ভারতকী প্রধানমন্ত্রী
প্রধান মন্ত্রী – ঐহাক্না য়ুম অসিদা চহি ১২-১৩ চুপ্না লৈরি, অমসুং ঐহাক্না মফম অসিদা লেপ্পা লৈতনা তরাম্না ওকপা অমসুং থেংনখিবা মীওইশিং অসি শান্নরোয়শিংনি। হৌখিবা চহি তরাগী খুজিং কয়া অসিদা, ভারতকী মায় পাকপা পুরক্নবা অদোম্না কন্না হোৎনরকপা, অমসুং মায় পাকপগী অনৌবা থাক অমা য়ৌহনবগী চৎনবী অসিনা মরম ওইদুনা, অদোমগী মেদলশিংনা ঐখোয়না স্কুলশিংদা চৎতুনা অমসুং মখোয়বু শান্ন-খোৎনবদা পুক্নিং থৌগৎতুনা পীবা পাউতাকশিংদগী হেন্না মীয়ামদা ইথিল পীরি।
প্রধান মন্ত্রী – মমাংদা নহাক্কী নচানুপী অনিমক শান্নরোয় ওইগনি হায়না নহাক্না ঐঙোন্দা থাজবা পীখিবদাই?
শান্নরোয় – হোয়, মহাক হৌজিক চহি নৌরি। মথংগী কম্মনৱেল্থ গেম্সতা মহাক্না মেদল অহুম য়ুমদা পুরক্কনি।
প্রধান মন্ত্রী – শোইদনমক্কী।
শান্নরোয় – হোয়।
শান্নরোয় – ঐহাক্না শরুক য়াখিবা মতমদা ঐহাক্কী ইভেন্ত অসি ২৯দা পাংথোকখি- গুরু পুর্নিমা নুমিত্তা পাংথোকখি, মরম অদুনা ঐহাক্না ঐহাক্কী গুরুদা নুমিৎ অদুদা খুদোল অমা পীখি।
প্রধান মন্ত্রী – অদোম্না অচৌবা ইকায় খুম্নবা অমা পুরক্লি। পীরাং কয়া শিন্থখি; পীগী ঈরিক খুদিংগী মরক্তগী সনাগী মেদল অমা তারকগুম্না ফাওখি।
শান্নরোয় – ঐহাক য়াম্না নুংঙাইখি, অদুবু পুক্নিং নুংশিবা ফাওখি; নুংঙাইবা অসি য়াম্না হেনখি। ঐহাক পেরিস ওলিম্পিক্সতা সুপ্নগী কিলোগ্রাম অমা খক্তমক হন্থখিবনা মেদল লৌবা ঙমখিদে, অমসুং শান্নরোয় অমনা খাংফম থোকপা পুম্নমক অদু ঐহাক্না খাংদুনা লাকখি। চহি মরি অসিদা ঐনা য়াম্না থেংনখি- লেপ্পা লৈতনা অশোক-অপন থোকপা, ইমুং মনুংগী ওইবা ৱাফমশিং, অমসুং মখল কয়াগী শীংনবশিং। মসি য়াম্না লুবা চহি মরিগী খোঙচৎ অমনি। মরম অদুনা, ঐহাক পোদিয়ম অদুদা লৈদুনা ঐখোয়গী ফ্লেগ অদু ৱাংখৎলকপা য়েংবদা অমসুং ঐখোয়গী নেস্নেল এন্থেম শকপদা ঐহাক্না খামজিনবা ঙমখিদে; পী তপ্না-তপ্না তারকখি।
প্রধান মন্ত্রী – য়াম্না ফৈ
প্রধান মন্ত্রী – ঐহাক্না অদোমগী মায়পাকপা অসি অদোমগী খক্তনি হায়না লৌদে। অদোমগী মায়পাকপা অসিনা তুংগী মীরোনগীদমক্তা চাউরবা ইথিলগী হৌরকফম অমা ওইরি।
শান্নরোয় – মীপুম খুদিংমক্না ঐখোয় অসি কিন্নরম্মি, মখোয়না হায় করিগুম্বা মখোয়না ভারতকা থেংনরবদি মখোয়না অহানবা ফাইৎতা অদুমক লৈহৌরগনি অমসুং মেদল ফংলরোই।
প্রধান মন্ত্রী – মখোয়না ৱাখলনা শাগৎলিবা।
শান্নরোয় – হোয় সর।
প্রধান মন্ত্রী – করি তৌরে? নহাক্না রেস্তোরেন্ত অদুদা লৈবা মীওইশিংগা খন্নখিব্রা?
শান্নরোয় – ঐখোয়না য়াম্না ফজবা পার্ফোমেন্স অমা উৎখি। মসি অরোইবা নুমিৎনি, ঐখোয় পুম্নমক্না মায় পাকখি, অমসুং লৈবাক পুম্নমক্না য়েংখি। মরম অদুনা ঐহাক খরা পুক্নিং নুংঙাইতবা ফাওখি। ঐহাক্না মখোয়দা নোলুক্না রিক্বেস্ত অমা তৌখি অমসুং মহাক্না য়াখি; তশেংনা হৌজিক্তি হোংদোকখ্রে।
প্রধান মন্ত্রী – মায় পাকপা, নুংঙাইবা, হরাওবা, অদোমগী মরুপশিংগা লোয়ননা, শান্ন-খোৎনবশিং লোইরবা মতুংদা, হরাও-তয়াম্বগী ফীভম অসি – অসিগুম্বা মতম অসিদা, মেপ অদু য়েংদুনা মদু রেজিস্তর তৌবসি, অমসুং মেদলশিং পীরকপা মতমদা নত্তনা খুদক্তা, থম্মোয়দা লৈবাক্কীদমক ফাওই। ঐহাক্না অদোমদা থাজবা পীজরি, মসিগী ভিদিও অসি মহৌশাগা মান্নদে। মতম শাংনা মীয়াম্না মসিবু নীংশিংদুনা লৈগনি। মালেমগী বোক্সরশিংনসু অদোমবু কিবা হৌরে।
শান্নরোয়– তশেংনমক সর, মীপুম খুদিংমক কিনখি। অমগী মতুংদা অমা, গোল্দ মেদলশিং লাকখি, অমসুং অরোইবদা মসি এক্সপ্লোজনগুম্না ওইখি। ঐখোয়না মতেং ফংলিবা সপ্পোর্ত, বেক তু বেক কম্পিতিসনশিং অসি অচৌবা ৱাফম অমনি। অমসুং ঐখোয়গী নহা ওইরিবা শান্নরোয় পুম্নমক, মখোয়গী মরক্তগী অয়াম্বনা খেলো ইন্দিয়া স্কিমগী খুত্থাংদা লাক্লি, অমসুং মসিনা শান্ন-খোৎনবদা অচৌবা অহোংবা অমা পুরক্লি।
প্রধান মন্ত্রী– খেলো ইন্দিয়াগী ইকাই খুম্নবা হেনগৎহনবীরবদি, ইকাই খুম্নবা অসি রিবন ককপদগী ফংলরোই। নহা ওইরিবা মহৈরোয়, নহা ওইরিবা অঙাং, নহা ওইরিবা শান্নরোয় অমনা শান্নবগুম্না নহাক্না শান্নগদবনি। মসিনা অচৌবা কন্ত্রিব্যুসন অমা ওইরগনি। মরমদি ঐখোয়না মখা তানা চৎকদবনি, মেদল কয়া অমা পুরকদবনি। কারগিল বিজয় দিবসতা, কনানা মায় পাকখিবগে?
শান্নরোয় – নুমিৎ অদু কার্গিলগী নুমিৎনি, অমসুং ঐহাক্না পাকিস্তানগা লান্থেংনখিবা নুমিৎ অসিসু নুমিৎ অসিমক্তনি। ঐহাক ভারতকী লান্মীদগীনি, মরম অদুনা ঐহাক্না পাকিস্তানবু মায়থিবা পীনবা ৱারেপ লৌখ্রবনি। অমসুং ঐনা পাকিস্তানবু ৫-০ দা মায়থীবা পীখি। ঐহাক্না মসিগী মায়পাকপা অসি ঐখোয়গী ভারতকী লান্মীগী কার্গিলগী অথৌবশিংদা কৎথোকচরি।
প্রধান মন্ত্রী – অদোম্না মসি নীংশিংগদবনি। অমসুং অদোম ইশামকসু লান্মীগী মীওই অমা ওইবনা, ঐহাক্না তশেংনা থাজৈ মদুদি অদোম্না উৎখিবা ইমোসন অদুনা – কার্গিলগী মায় পাক্লবশিংদা অদোমগী মেদল অদু কত্থোকপগা লোয়ননা – মায় পাকপদুদা অথোইবা মতিক ময়াই হাপখি। অমসুং অদোম্না থোইদোক হেন্দোক্না মায়থিবা পীগদবা মওংদা মায়থিবা পীখি।
শান্নরোয় – মতাংদা ঙাংবদা ঐহাকপু থৌদোক অমা নীংশিংহল্লি, সর। ২০১৫ ৱার্ল্দ মিলিতরী গেম্সতা ঐহাক্কী অহানবা লানফম অসি পাকিস্তানগী মায়োক্তা ওইখি। মিলিতরীগী মীওইশিংনা ফোন তৌদুনা হায়খি, “পাকিস্তান্না মায়থিবা পীহনগনু।” অসুম্না ঐনা অহানবা রাউন্দ ৪-১দা অমসুং অনিশুবা রাউন্দ ৩-২দা মায় পাকখি। অদুবু ঐখোয়গী কোক অনিমক য়ৈশিন্নখি, অনিমক্কী কোক ককখি, অমসুং ঐখোয় অনিমক হোস্পিতালদা ফোৎনবা চৎখি। অদুবু ঐহাক্না মায় পাকখি।
প্রধান মন্ত্রী – হোয়।
শান্নরোয়– মদুগী মতুংদা অনিমক হোস্পিতালদা ফোৎনবা পুখৎখি। মদুগী মতুংদা, ২০১৪দা, নহাক্না অহানবা ওইনা প্রধান মন্ত্রী ওইরকপা মতমদা, ঐখোয়গী আর্মী কোচ অদু নরেন্দ্র রানা ওইখি। মহাক্না মতম খরা খল্লগা ঐঙোন্দা হায়রকখি, “ইনাও, ঐনা করিগুম্বা খরা হায়জবা য়াব্রা?” ঐনা য়াই হায়না হায়খি। মহাক্না হায়খি, “নহাক্কী নমিং নরেন্দ্রনি, নহাক্কী কোচকী মমিং নরেন্দ্রনি, নহাক্কী প্রধান মন্ত্রীগী মমিং নরেন্দ্রনি। নরেন্দ্র হায়বা মমিং অসি ঐহাক্না পামদবা হৌরে।”
প্রধান মন্ত্রী – মসি অদোম্না মেদলশিংগী মশিং হেনগৎপা খক্তা নত্তে। অদোম্না মীরোন অমা পুম্ববু শেম শাবনি।
শান্নরোয় – ঐগী মীহুল অসি য়াম্না কন্না চোংলে, সর।
প্রধান মন্ত্রী – পাখৎকনু।
শান্নরোয় – অদুবু…
প্রধান মন্ত্রী – করিগুম্বা অদোম্না পাম্লবদি অদোম্না ৱা ঙাংবগীসু মেদল অমা ফংগনি।
শান্নরোয় – ঐহাক্কী মরুপ-মপাংশিংগী মরক্তা, ঐহাক্না মখোয়গী য়াইফনবগীদমক্তা মখোয়দা পাউতাক পীরকপা মতমদা, মখোয়না ঐঙোন্দা হংজৈ, “অদোম মোদীগা উন্নদোইরা?”
প্রধান মন্ত্রী – হোয়।
শান্নরোয় – হরিয়ানভীদা মখোয়না হায়রম্মি, “মোদীগা উন্নদোইরা, মহাক্না অদোমগী ৱারোলশিংবু তাদোইরা?” ঙসি ঐহাক্না অদোমগা উন্নরে, সর। ঐনা মখোয়দা হায়জবা য়ারে, হোয়, ঐনা মোদী জীগা উনখি।
শান্নরোয় – কম্মনৱেল্থ গেম্সতা ঐহাক্না সিলভর মেদল ফংখি। মদুদগী ঐহাক্না সরদা ক্রেদিৎ পীখি। ঐহাক্কী মঙলানদি মতম অমদা মেদল অমা ফংবনি। অদুবু ত্রেনিং সেন্তর অমত্তা লৈরমদে। সাইদা য়াওরবা মতুংদা, ঐনা কন্না ত্রেনিং তৌখি অমসুং মেদল অমা ফংখি। মরম অদুনা ঐহাক্না য়াম্না ফগৎলকপদগী সরদা ক্রেদিৎ পীখি।
প্রধান মন্ত্রী – ঐহাক্কী ওইনা মসি য়াম্না ইকায় খুম্ননিংঙাই ওইবা ৱাফম অমনি। নহাক্না কন্না হোৎনখি, অমসুং নহাক্না ঐহাকপু নীংশিংখি। ঐহাক তৌবিমল খঙবা উৎচরি, ঐহাক্কী মরুপশিং।
প্রধান মন্ত্রী – অদোম্না বারানসীদা প্রেক্তিস তৌরম্মি, চুমব্রা?
শান্নরোয় – হোয় সর।
প্রধান মন্ত্রী – স্তেদিয়ম অদু করম তৌবগে?
শান্নরোয় – সর, য়াম্না ফৈ। ঐহাক্না মফম অদুদা নুমিৎ ১০-১২গী ত্রেনিংগীদমক চৎখি, মরমদি ঐহাক লাইশঙদা চৎখি, মরম অদুনা ঐহাক্না মফম অদুদা ত্রেনিং ফংখি। অমসুং ঐহাকসু মফম অদুদা লৈবা পাম্মি, মরমদি কাশী বিশ্বনাথ অসি ঐহাক্না য়াম্না পাম্মি, সর।
প্রধান মন্ত্রী – অদোম ভোপালদা ত্রেনিং তৌরম্মি, চুম্মিকো?
শান্নরোয় – হোয় সর।
প্রধান মন্ত্রী – অদোম উজ্জেনদা চৎপ্রা?
শান্নরোয় – হোয় সর, ঐহাক্না উজ্জেনদসু চৎখি।
প্রধান মন্ত্রী – ফৈ, মহাকালগী মনাক্তসু।
শান্নরোয় – হোয় সর।
প্রধান মন্ত্রী – অদোম্না কাশি বিশ্বানাথকী মনাক্তা অমুক্তং চৎলুব্রা।
শান্নরোয় – হোয় সর।
প্রধান মন্ত্রী – হৌজিক সাৱনগী থানি।
শান্নরোয় – ঐহাক্না য়ুমদা চৎকনি অদুগা মফম অদুদা চৎলি, সর।
প্রধান মন্ত্রী – ওকে।
শান্নরোয় – সাইনা ঐহাকপু য়াম্না মতেং পাংখি, সর। মরম অদুনা ঐহাক মফমসিদা লাকখি। অমসুং ঐহাক্না ২০১৮দা অহানবা খেলো ইন্দিয়া স্কিমদা শরুক য়াখি। ঐহাক্না মফম অদুদা সিলভর মেদল অমা ফংখি। ঐহাক্না অদোমবু হৌদোকপগী থৌরম অদুদা উখি। ঐহাক্না মফম অদুদা মেদল অমা ফংখি, স্কিম অদু ফংখি, অমসুং মফম অসিদা য়ৌখি, সর।
প্রধান মন্ত্রী – স্পোর্তস এরেঞ্জমেন্তশিং অসি অমা খক্তনি, অদুবু লৈবাক অসিদা শান্ন-খোৎনবগী চৎনবী অমা শেমগৎলকপা মতমদা লৈবাক অসিনা মেদলশিং ফংই। মরুপশিং, অদোম্না অফবা থবক অমা তৌখ্রে। অদোম্না লৈবাক অসিবু চাউথোকচবা পোকহল্লে। ঐহাক্না অদোমবু য়াম্না নুংঙাইবা ফোংদোকচরি। অমসুং ঐঙোন্দা থাজবীয়ু, অদোম্না তুংলমচৎতা মায় পাক্কনি, অমসুং ঐখোয়না অমুক্কা হন্না মফম অসিদা উনগনি। অদোমবু হন্না-হন্না থাগৎচরি। য়াইফ মঙ্গোল পীজরি।
প্রধান মন্ত্রী – মসি অদোম্না থংন-থংনন চহি অহুম লৈবাক অসিগীদমক মেদল পুরকপনি।
শান্নরোয় – থাগৎচরি সর।
প্রধান মন্ত্রী – অফবা ওইবা ইচা।
শান্নরোয় – অমসুং থাগৎচরি। ঐহাক্না সরগী খুৎতগী লাদ্দু চাবা ফংজরি। ঙরাং ঐগী ইপোক নুমিৎনি, মরম অদুনা ঙসিদি সরগী খুৎতগী…
প্রধান মন্ত্রী – নুংঙাইবা ফোংদোকচরি, য়াম্না ফৈ।
প্রধান মন্ত্রী – নোকউনে ঐগী মরুপ।
প্রধান মন্ত্রী – জো খেলেগা, ৱো খিলেগা।
****
