ভারতকী প্রধানমন্ত্রী

য়োর এক্সেলেন্সি প্রসিদেন্ত অলেজেন্দর লুকাশেনকু

মরূপশিং,

মেদিয়াগী মীহুৎশিং

রাষ্ট্রপতি লুকাশেনকুবু ভারত্তা তরাম্না ওকচবদা ঐঙোন্দা অপেনবা পোকই । মহাক্কী খোংচৎ অসিনা চহি অসিদা লৈবাক অনিগী দিপ্লোমেতিক মরি অসি চহি ২৫ শুরকপদা ওইরি

মমাংদা ঐখোয়না রাষ্ট্রপতি লুকাশেনকুবু ভারত্তা ১৯৯৭ অমসুং ২০০৭দা ওকচবগী তঞ্জা ফংজখ্রে । খোংচৎ অসিগী মনুংদা, ভারত্তা ত্রান্সফোর্মেসনগী ওইরিবা ফিভম য়েংবগী খুদোংচাবা অদু য়োর এক্সেলেন্সিনা ফংগনি হায়না ঐহাক্না অশা তৌরি ।.
ঙসি ঐখোয়না খন্ন নৈনখিবা অদু পাক চাওবা অমসুং মাংলোমদা চংশিনবনি । মদুনা ঐখোয়গী চহি কুনমঙাগী মরি অদু তাক্লি । রিজনেল অমসুং গ্লোবেল দিবলপমেন্তশিংদা নাকল অনিগী ওইবা ইশুশিদা ঐখোয়না মীৎয়েংশিং ফোংদোক্নখি । ঐখোয়গী পার্তনরশিপকী অর্কিতেকচর অদু ঐখোয়না নৌহৌনা য়েংশিনখি । মখা তানা মসিবু পাকথোক চাওথোকহন্নবগীদমক ৱাখল্লোনশিং অমসুং ইনিসিয়েতিবশিং ঐখোয়না খন্নখি । কোওপরেসনগী এস্পেক্ত পুম্নমক্তা ঐখোয়গী ইন্তরেক্সন হেঙ্গৎহন্নবা ঐখোয়না ৱারেপ লৌরে ।

রাষ্ট্রপতি লুকাশেনকুদা থৱাই য়াওবা অমসুং ঐখোয়গী প্রজাগী কান্ননবগীদমক ঐখোয়গী পার্তনরশিপ হেঙ্গৎহনবগী অপাম্বা মান্নরিবা অদু ঐনা খংবা ঙমলে

মসিগী অরোইবদা, ইকোনোমিক লিঙ্ককেজশিং দাইবর্সিফাই তৌনবা ঐখোয়না থবক তৌগনি । ফোকস অদু ঐখোয়গী মরক্তা নেচরেল কমপ্লিমেন্তরিতী শেম্বদা ওইগনি ।

ঐখোয়গী কমপেনিশিংনা হেন্না লুথবা এঙ্গেজমেন্ততা বায়র-সেল্লর ফ্রেমৱার্ক অমদগী ফোংদোক্কনি । মফম অসিদা ফারমাক্যুতিকেলশিং, ওইল অমসুং গ্যাস, হেভি মেছিনরি অমসুং ইক্বিপমেন্ততা বিজিনেস অমসুং ইনভেস্তমেন্তকী খুদোংচাবা মরাং কাইনা লৈরি । হৌখিবা চহিদা, ফারমাক্যুতিকেলশিংদা জোইন্ত ভেনচর অহুমগা লোইননা পিজিতিব বিগিনিং অমা ভারতকী কমপেনিশিংনা শেমখ্রে ।

তয়ার শাবা, এগ্রো-ইন্দস্ত্রীয়েল মেছিনরি অমসুং মাইনিং ইক্বিপমেন্ততা পার্তনরশিপ শন্দোকপগী ওইথোকপশু লৈরি । মদুগা মান্ননা, হেভি-দ্যুতী কন্সত্রক্সন মেছিনরিদা ভারতকী দিমান্দ হেঙ্গৎলক্লি অমসুং বেলারুসনা ইন্দস্ত্রীয়েল পাঙ্গল অদু লৈরি ।
মেক ইন ইন্দিয়া প্রোগ্রামগী মখাদা দিফেন্স সেক্তরদা জোইন্ত দিবলপমেন্ত অমসুং মেনুফেকচরিংগী থৌনা অদুশু ঐখোয়দা লৈগনি । ২০১৫দা অকক্নবা প্রোজেক্তশিংদা বেলারুসতা ভারতনা ওফর তৌখিবা অদুগুম্বা য়ুএস$ মিলিয়ন ১০০গী লাইন ওফ ক্রিদিত অদু য়ুতিলাইজ তৌবদা ঐখোয়গী খন্ন নৈনবা অদুসু ঐখোয়না খুমাং চাওশিল্লে ।

ইয়ুরসিয়ান ইকোনোমিক য়ুনিয়ন (ইইয়ু) অমসুং ইন্তরনেস্নেল নোর্থ সাউথ ত্রান্সপোর্ত কোরিদোরগুম্বা মল্তিলেতরেল ইকোনোমিক ইনিসিয়েতিবশিংগী মখাদা ভারত অসি বেলারুসকা মরি লৈনৈ । ভারতনা ইইয়ুগা লোইননা ফ্রি ত্রেদ এগ্রিমেন্ত অমা য়ান্নবা পুরক্লি ।

মরূপশিং,

সাইন্স অমসুং তেক্নোলোজি অসি হেন্না কনবা কোওপরেসনগী অতোপ্পা লম অমনি । বেলারুস অসি মসিগী লম অসিদা মতম শাংনা চৎমিন্নরক্লবা অমনি ।

মেতালর্জি অমসুং মেতরিয়েলস, নানো-মেতরিয়েলস, বাইওলোজিকেল অমসুং মেদিকেল সাইন্স, অমসুং কেমিকেল অমসুং ইঞ্জিনীয়ারিং সাইন্সগুম্বা লমশিংদা ইনোভেসন অমসুং কমর্সিয়েলাইজেসন পাকথোক চাওথোকহল্লগনি । মসিগী থৌরাং অসিদা ঐখোয়গী নহাশিংবু শরুক য়াহন্নবা ঐখোয়না খংহল্লি ।

বেলারুসিয়ান তেক্নোলোজি উৎথোক্নবা ভারত্তা তেক্নোলোজি দিমোন্সত্রেসন সেন্তর অমা পায়খৎনবা ঐখোয়না হোৎনরি ।
বেলারুসকা লোইননা ভারতকী পার্তনরশিপকী অতোপ্পা মায়কৈ অমা দিবলপমেন্ত কোওপরেসনদা লৈরি । ইন্দিয়ান তেক্নিকেল অমসুং ইকোনোমিক কোওপরেসন প্রোগ্রামদা বেলারুসনা এক্তিব ওইনা শরুক য়াবা অমা ওইরি ।

ইন্তরনেস্নেল ফোরমদা, ম্যুচেল ইন্তরেস্তকী মেত্তরদা ঐখোয়গী লৈবাক অনিশিনা ক্লোজ কোওপরেসন অমসুং কমন এপ্রোছশিং লৈরি ।

ভারত অমসুং বেলারুসনা মল্তিলেতরেল ফোরাদা অমনা অমগীদমক ম্যুচেল সপোর্ত মখা তানা চৎথখিগনি ।

মরূপশিং,

রাষ্ট্রপতি লুকাশেনকু অমসুং ঐহাক্না ঐখোয়গী প্রজাগী মরক্তা কলচরেল ইন্তরেক্সনগী ইনাক খুল্লবা পুৱারি অদু খন্ন নৈনরে, মদু নিথিজনা য়োকখৎলি । বেলারুসকী মীওইশিংনা ভারতকী কলচর, থোং থাকপগী মওং মতৌ, ফিল্মশিং, ম্যুজিক, দান্স, যোগ অমসুং অয়ুরবেদতা থবাই য়াওই তাবদা ঐহাক নুঙাইবা ফাওখি ।

ঐখোয়গী তুরিজম অমসুং পিপল-তু-পিপল একচেঞ্জেস হেঙ্গৎহন্নবা অচৌবা পোতেন্সিয়েল ঐহাকনা উবা ফংই মদুনা মরম ওইরগা ঐখোগী মরিগীদমক হেন্না কনবা ফাউন্দেসন অমা শেমগৎলগনি ।

লোইশিল্লকপদা, রাষ্ট্রপতি লুকাশেনকুবু ঐখোয়গী অতিথি ওইবিবগীদমক ঐহাক্না থাগৎপা ফোংদোকচরি । লাক্কদৌরিবা নুমীৎশিং অমসুং থাবুমশিংদা ভারতনা ঙসিগী মত অমতা ওইনা যানরবা অমসুং ওইরকপা মহৈ অদুদা বেলারুসকা লোইননা নক্ননা থবক তৌমিন্নগনি । ভারত্তা রাষ্ট্রপতি লুকাশেনকুগী নিংশিংনিঙাই ওইনা লৈবা ওইরশনু হায়না ঐহাক্না ৱিশ তৌজরি ।
ময়াম্বু ঐহাক্না থাগৎচরি ।