ভারতকী প্রধানমন্ত্রী
শেংলবা মোস্ক অনিগী মপু ওইরিবা নিংথৌ সলমান বিন অবদুলাজিজ অল সাউদনা চেবাউ পীরকপদগী ভারতকী প্রধান মন্ত্রী শ্রী নরেন্দ্র মোদী ২০১৯গী ওক্তোবর ২৯দা সৌদী অরাবিয়াদা ওফিসিয়েল খোঙচৎ অমা চৎখি।
নাকল অনি ৱারী শানদুনা পুৱারী ওইরবা অমসুং অচেৎপা মরী অসি অমুক হন্না য়েংশিননবা খন্নখি। লৈবাক অনিগী মরক্তা লৈনরিবা শেন-থুম, খুন্নাই অমসুং কলচরগী মরীশিংগী মরুওইবা থম্লদুনা মসিনা লৈবাক অনিগী মীয়ামগী মরক্তা হেন্না অচেৎপা মরী লৈহনবদা পুক্নিং থৌগৎলিবশিং অদু খন্নখি।
২০১৪গী ফেব্রুৱারীদা শেংলবা মোস্ক অনিগী মপু ওইরিবা নিংথৌ সলমান বিন অবদুলাজিজ অল সাউদনা ভারত্ত লাক্লম্বা, ২০১৬কী এপ্রিলদা ভারতকী প্রধান মন্ত্রী নরেন্দ্র মোদীনা সৌদী অরাবিয়াদা চৎখিবা অমসুং ২০১৯গী ফেব্রুৱারীদা ক্রাউন প্রিন্স, উপ প্রধান মন্ত্রী অমসুং ঙাকশেল মন্ত্রীগী নই দিল্লী খোঙচৎতা নাকল অনিনা ২০১০গী মার্চকী ‘রিয়াধ দিক্লারেসন’দা অমুক হন্না থাজবা থমখি।
ভারতকী মাইকৈদগী প্রধান মন্ত্রী অমসুং সৌদী অরাবিয়াগী মাইকৈদগী ক্রাউন প্রিন্স, উপ প্রধান মন্ত্রী অমসুং ঙাকশেল মন্ত্রীনা খুৎয়েক পীনদুনা লৈবাক অনিগী মরক্তা স্ত্রাতেজিক পার্তনরসিপ কাউন্সিল লিংখৎপদা নাকল অনিনা অপেনবা ফোংদোকখি অমসুং খোঙচৎ মনুংদা লৈবাক অনিগী সরকারশিং অমসুং লনাই কম্পেনীশিংগী মরক্তা য়ানচেশিং অমসুং এম ও য়ু কয়া খুৎয়েক পীনখি।
রাজনিতী, শেন-থুম, ঙাক-শেন, দিফেন্স, শিন্মীগী মতাংদা নাকল অনি মতেং পীনবা হেনগৎলকপদা লৈবাক অনিনা থাগৎপা ফোংদোকখি। মালেমগী অমসুং লমদম অসিগী শান্তি থম্নবা লৈবাক অনিগী মরক্তা অৱাংবা থাক্কী মীফম পাংথোকপা অমসুং ৱা খন্নবদা মখোয়না অপেনবা ফোংদোকখি।
ক্রাউন প্রিন্স, উপ প্রধান মন্ত্রী অমসুং ঙাকশেল মন্ত্রী মোহমদ বিল সলমান বিন অবদুলাজিজ অল সাউদকা ভারতকী প্রধান মন্ত্রীগা উনখি। লুচিংবা অনিনা হিরম কয়াদা ৱারী শানখি অমসুং লৈবাক অনিগী মরক্তা মতেং পাংনবা হেনগৎলক্লিবা অসি মখোয়না থাগৎখি। ২০১৬কী এপ্রিলদা ভারতকী প্রধান মন্ত্রী নরেন্দ্র মোদীনা সৌদী অরাবিয়াদা চৎখিবা অমসুং ২০১৯গী ফেব্রুৱারীদা ক্রাউন প্রিন্স, উপ প্রধান মন্ত্রী অমসুং ঙাকশেল মন্ত্রীগী নই দিল্লী খোঙচৎ মতুংদা লৈবাক অনিগী মরক্তা মতেং পীনবা হেনগৎলকপদা নাকল অনিনা থাগৎখি।
নাকল অনিগী লমদম অসিগী অমসুং মালেমগী ৱাথোকশিংগী মতাংদা ৱারী শানখি অমসুং মনিংতম্বা লৈবাকশিংদা খুৎথারকপা মতমদা মালেমগী লৈবাকশিংনা ঙাকথোক্নবা থৌদাং লৌবগী তঙাইফদবশিং খন্নখি। মখোয়না সিরিয়াগী মতাংদা লৌখিবা সেক্যুরিতী কাউন্সিল রিজোলুসন(২২৫৪) খন্নখি অমসুং য়েমেনগী অপুনবগী শক্তম ঙাক্নবা অমসুং য়েমেনি নেসনেল দাইলোগ অমসুং সেক্যুরিতী কাউন্সিল রিজোলুসন(২২১৬)গী মতাংদা খন্নখি। য়ু এনগী ৱারেপশিংগী মখাদা পেলেস্তাইনগী মীয়ামদা মখোয়গী ফংফম থোকপা হকশিং ফংহন্নবা অমসুং জেরুসালেম্না মখোয়গী কোনুং ওইদুনা ১৯৬৭গী ঙমখৈদা মখোয়গী মনিংতম্বা লৈবাক অমা লৈহন্নবা নাকল অনিনা থাজবা থমখি।
ভারত মহাসাগর লমদম অমসুং গল্ফ লমদমদা ঈশিং লম্বীশিং ঙাক্নবা পাম্বৈশিং ফগহন্দুনা লৈবাক অনিমক্কী সেক্যুরিতী য়াওনা মরুওইবা কয়াদা শিংনরকপশিং থেংন্নবা পুন্না থবক তৌমিন্নবগী মরুওইবা নাকল অনিনা য়ানখি।
তেরোরিজমনা লৈবাকশিং অমসুং খুন্নাইশিংদা পীরিবা চৈথেং নাকল অনিনা খন্নখি। মসিগী থৌওং অসি অকক্নবা ধর্ম্ম, ফুরুপ নৎত্রগা কলচর অমগা মরী লৈনহনবা মালেমগী থৌওং অসি মখোয়না য়াখিদে। নাকল অনিনা তেরোরিস্তকী থবক খুদিংমক য়াখিদে অমসুং অতোপ্পা লৈবাকশিংদা মিসাইলশিং অমসুং দ্রোনশিং শীজিন্নদুনা কিহনবগী থবক চৎথবা থিংবগী তঙাইফদবা অদু তকশিনখি।
সৌদীগী মীচমশিং লৈফমদা তেররগী থবকশিং চৎথরিবা অসিদা ভারতনা য়ানিংদবা ফোংদোকখি। য়ু এন কাউন্তর তেরোরিজম সেন্তরদা হেন্না মতেং পাংনবা অমসুং হৌজিক লৈনরিবা সেক্যুরিতীগী মতেং পাংনবা অসিগী মখাদা তেরোরিজম থেংন্নবা হেন্না মতেং পীনবগী মরুওইবা অদু নাকল অনিনা য়ানখি।
ললোন-ইতিক অমসুং ইনভেস্তমেন্ত হেনগৎহন্দুনা লৈবাক অনিগী অফবা শেন-থুমগী অওনবা পুরকপগী মরুওইবা অদু নাকল অনিনা খঙজিনখি। সৌদী অরাবিয়াগী ভিজন ২০৩০গী মখাদা হৌখিবা চহি খর অসিদা লৈবাক অনিগী মরক্তা ললোন-ইতিক অমসুং ইনভেস্তমেন্তগী লমদা মখা তানা মতেং পীনবা হেনগৎলকপদা নাকল অনি হরাওবা ফোংদোকখি। ইনফ্রাস্ত্রকচর, মাইনিং, ইনর্জী, রেম্যুএবল ইনর্জী, এগ্রিকলচর, তেক্নোলোজী অমসুং স্কিক মেনপৱার, ইনফোরমেসন তেক্নোলোজী, ইলেকত্রোনিক্স অমসুং তেলিকম্যুনিকেসনগী লমদা লৈবাক অনিদা লৈরবা শেন থাদবগী খুদোংচাবশিং লৌনবা নাকল অনিগী ললোনবশিংদা তকশিনখি।
ইনর্জী, সিবিল এভিয়েসন, সেক্যুরিতী কোওপরেসন, দিফেন্স, রুপে কার্দ হৌদোকপা অমসুং মেদিকেলগী পোৎলমশিংগী মতাং য়াওনা হিরম কয়াদা নাকল অনিগী মরক্তা এম ও য়ু কয়া খুৎয়েক পীনখি।
মহাক অমসুং মহাক্কা লোয়নরকপা মীহুৎশিং তরাম্না ওকপগীদমক প্রধান মন্ত্রীনা সৌদী অরাবিয়া সরকার অমসুং মীয়াম থাগৎখি। ২০২০দা সৌদী অরাবিয়ানা জি ২০ মীফম য়ুম্বু ওইনবা থৌরাং তৌরিবা অসিদা ভারতনা তরাম্না ওকপা অদু মহাক্না থমখি অমসুং রিয়াধতা পাংথোক্কদৌরিবা জি ২০ মীফম অদুদা মহাক শরুক য়াগনি হায়বগী থাজবা থমখি।
শেংলবা মোস্ক অনিগী মপু ওইরিবা নিংথৌ সলমান বিন অবদুলাজিজ অল সাউদনা ভারতকী প্রধান মন্ত্রীগী হকচাং ফনবা অমসুং নুংঙাইনা হিংনবা অমসুং ভারতকী মীয়াম চাউখৎনবা অমসুং নুংঙাইনবা থৌনখি অমসুং মহাক্কী য়াইফ—পাউজেল পীখি।
নাকল অনিগী মতেং পীনবা মপুং ফানবা ভারত্ত লাক্নবা প্রধান মন্ত্রীনা পীবা চেবাউ অদু শেংলবা মোস্ক অনিগী মপু ওইরিবা নিংথৌনা তরাম্না ওকখি।
