Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

ভারত্তা অহানবা ব্রিক্স ৱাতর মিনিস্তরশিংগী মীফম পাংথোক্নবা প্রধান মন্ত্রীনা হৌদোকখ্রে


ঙসি ব্রাজিলদা ১১শুবা ব্রিক্স মীফমগী প্লিনরী সেসন্দা প্রধান মন্ত্রী শ্রী নরেন্দ্র মোদীনা ৱা ঙাংখ্রে। ব্রিক্স লৈবাকশিংগী অতৈ লুচিংবশিংসু সেসন অদুদা ৱা ঙাংখি।

থৌরম অদুদা প্রধান মন্ত্রীনা হায়খি মীফম অসিগী থিম “অনৌবা তুংলমচৎ অমগী শেন-থুম চাউখৎহনবা” অসি য়াম্না চুনৈ। অনৌবা পুথোকপা অসি ঐখোয়গী চাউখৎপগী য়ুম্ফমনি। অনৌবা পুথোক্নবগীদমক ব্রিক্সশিং মতেং পীনবা হেনগৎহনবা অসি মথৌ তাই।

প্রধান মন্ত্রীনা হায়খি হৌজিক ঐখোয় ব্রিক্সকী মাইওনগী খন্নগদবনি অমসুং মথং চহি ১০দা হেন্না কান্নগদবা মওংদা মতেং পাংনগদবনি। হিরম কয়াদা মাইপাক্লবসু, হিরম খরদা হোৎনবা হেনগৎহনবা দরকার ওইরি। মালেমগী অপুনবা মীশিংগী চাদা ৪০ হেন্না লৈরিবা ব্রিক্স লৈবাকশিংগী মরক্তা ললোন-ইতিক্কী থবক অসি মালেমগী ললোন-ইতিক্কী চাদা ১৫ খক্তনি।
ভারতকী ফিৎ ইন্দিয়া মুবমেন্তগী মতাংদা মহাক্না হায়খি মশা ফবা অমসুং হকশেলগী মতাংদা ব্রিক্সশিংগী মরক্তা মতেং পাংনবা হেনগৎহনবা মহাক্না পাম্মি। শহরশিংগী লমদমদা ঈশিং ফংহনবা অমসুং সেনিতেসন অসি মরুওইবা শিংনবা অমা ওইরি অমসুং ভারত্তা অহানবা ব্রিক্স ৱাতর মিনিস্তরশিংগী মীফম পাংথোক্নবা হৌদোক্লে।

তেরোরিজম থেংননবা অহানবা ব্রিক্স সেমিনার পাংথোকপদা মহাক হরাওবা পোকখি অমসুং ৱার্কিং গ্রুপ মঙাগী থবকশিং অসিনা তেরোরিজম থেংননবা ব্রিক্সকী মরক্তা মতেং পাংনবা হেনগৎহল্লগনি হায়রি।

লৈবাক মঙাগী মীওইশিং অমনা অমদা চৎথোক-চৎশিন অমসুং থবক শুবদা হেন্না নুংঙাইনবা ভিসা, সোসিয়েল সেক্যুরিতী অমসুং ক্বালিফিকেসনগী লমদা লৈবাক অমনা অমবু শকখঙনবা প্রধান মন্ত্রীনা থমখি।