসিগী ময়াই ওইবা ইমুংশিংগী কান্নবা ফংলে।

সরকারনা হোৎনবনা মরম ওইদুনা হৌজিক মফম মফম খুদিংদা লোকেল বোদিশিংনা স্ত্রিৎ লাইৎশিং এলইদি ব্লব শিন্দোক্লিবা, মফম অদুদসু মখোয় শেনমিৎলোনগী কান্নবা ফংলি। ঐনা ঐগী মফম অসিদা ঐ বনারসকী এমপিনি ঐনা বনারসতা চাওরাক্না লুপা কোতি ১৫ রোম কলহনখ্রে। মদু অতৈ থবকশিংদা থাদরি। অমসুং পানরি মদুদি তায়র-II সিতী অমদা নগর নিগমনা চাংচত্তা লুপা কোতি ১০দগী ১৫ ফাওবা মসিদগী কান্নবা ফংলি।

ইচিল ইনাওশা, অদোমদা ঙসি ঐ উজ্জ্বালা য়োজনাগী মতাংদা খুদম পীবসু পাম্মি। স্কিম অসিগী থোংদা সরকারনা হৌজিক ফাওবদা কোতি অহুমলোমদগী হেন্না লাইরবী নুপীশিংদা লেম্না গ্যাস কনেক্সন পীখ্রে। নুপীশিং অদুগী মফমদা গ্যাস কনেক্সন লৈত্রিঙৈদা মখোয়না শিং নত্রগা কেরোসিনগী মপান তাংলম্মি। সরকারগী স্কিম্না মখোয়গী পুন্সি লাইথোকহনবতা নত্তনা স্কিম অসিনা অকোইবগী ফিভমদসু য়াম্না কান্নবা ওইহল্লে।

চহি লিশিং কয়াগী পুৱারি পুদুনা ঐখোয়গী লৈবাক্তা মতমগা লোইননা অহোংবা পরক্লি। মীওইদা অহোংবা, খুন্নাইদা অহোংবা। অদুবু মতমগা লোইননা কয়ারক হন্না ফত্তবা খরসু খুন্নাইদা অদুম্মক ফংলি। মসি ঐখোয়গী খুন্নাইগী থোইদোকপনি মদুদি অসিগুম্বা ফত্তবশিং লাকপা হেক খুদিংদা মদুবু চুমথোক্নবগীদমক থবক অদু খুন্নাইগী মরক্তগী কনাগুম্বা অমনা অদুম্মক হৌদোকই। ঐখোয়গী মুনি মহাপুরুষ খুদিংমক নীংশিংবীয়ু মখোয়না ঐখোয়গী খুন্নাইগী ফত্তবশিংগী মায়োক্তা পুন্সিগী ওইবা পারা কয়া তমবীখি। মসিগী লমজিং ঐখোয়গী লৈবাক্কী মুনি-ঋষিংগী মখুত্তা লৈখিবা মতম অমসু লাকখি।

মসি ভারতকী খুন্নাইগী অমত্তা হাইরবা থৌনা অদুনি মদুদি মতম মতম অদুদা ঐখোয়না আদিশঙ্করাচার্য, অফাওবা সন্তবসবেশ্বরগুম্বা লাইগুম্লবা মহাপুরুষ ফংজখি, মখোয়না ফত্তবশিং অদুবু খঙবীখি, মখোয়দগী নান্থোকচনবা লম্বী তাকপীখি।

ঙসি মতমগী মতুং ইন্না পুজাগী লাইগা লোইননা জাতিগী লাইগী মরমদসু ৱারি শারি, পুজাদা ঐখোয়গী ঈশ্বরগা লোইননা ভারত ইমাবুসু য়াওহনগদবনি। মহৈ-মশিং হৈতবা, লৌশিং লৈতবা, চাবা-থকপা ৱাৎপা, অরোনবা লন-থুম, শেঞ্জা-থুমজাগুম্বা ফত্তবশিং অসিনা ভারত ইমাবু য়োমশিন্দুনা লৈরি, মসিদগী লৈবাক অসিবু নান্থোকহন্নবা মুনি অমসুং অধ্যাতমিক খুন্নাইসু মখোয়গী থৌরাং হেনগৎহনবীয়ু, লৈবাক অসিবু লম্বী তাকপীয়ু।

ঐখোয় পুম্নমক্না শরুক য়ামিন্নবনা, ঐখোয় পুম্নমক্না হোৎনমিন্নবা অসিনা ন্যু ইন্দিয়া শেমগৎপা ঙমগদৌরিবনি। পুম্নমক্কা লোইননা, পুম্নমক্কী হোৎনবতনা পুম্নমক্কী চাওখৎপা ওইগদৌরিবনি।

ঐনা অমুক্কা হন্না অদোম পুম্নমকপু সৌন্দর্য় লহেরীগী লাইশোনগী অমত্তা ঙাইরবা থৌরম অমসুং মসিগী চহি তরা মপুং ফারকপা অসিদা ঐনা অদোম পুম্নমকপু হন্না হন্না নুংঙাইবা ফোংদোকচরি। অমসুং ঙসি মখোয়না চহি তরা লাইনীং পুদুনা লক্লিবা, মফম অসিদা য়াওরিবা য়াওদবা লাইনীংবা পুম্নমক অদুগী খুয়াদা নোঞ্জদুনা অসিগুম্বা চাওরবা কৎথোকপা অসিগীদমক্তা মখোয়বু থাগৎপা ফোংদোকচরি।

শ্রী শ্রী শঙ্কর ভারতী মহাস্বামীজীবু খুরুমজবগা লোইননা ঐনা ঐগী ৱাহৈ লোইশিঞ্জরি।

ঐনা অমুক হন্না মসিগী শেংলবা তাঞ্জা অসিদা, শেংলবা ফিভম অসিদা শঙ্করাচার্য মতমগী চৎনদুনা লাক্লিবা শেংলবা মন্ত্রগী খোঞ্জেলদা শরুক য়াজবগী লাইবক ফবা তাঞ্জা ফংজবা ঐগীদমক্তদি য়াইফরবা মিকুপ্নি, ঐনা পুন্সিদা য়াইফবগা লোইননা অদোম পুম্নমক্কী থৌজাল লৌজদুনা ইমা ভারতীগীদমক্তা অফবা থবক খরা তৌজবা ঙমজবা অদোমগী থৌজাল অসিমতং কাইহনবীগনু।

হন্না হন্না থাগৎচরি!!!