ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ন্যু য়োর্কতা পাংথোকপা ব্লুমবর্গ গ্লোবেল বিজিনেস ফোরমদা কীনোৎ এদ্রেস পীখ্রে।
শক্নাইরবা কয়া তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি তঞ্জা অসি মহাক্না ভারতকী চাউখৎ ৱারীগী মখা তাবা মায়কৈগী মতাংদা ৱারী শান্ননবা শিজিন্নগনি। প্রধান মন্ত্রীনা হায়খি মদুদি ভারতকী চাউখৎপগী ৱারী অসি য়ুম্বী মরিদা শাখিবনি, মখোয়শিং অদুদি দেমোক্রেসী, দেমোগ্রাফী, দিমান্দ অমসুং দেসিসিবনেসনি।

ভারতকী ইকোনোমী অসি লৈবাক মনুংগী ওইবা পোলিতিকেল স্তেবিলিতীগী ক্লাইমেৎতগী কান্নবা ফংলি হায়না প্রধান মন্ত্রীনা ফোংদোকখি।

সরকারনা হৌদোক্লিবা মায়পাক্লবা রিফোর্মশিংবু মালেমনা শকখংবিরিবা অদুসু প্রধান মন্ত্রীনা পাউদমখি। মসিগা মরী লৈননা ৱার্ল্দ বেঙ্কনা হোৎপা ইজ ওফ দুয়িং বিজিনেস ইন্দেক্সতা থাক হুম্ফুমঙা হেঙ্গৎলকপা য়াওনা লোজিস্তিক্স পর্ফোমেন্স ইন্দেক্সতা থাক তরা হেঙ্গৎলকপা, গ্লোবেল কম্পিতেতিবনেস ইন্দেক্সতা পোইন্ত তরাহুমদোই কাখৎলকপা, গ্লোবেল ইনোভেসন ইন্দেক্সতা থাক কুনমরি হেঙ্গৎলকপা অদু মহাক্না পনখি।

প্রধান মন্ত্রীনা ব্লুমবর্গ নেস্নেল ব্রান্দ ত্রেকর ২০১৮ সর্ভেগী মতাংদসু ফোংদোকখি মদুনা হন্দক্তা ভারতপু গ্লোবেল ইনভেস্তমেন্তকী পুক্নিং চিংশিনবদা তোপ পর্ফোমিং এসিয়ান ইকোনোমী ওইনা থাক পীরি। রিপোর্ত অসিগী ইন্দিকেতর ১০গী মনুংদা ৭, পোলিতিকেল স্তেবিলিতী, করেন্সী স্তেবিলিতী, হায় ক্বালিতী প্রদক্তস, এন্তি করপসন, লো কোস্ত ওফ প্রদক্সন, স্ত্রেতেজিক লোকেসন অমসুং রেসপেক্ত ফোর আই.পি.আর.এস.তা ভারতনা মকোকথোংবা থাক্তা লৈরি।

প্রধান মন্ত্রীগী কীনোৎ অসি ব্লুমবর্গকী ফাউন্দর শ্রী মাইকেল ব্লুমবর্গকা লোয়ননা ইন্তরেক্তিব সেসন অমা পাংথোক্লবা মতুংদা পীখি।