ভারতকী প্রধানমন্ত্রী

ইমা ভারতনা মাইপাক্লে!

বন্দে মাতারম!

বন্দে মাতারম!

বন্দে মাতারম!

ঙসিগী নুমিৎ অসিদা নেতাজী মফম অসিদা লাকখি। নখোয় ময়াম্না নশাগী মোবাইল ফোনশিং লৌথোক্নবা অমসুং মহাক ইকায়খুম্নবা উৎনবা ঐনা হায়জরি, মহাক্কী মফমদা ইকায়খুম্নবা উৎনবা নহাক্কী ফোনগী ফ্লাস লাইতশিং ঙানহল্লু। ঐগা লোয়ননা হায়মিন্নসি–

নেতাজী জিন্দাবাদ!

নেতাজী জিন্দাবাদ!

নেতাজী জিন্দাবাদ!

সুভাস বাবু জিন্দাবাদ!

সুভাস বাবু জিন্দাবাদ!

সুভাস বাবু জিন্দাবাদ!

সুভাস বাবু জিন্দাবাদ!

বন্দে মাতারম!

বন্দে মাতারম!

বন্দে মাতারম!

ময়াম পুম্নমক থাগৎচরি!

মফম অসিদা শরুক লৈরিবা শক্নাইরবশিং অমসুং সুভাস বাবুগী ইমুং–মনুংগী মীওইশিং অমসুং ঐগী নুংশিরবা ইনাওশিং অমসুং ইচলশিং।

নীংতম্বা ফংনবা মখোয়গী পুন্সিনা পোন্থা ওইদুনা থৱায় কৎখ্রবা অথৌবশিংনা শেংদোক্লবা লম অসি ঐনা ইকায়খুম্নবা উৎচরি। অন্দমান অমসুং নিকোবর অসি মহৌশাগী ফজবগী খুদম অমা ওইবা নত্তনা মসি ভারতমচাশিংগী লাইখুরুমফম অমনি। মসিগী ইথৎশিং অসি নীংতম্বা ফংনবা হোৎনবদা ঐখোয়না থেংনখিবা লানগী খুদম্নি।

মরূপশিং,

লৈবাক অসিগী হৌখ্রবা, হৌজিক অমসুং তুংদা য়াম্না মরুওইরিবা ইথৎশিং অসি শেমগৎনবা অমসুং লৈবাক অসিগী চাউখৎপগী মরুওইবা মফম অমা ওইহন্নবা ঐখোয়গী সরকারনা হোৎনরি। মসিগী ৱাখল অসিদা থমদুনা ঙসি অন্দমানগী মফম খুদিং খুদোংচাবশিং ফংহন্নবা লুপা ক্রোর কয়াগী প্রোজেক্তশিং হৌদোক্লি নৎত্রগা উরেপ–উয়ুং তম্লি। প্রোজেক্তশিং অসি লাইরিক তম্বা, লায়েংবা, তুরিজম, উদোগ চাউখৎহনবা অমসুং থবক ফংহনবগা মরি লৈনবা ঙাক্তনি।

মরূপশিং,

লৈবাক অসিগী নীংতম্বগা মরি লৈনবা য়াম্না মরুওইবা মফম অনি ঐনা য়েংবগী খুদোংচাবা ফংলে। অহানবা ঐনা সেল্লুলর জেল অমসুং লৈবাক অসি নীংতম্বা ফংলে হায়না চহি ৭৫গী মমাংদা নেতাজীনা ফিরাল চিংখৎখিবা মফম অদুদা চৎখি।

মরূপশিং,

সেল্লুলর জেলদা চংলকপা মতমদা তোঙানবা অমা পুক্নিংদা ফাওরকখি। মীওৎ–মীনৈ কয়া মখোয়না হরাওনা খাংখিবা অদু ঐ তশেংনা খঙবা ঙমদে। সেল্লুলর জেল মনুংদা চৎপা মতমদা ইমা ভারতকী মচাশিংনা মখোয়গী ঈনা সমুদ্রগী ইথকশিংদা ‘ভারত ইমানা য়াইফরে’ হায়না ইবা অদু পুক্নিংদা ফাওখি।

সাভারকার, বাবা বান সিংহ, মহাবির সিংহ, ইন্দ্রধনুস রে হায়রিবা রিভোলুসন্নরী কয়া হায়রিবা সেলশিং অসিদা চহি কয়া মীওৎ মীনৈ খাংখি। নীংতম লান্মীশিং হায়বদি বরিন্দ্র কুমার ঘোস, উল্লাসকর দত্ত, পৃথবি সিংহ অজাদ, ত্রিলোক্য নাথ চক্রাবর্তি অমসুং বাই পারমানন্দগী মতিক মগুনশিং সেল্লুলর জেলগী মফম খুদিংদা ঙান্দুনা লৈরি। লৈবাক অসিনা শকখঙবীদ্রবা নীংতম লান্মীশিং অসি কৈদৌঙৈদা কাওবা ঙম্লোই।

ঐগা লোয়ননা হায়মিন্নি –

অথৌবশিং অমর ওইরসনু!

অথৌবশিং অমর ওইরসনু!

মরূপশিং,

নীংতম লানগী অথৌবশিং পন্নরকপদা সুভাস চন্দ্র বোসকী মিংনা ঐখোয়দা চাউথোকচবা অমা পোকহল্লি। অজাদ হিন্দ সরকারগী অহানবা প্রধান মন্ত্রীনা অন্দমান অসি ভারতকী নীংতম্বগী লম ওইহনখি। মফম অসিদা নেতাজীনা নীংতম্বগী ফিরাল চিংখৎপদগী অন্দামানগী অথৌবা কয়া লৈবাক্কী নীংতম্বা ফংনবা মখোয়গী থৱায় থাখি ।

১৯৪৩গী দিশেম্বর ৩০গী থৌদোক অদু হৌখিবা চহী ৭৫ মপুং ফারে। নুমিৎ অদু নীংশিংবা ওইনা ঐখোয়না ফুদ ১৫০ ৱাংবা ফিরাল চিংখৎলি। মসিগা মান্নবা খুদোংচাবা অমা ঐনা থা খরগী মমাংদা রেত ফোর্দতা ফংখ্রে। মতম অদুদা অজাদ হিন্দ ফৌজ চহি ৭৫ মপুং ফারে।

মরূপশিং,

পুৱারীগী থৌদোক অদু নীংশিংনবা শেনয়েক অমা অমসুং পোস্তেল স্তাম্প অমা ফোংলে। অন্দমানগী মফম খুদিংমক্ত অমসুং লৈবাক অসি শীনবা থুংনা নেতাজী নীংশিংদুনা লৈহৌনবা সরকারনা থবক কয়া পায়খৎলে। ঙসিদগী হৌনা রোস আইলেন্দ অসি নেতাজী সুভাস চন্দ্র বোস আইলেন্দ হায়না খঙনরগনি, নৈল আইলেন্দ অসিনা সহিদ  আইলেন্দ অমসুং হেবলোক আইলেন্দনা শ্বারাজ আইলেন্দ হায়না খঙনরগনি।

মরূপশিং,

ইথৎশিং অসিদা ভারতকী ফিরাল পাইহন্দুনা নেতাজী মশামক্না ভারত বৃতিসকী মখুত্তগী নীংতম্লে হায়না লাউথোকখি। নুমিৎ অদুদা মহাক্না হৌজিক নেতাজী ইস্তদিয়ম হায়না খঙনরিবা মফম অসিদা মশিং য়াম্লবা ভারতমচাশিংদা ৱা ঙাংখি। মফম অসি লৌশিনবদগী মরক্কী  সরকার লৈরে হায়না মহাক্না লাউথোকখি। মদুদগী চহি মরিগী মতুংদা ইমা ভারত মীনাই ওইরম্বদগী নীংতম্বা ফংখি।

মরূপশিং,

লোইলম লৈঙাক্কী শাংলবা মতমদগী হৌনা ভারতকী অপুনবগী শক্তমদা ৱাহং কয়া হংদুনা লাকখি। সুভাস বাবুসু মমাংঙৈদগী  হৌনা ভারত অসি অমত্তনি হায়বা থাজদুনা লাকখি। লোইলম লৈঙাক্কী মতমদা মসিগী অপুনবগী শক্তম অসি থুগাইনবা কয়ারক হোৎনখি হায়বা কনা অমত্তনা য়াদবা ঙম্লোই। ঙসিদি নেতাজীগী ৱাখল্লোন অদুগা অমত্ত ওইনা ‘এক ভারত শ্রেস্থা ভারত’কী লম্বীদা চৎপদা ঐনা হরাওবা পোকই।

মরূপশিং,

ইতৎ তত্তনা, মীওই খরনা, খঙনা নৎত্রগা খঙদনা ৱারী শানবা মতমদা মেনলেন্দ অমসুং ইথৎশিংগী মতাংদা খন্নরি। মসি ঐখোয়গী ওইবা ৱারী অমা ওইরে।

মরূপশিং,

ঐগী ওইনা ভারতকী মফম খুদিংমক মেনলেন্দনি। পোর্ত ব্লের অসি দিল্লি, মুম্বাই অমসুং চেন্নাইগুম মেনলেন্দনি। মসিনা মরম ওইদুনা মতম শাংনা হুন্দোক্তুনা থম্লুরবা মফমশিং চাউখৎহন্নবা সরকারনা থবক পায়খৎপা হৌরক্লি। ঐখোয়গী পান্দমদি লৈবাক অসিগী ফিজিকেল অমসুং ইমোসনেল ইন্তেগ্রেসন মপাঙ্গল কন্না লৈহনবনি।

মরূপশিং,

মফম অসিগী পুৱারীদা য়াম্না মরুওইবা শরুকশিং নৌনা শেমগৎনবা হৌখিবা চহি মরি মখাই অসিদা কেন্দ্র সরকারনা থবক পায়খৎতুনা লাক্লি। পুৱারী অসি থৌদোক অমখক নত্তে মসি সনাগী লৈতেং অমসু ওইবনা লৈবাক মীয়ামদা থৌনা হাপ্নবা লমদম অসি মীয়াম মমাংদা পুখৎনবা হোৎনরি। পুৱারীনা থৌনা হাপ্পা খক নত্তনা মসিনা থৌনা অমসুং শক্তিগী ইথিল পীরি। পুৱারীনা ঐখোয়দা মিকুপ নাহুম শিংনা লৈনবা পারা তম্বীরি।

পুৱারী অসি অনৌবা ৱারেপ অমা লৌনবগী থৌনা পীরি। পুৱারীনা ঐখোয়না অনৌবা মঙলান, অনৌবা থাজবা অমসুং তুংগী কৎথোক্নবগী থৌনা পীরি।

মরূপশিং,

মসিগী ৱাখল্লোন অসিদা সরকারনা পুলিস মেমোরিয়েলগী মঙলান অদু থবক ওইনা পাংথোক্লে। সরকারনা বাবা সাহেপ বিমরাও অম্বেকারগী পঞ্চতির্থ শাগৎলে। লৈবাক্কী অপুনবগী শক্তম শাগৎনবা মাংজিল থাখিবা সারদার বল্লভ ভাই পতেলগী মফমদা ইকায়খুম্নবা উৎপা ওইনা ঐখোয়গী সরকারনা মালেমদা খ্বাইদগী চাউবা মীতম শারে। মসিগীদমক লৈবাক অসিনা চাউথোকচাবা পোক্লি। মীতম কয়া অসি পুৱারী ঙাক্তুনা থম্নবা খক নত্তে, মসি লৈবাক অসি পুনশিন্নবা হোৎনবা থৌদাং লৌখিবা থৌনা ফরবা মচাশিংদা ইকায়খুম্নবা উৎপনি।

মসিগী মথক্ত, ঐখোয়না নেতাজী সুভাস চন্দ্র বোস অমসুং সারদার পতেলগী মিংদা নেসনেল এৱার্দশিং লাওথোক্লে। ঙসি ঐনা নেতাজী সুভাস চন্দ্র বোস দিম য়ুনিভর্সিতী লাওথোক্লি।

মরূপশিং,

অনৌবা ভারত অমা শেমগৎনবা লৈবাক অসিগী লুচিংবা কয়াদগী ফংখিবা মরুওইবা ইথিল অদুদি চাউখৎপনি। ঐখোয়গী কলচর অমসুং লন-থুমশিং পুন্না চাউখৎহন্নবা ঐখোয়না হোৎনরি। সবকা সাথ সবকা বিকাস হায়বা লাইৱা অসিগা লোয়ননা লৈবাক অসিগী মফম খুদিং অমসুং মীওই খুদিং চাউখৎহনগনি।

লমদম অসিগী ফিবমশিং অমসুং অকোয়বগী ফিবমগা চুনবা ইন্দস্ত্রীগী চাউখৎপা পুরক্নবা সরকারনা থবক পায়খৎলি। মসিগী থবকশিং অসিদা সোলার পৱার শীজিন্নবা, এন এন জি,ইলেকত্রিক কার, মফম অসিগী ত্রাফিক সিস্তেম শেমগৎপা য়াওরি।

মরূপশিং,

সরকারনা লাকসদিপ এন্দ অন্দমান এন্দ নিকোবর আইলেন্দ ইন্দস্ত্রীয়েল দিবলপমেন্ত স্কিম কৌবা অমা হৌদোক্লে। মসিনা মখাদা অকোয়বগী ফিবম শোকহন্দবা উদোকশিং পায়খৎপা ওন্ত্রেপ্রেনিউয়রশিংদা সরকারনা মতেং পীগনি।

স্কিম অসিনা তুরিজম, ফুদ প্রোসেসিং অমসুং আই তিগী লমদা মীওই লিশিং কয়া কান্নবা ফংহনগনি। অৱাংবা থাক্কী তুরিজম চাউখৎহন্নবা হেবলোক পোর্দতা শারিবা পেসেঞ্জর তরমিনেল অসি শাংদোকহল্লে। মসিনা য়ার্দ ২০দগী য়ার্দ ১০০দা শাংদোক্লে।

মরূপশিং,

লম্বী–থোং ফরবা মতমদা ইন্দস্ত্রী অমসুং তুরিজম চাউখৎকনি। মফম অসিগী ত্রান্সপোর্ত সেক্তরদা চহি অসিদা জহাজ মরি হাপচিল্লে। মেক ইন ইন্দিয়াগ মখাদা কোতি সিপয়ার্দতা জহাজ মরি য়াংনা শাগৎলি। হৌজিক পোর্ত ব্লেয়র পোর্ত দোগ য়ার্দ অসিসু পাকথোক চাউথোকহল্লে।

মরূপশিং,

মফম অসিগী লম্বী–থোংগী ফিবম ফগৎহন্নবা ঐনা লেপতনেন্ত গভর্নরদা তকশিল্লে। মফম অসিগী ওথোরিতিনা থারকপা রিপোর্ত অদু খন্নরবা মতুংদা কেন্দ্র সরকারনা পাংবা য়াবা মতেং পাংগনি।

এয়র কন্নেকতিবিতি ফগৎহনবগী মথক্ত অনৌবা ইন্তেগ্রেতেদ তরমিনেল বিল্দিং অমা বির সভারকার ইন্তরনেসনেল এয়রপোর্তদা শেমগৎলে। পোর্ত ব্লেয়রদগী চেন্নাই অমসুং কোলকোতাদা চারতর ফ্লাইদশিং অহোংবা মমলদা তোংনবগী খুদোংচাবা ফংলগনি।

মরূপশিং,

ঈশিং লম্বী, নোংথক্কী লম্বী অমসুং কংফালগী লম্বীগী মথক্তা আই-ৱে অসি য়াম্না মরুওই। ফোন অমসুং ইন্তরনেত ফংবগী ফিবম য়াম্না ফগৎলে। চেন্নাইদগী লাক্লিবা সমুদ্র মনুংগী ও এফ সি অসিনা দিল্লি অমসুং চেন্নাইদা ফংলিবা অফবা মখলগী ইন্তরনেত কন্নেসক্সন পোর্ত ব্লেয়রদা ফংলগনি। স্তেদ ৱাইদ এরিয়া নেতৱার্ককী মখাদা অহানবগী  ওইনা মফম ১২দা ইন্তরনেত কন্নেক্সন ফংলে।

মরূপশিং,

নহারোলশিং থবক পীনবা ফিস লেন্দিং সেন্তর ১২ লিংখৎলে। মসিগী মনুংদা ৯ শেম-শাবা লোইশিন্‌দুনা থবক হৌরে অমসুং ১০ না য়াংনা শেমগৎলি। ঙা য়োকপা, শা-ষন লোইবা অমসুং লৌউ-শিংউগী লমদা লুপা ক্রোর ২০০গী শেন্থং পীখ্রে।

মরূপশিং,

মফম অসিদা মৈ অমসুং ঈশিং ফংহন্নবা প্রোজেক্তশিং উরেপ-উয়ুং তম্লে। মথং চহি ২০ ফাওবা ঈশিং ৱাৎতনবা ধনিকার দামগী অৱাংবা হেনগৎহল্লে। মৈ মেগাৱাত ৭ পুথোকপা ঙমগদবা সোলার পৱার প্লান্ত অমা অয়াবা পীরে। অমোৎপদগী মৈ পুথোকপগী লমদা পোর্ত ব্লেয়র অসি মরুওইবা থৌদাং লৌরি। মফম অসিদা অনৌবা প্লাসমা গ্যাস প্লান্ত অমা লিংখৎলগনি।

মরূপশিং,

অন্দমানগী মীয়ামগী হকশেলগী থবক কয়া ঐখোয়গী সরকারনা পায়খৎলে। চহি অনিগী মমাংদা পোর্ত ব্লেয়রদা অন্দমান এন্দ নিকোবর আইলেন্দ ইন্সতিতুৎ ওফ মেদিকেল সাইন্সেস থবক হৌখ্রে। অয়ুসমান ভারতকী মখাদা লায়রবা মীওই কয়া লেম্না লায়েংবগী কান্নবা ফংহল্লে।

মরূপশিং,

সরকারনা মফম অসিদা অনৌবা কোলেজশিং লিংখৎলে। অনৌবা লো কোলেজ অমসু লিংখৎলে। হৌজিক নেতাজী সুভাস চন্দ্র বোস দিম য়ুনিভর্সিতীগী খুদোংচাবাসু ফংলে। ঙাইহাক্কী মমাংদা দিগলিপুরদা পোলিতেক্নিক কোলেজ অমা হাংদোক্লে। নিকোবরদা ঐনা আই তি আই অমসু হাংদোক্লে।

মরূপশিং,

সুভাস চন্দ্র বোসনা শ্বারাজগী উরেপ-উয়ুং তম্লম্বা মফম অসিদা, ঙসি ঐখোয়না শ্বারাজগী চহি ৭৫শুবা থৌরম অসিদা অনৌবা খোঙচৎ অমা হৌনবা ঐখোয়না ৱাশক্লি। নখোয়গী মোবাইল ফোনশিংগী ফ্লাসশিং অদু ওন তৌরগা ঐগা লোয়ননা লাওমীন্নসি –

বন্দে মাতারম!

বন্দে মাতারম!

বন্দে মাতারম!

ময়াম পুম্নমক থাগৎচরি!