ভারতকী প্রধানমন্ত্রী

ভাইব্রেন্ত গুজরাত গ্লোবেল ত্রেদ সো গান্ধীনগরদা হৌদোক্লগনি

অহমেদাবাদতা স্তেত ওফ আর্ত, সরদার বল্লভ ভাই পতেল ইন্সতিত্যুৎ ওফ মেদিকেল সাইন্স শঙ্গারগনি

প্রধান মন্ত্রীনা হয়েং অহমেদাবাদ শোপ্পিং ফেস্তিবেল–২০১৯ হৌদোক্লগনি

জনুৱারী ১৮দা প্রধান মন্ত্রীনা ভাইব্রেন্ত গুজরাত সম্মিৎকী ৯শুবা এদিসন হৌদোক্কনি

২০১৯গী জনুৱারী ১৯দা প্রধান মন্ত্রী হজিরা, সিলভাসা অমসুং মুম্বাইদা চৎকনি

হয়েং ২০১৯গী জনুৱারী ১৭তগী হৌরগা প্রধান মন্ত্রী শ্রী নরেন্দ্র মোদী নুমীৎ হুম্নিগী খোংচৎতা গুজরাত্তা চৎকনি। মতম অসিগী মনুংদা মহাক গান্ধীনগর, অহমেদাবাদ অমসুং হজিরাদা চৎকনি।

হয়েং মহাক্কী অহানবা এঙ্গেজমেন্তদা গান্ধীনগরদা লৈরিবা মহাত্মা মন্দির এক্সিবিসন কম কনভেন্সন সেন্তরদা প্রধান মন্ত্রীনা ভাইব্রেন্ত গুজরাত গ্লোবেল ত্রেদ সো হৌদোক্কনি। ইন্দস্ত্রীয়েল অমদি বিজিনেস সেক্তর ২৫ হেনববু মফম অসিদা অম্ব্রেলা অমগী মখাদা উবা ফংগনি।

নুমীদাংৱাইরমদা মহাক্না অহমেদাবাদতা সরদার বল্লভ ভাই পতেল ইন্সতিত্যুৎ ওফ মেদিকেল সাইন্স এন্দ রিসর্স শঙ্গাগনি। মসি অহমেদাবাদ ম্যুনিসিপাল কোর্পোরেসন্না শাবা এয়ার এম্বুলেন্স য়াওনা মোদর্ন এমেনিতী পুম্নমক য়াওরবা স্তেত ওফ আর্ত, সুপর–স্পেসিয়েলিতী পব্লিক হোস্পিতাল অমনি। মীতর ৭৮ ৱাংবা স্ত্রকচর অসি স্কিল, স্কেল অমসুং স্পীদকী শেংলবা তিন্নফম অমনি।

দিজিতেল ইন্দিয়াগী স্পিরিৎ অদুগা লোয়ননা মসি মপুংফাবা পেপরলেস হোস্পিতাল অমা ওইরগনি। মসিনা মীচম প্রজাগী সেবা তৌগনি অমসুং অয়ুশ্মান ভারতকী পান্দম অদু ফংহনবদা মতেং পাংগনি।

প্রধান মন্ত্রীনা হোস্পিতাল অদুদা ফংলিবা খুদোংচাবশিং য়েংশিনগনি অমসুং মীয়ামদা ৱা ঙাংগনি।

নুমীদাংৱাইরম অথেংবদা প্রধান মন্ত্রীনা অহমেদাবাদ শোপ্পিং ফেস্তিবেল–২০১৯ হৌদোক্কনি। মসি ভাইব্রেন্ত গুজরাতকা মতম অমত্তদা পাংথোকই। প্রধান মন্ত্রীনা ভাইব্রেন্ত গুজরাত অহমেদাবাদ শোপ্পিং ফেস্তিবেল মাস্কোৎসু মায়খুম হাংদোক্কনি। অহমেদাবাদ শোপ্পিং ফেস্তিবেল–২০১৯ অসি ভারত্তা অসিগুম্বা মখলগী অহানবা থৌরম্নি। মসিনা সিতী ইন্তরপ্রাইজশিংদা মখোয়গী পোত্থোকশিং উত্থোক্নবা খুদোংচাবা অমা ফংহল্লগনি।

প্রধান মন্ত্রীনা থৌরম অদুদা তিল্লিবা মীয়ামদসু ৱা ঙাংগনি।

মথংগী নুমীৎ ২০১৯গী জনুৱারী ১৮দা প্রধান মন্ত্রীনা গান্ধীনগরদা লৈরিবা মহাত্মা মন্দির এক্সিবিসন কম কনভেন্সন সেন্তরদা ভাইব্রেন্ত গুজরাত সম্মিৎকী ৯শুবা এদিসন হৌদোক্কনি। ভাইব্রেন্ত গুজরাত সম্মিৎ অসি গুজরাতপু অহানবা ইনবেস্তমেন্ত দেস্তিনেসন অমগুম অমুক হন্না ইস্তাব্লিস তৌনবা ২০০৩দা প্রধান মন্ত্রী নরেন্দ্র মোদীনা মতম অদুদা গুজরাতকী মুখ্য মন্ত্রী ওইরিঙৈ মতমদা ৱাখল্লোন পীখি।

২০১৯গী জনুৱারী ১৯দা হজিরা গন ফেক্তরী লিংখৎপগী খুদম ওইনবা প্রধান মন্ত্রী হজিরাদা চৎকনি।

হজিরাদগী মহাক্না দাদ্রা নগর হভেলিগী সিলভাসাদা চৎকনি। মহাক্না দিবেলপমেন্ত প্রোজেক্ত কয়া শঙ্গাগনি অমদি উরেপ উয়ুং তমগনি।

মহাক্কী খোংচৎ লোইশিনলকপদা প্রধান মন্ত্রীনা জনুৱারীগী তাং ১৯দা মুম্বাইদা চৎকনি। মহাক্না ইন্দিয়ান সেনিমাগী নেস্নেল ম্যুজিয়মগী অনৌবা বিলদিং শঙ্গাগনি।