ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা বেঙ্ক ওফ বরোদা, বিজয়া বেঙ্ক অমসুং দেনা বেঙ্ক অসি বেঙ্ক ওফ বরোদানা ত্রান্সফিরি বেঙ্ক অমসুং বিজয়া বেঙ্ক অমসুং দেনা বেঙ্কনা ত্রান্সফেরর বেঙ্ক ওইনা পুনশিনবদা অয়াবা পীরে ।

ভারত্ত বেঙ্ক অহুম পুনশিনবা অসি মসিনা অহানবনি অমসুং পুনশিল্লবা বেঙ্ক অদুনা ভারতকী অনিসুবা খ্বাইদগী চাওবা সরকারগী বেঙ্ক ওইরগনি

পুনশিনবা অসিনা শেন-থুমগী লমদা মালেমগী ওইনা চাংদম্নবা ঙমগদবা মপাঙ্গল কনবা বেঙ্ক ওইহনবদা মতেং পাংগনি । নেতৱার্কশিং শীজিন্নবা, লো-কোস্ত দিপোজিৎশিং অমসুং বেঙ্ক অহুম অসিগী সবসিদিয়াশিংনা বেঙ্ক অসিগী ফিবম ফগৎহনবা ঙমগনি অমসুং মসিনা কস্তমর য়ামখৎহনবা, মার্কেত রিছাস, থবক ফজনা পাংথোকপা অমসুং কস্তমরশিং নুংঙাইহনবা ঙমগনি ।

পুনশিনবগী স্কিমগী মরুওইবা ৱাফমশিং :

(a) বেঙ্ক ওফ বরোদানা ত্রান্সফিরি বেঙ্ক অমসুং বিজয়া বেঙ্ক অমসুং দেনা বেঙ্কনা ত্রান্সফেরর বেঙ্ক ওইগনি ।

(b) স্কিম অসি ২০১৯গী এপ্রিল ১দগী চৎনবা হৌগনি ।

(c) স্কিম অসি চৎনবা হৌবদগী ত্রান্সফেরর বেঙ্কনা ত্রান্সফেরি বেঙ্কতা বিউজিনেসশিং, এসেতশিং, রাইতশিং, তাইতলশিং, ক্লেমশিং, লাইন্সেস, এপ্রুবেল, লন-থুমশিং, পূখিবা শেনশিং, লাইয়েবিলিতিশিং ত্রান্সফর তৌগনি ।

(d) ত্রান্সফেরর বেঙ্কশিংগী ওফিসার অমা নৎত্রগা ইমপ্লোয়িশিংনা পায়রিবা ফম , তলব অমসুং এল্লাওয়েন্স অদু অমত্তা তাদনা ত্রান্সফেরি বেঙ্ক অদুদা ফংগনি ।

(e) ত্রান্সফেরি বেঙ্কগী বোর্দনা ত্রান্সফেরর বেঙ্কগী ওফিসারশিং অমসুং ইমপ্লোয়িশিংগী অশোই-অঙাম থোক্তনবা থবক পায়খৎকনি ।

(f) সিয়ার একচেঞ্জ রেসিওগী মতুংইন্না ত্রান্সফেরর বেঙ্কশিংগী সিয়ারহোল্দরশিংদা ত্রান্সফেরি বেঙ্কনা সিয়ারশিং ইসু তৌগনি । করিগুম্বা সিয়ার একচেঞ্জ রেসিওগীগী মতাংদা মখোয়গী খুদোংচাদবা লাকপা মতমদা ত্রান্সফেরি অমসুং ত্রান্সফেরর বেঙ্কশিংগী সিয়ারহোল্দরশিংনা এক্সপার্ত কমিতি অমগী খুৎথাংদা ৱাকৎপা য়াগনি ।

পুনশিনবগী খুদোংচাবা খর –

• পুনশিল্লবা বেঙ্ক অদু শেন-থূমগী গ্রোদ লাকপগী মতুংইন্না দরকার ওইবা ক্রেদি পীবা ঙমগনি । শেন-থুমগী পাকচাউবা হেনগৎলকপগী মতুংইন্না শেন্দং ফংবা, খুদোংচাবা কয়া পীবা, তেক্নোলোজি শীজিন্নবা, রিক্স মেনেজমেন্ত অমসুং মী খুদিংমক শেন-থুমগী কান্নবা ফংহনবা হেনগৎলক্কনি ।

• মসিনা মালেমদা অমসুং ভারতদা মালেমগী অচৌবা বেঙ্কশিংগা চাংদম্না ঙম্বা বেঙ্ক অমা ওইহনগনি ।

• বেঙ্ক অমমমগী অফবশিং – হায়বদি দেনা বেঙ্কগী লো কোস্ত কাসা দিপোজিৎশিং, বিজয়া বেঙ্কগী শেন্দেোং অমশুং কেপিতেল মরাং কাইনা লৈবা অমসুং বি ও বিগী মালেম শীনবা থুংনা লৈরিবা নেতৱার্ক অসিনা খুদোংচাবা কয়া পীরি ।

• পুনশিল্লবা বেঙ্ক অদুদা মশিং য়াম্লবা হৈশিংলবা মীওই কয়া অমসুং দেতাবেজ মশীং য়াম্না লৈবদগী মদুনা বেঙ্কগী থবক দিজিতাইজেসন তৌবদা খুদোংচাবা হেন্না ফংহনগনি । মসিনা নেতৱার্ক মরাং কাইনা লৈবদগী সবসিদিয়ারিশিংগী খুৎথাংদা পোৎথোকশিং অহোংবা মমলদা য়েন্থোকপা ঙমহনগনি ।

• মীয়াম্না নেতৱার্ক মরাং কাইনা লৈবগী কান্নবা ফংগনি অমসুং ইরাই লাইনা বেঙ্কগী খুদোংচাবশিং অমসুং শেন্থং ফংবা ঙমগনি ।