ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত্তা ওইল পাল্ম এরিয়া অমসুং প্রদক্সন হেঙ্গৎহন্নবা খোংথাং অদু য়াখ্রে । মসিগী মনুংচল্লিবা :

1.  এনএমওওপি (নেস্নেল মিসন ওন ওইলশীদস এণ্ড ওইল পাল্ম) গী মখাদা ওইল পাল্ম কল্তিবেসনগী লেন্দ সিলিং লিমিৎ কোমথোকপা ।

মন্ত্রীমন্দলনা ওইল পাল্ম অমসুং ১০০% এফদিআই গী মেক্সিমম বেনিফিত লৌনবগী মায়কৈদা কোর্পোরেত বোদীশিং এত্রেক তৌনবা এনএমওওপি গী মখাদা  হেক্তর ২৫ দগী হেন্বা মফমদা মতেং পিবা থিংবা অদুশু কোমথোকখ্রে ।

1. এনএমওওপি গী মিনি মিশন-II গী মখাদা মতেং পিবগী নিয়মশিং নৌনা শেমদোকপা ।

ওইল পাল্ম প্লান্তেসনশিং এত্রেক্তিব ওইহন্নবা মরু ওইনা প্লান্তিং মেতরিয়েলশিং, মেন্তিনেন্স কোস্ত, ইন্তর-ক্রোপিং কোস্ত অমসুং বোর-ৱেলগী মতেং পিবগী নিয়মশিং নৌনা শেমদোক্নবা মন্ত্রীমন্দলনা মখা তানা অয়াবা পিখ্রে । 

 খোংথাং অসিনা মখাগী রিজল্তশিং অসি ফংহল্লগনি:

•  কোর্পোরেত বোদীশিংনা পাক চাওনা ওইল পাল্ম প্লান্তেসন অমসুং ৱেস্তলেন্দশিং শিজন্নবদা পুক্নিং থৌগৎলগনি । এনএমওওপি গী মখাদা অথিংবশিং কোমথোকপনা, প্রাইবেত ইন্ত্রেপ্রিন্যুর/কোওপরেতিব বোদীশিং/ জোইন্ত ভেন্তচরশিংনা ওইল পাল্ম প্লান্তেসন অমসুং এনএমওওপি সপোর্ত লৌবদা মখোয়গী ইন্তরেস্ত অদু উৎলগনি ।
•  লৌমীশিংবু অচৌবা লম্বী অমদা ওইল পাল্ম থাবদা পুক্নিং থৌগৎলগনি । কোস্ত নোর্ম রিবাইজ তৌবা অসিনা ওইল পাল্ম প্লান্তেসনগী ফেন্নরশিং মোতিবেত তৌরগনি ।

স্তেত / এজেন্সিগী এনুয়েল এক্সন প্লান (এএপি) অসি দিপার্তমেন্ত ওফ এগ্রিকলচর, কোওপরেসন অমসুং ফার্মরস ৱেলফেয়ারনা রিবাইজ কোস্ত নোর্মসতা এপ্রুব তৌরগনি । প্রাইবেত ইন্ত্রেপ্রিন্যুর/কোওপরেতিব বোদীশিং/ জোইন্ত ভেন্তচরশিংবু মরী লৈনবা রাজ্য সরকারশিংনা মখোয়গী রাজ্যদা ওইল পাল্ম প্লান্তেসনগীদমক বার্তন তৌরক্লগনি ।

হৌজিক্কী ওইনা, প্রোগ্রাম অসি রাজ্য ১২ দা ইমপ্লিমেন্ত তৌরে, মখোয় অদুদি,  অন্ধ্র প্রদেস, কর্নাতকা, তামিল নাদু, মিজোরাম, ওরিসা, কেরল, তেলঙ্গনা, ছতিসঘর, গুজরাত, অরুনাচল প্রদেস, নাগালেন্দ অমসুং অসাম । রাজ্য ১২ অসিদা চাওরাক্না জিলা ১৩৩ দা ওইল পাল্ম থাবগী থবক চৎথরি, অদুম ওইনমক, ওইল পাল্মগী পোতেন্সিয়েল লৈবা রাজ্য পুম্নমক এনএমওওপি গী মখাদা কোবর তৌরি ।

মসিদা অথিংবা থম্বা মফম কোমথোকপা অমসুং নোর্মস ওফ সবসিদিজ ৱাংখৎহন্বদা ফাইনেন্সিয়েল ইমপ্লিকেসন খরা লৈগনি । মরম অদুনা, অহেন্বা ফন্দশিং মথৌ তারোই ।  

১২ শুবা চহি মঙা প্লানগী চহি চহিগী ওইবা ফিজিকেল অমসুং ফাইনেন্সিয়েল প্রোগ্রেস মখাদা পিরি:

* ২০১৬, দিসেম্বর ফাওবদা

 হৌজিক্কী ওইনা, ওইল পাল্ম দিবলপমেন্ত প্রোগ্রাম অসি ইন্দিবিজুয়েল ফার্মসকী ফিল্দদা প্রমোত তৌরি । পাক চাওবা প্লান্তেসনগীদমক প্রাইবেত ইন্ত্রেপ্রিন্যুরশিং/কোওপরেতিব বোদীশিং/জোইন্ত ভেঞ্চরশিংদা দাইরেক্তলি মতেং পিন্ননবা স্কোপ লৈত্রি । ওইল পাল্ম থারিবা রাজ্যশিংদা লৈরিবা ৱেস্ত লেন্দ/দিগ্রেদেদ লেন্দ/লৌউবা য়াবা লম অসি ওইল পাল্ম প্লান্তেসনগীদমক প্রাইবেত ইন্ত্রেপ্রিন্যুরশিং/কোওপরেতিব বোদীশিং/জোইন্ত ভেঞ্চরশিংদা লিজ/রেন্ততা পিবা নত্রগা লৈবা য়াই । অদুম ওইনমক, এনএমওওপি গী মখাদা শেলগী মতেং হেক্তর ২৫ গী ফংগনি । মরম অদুনা, ওইল পাল্ম অমসুং ১০০% এফদিআই গী মেক্সিমম বেনিফিত লৌনবগী মায়কৈদা কোর্পোরেত বোদীশিং এত্রেক তৌনবা এনএমওওপি গী মখাদা অথিংবা থম্লিবা অদু কোমথোকপা মথৌ তাই । ইন্দিবিজুয়েল ফার্মিং, কন্ত্রেক্ত ফার্মিং অমসুং কেপতিব প্লান্তেসন (লেন্দ সৈলিং নোর্মস কোমথোক্তুনা)গী অপুন্বা অমনা লৈবাক অসিদা ওইল পাল্ম তাবা অসি হেঙ্গৎহনবা ঙমগনি ।

মখল মখা য়াম্লবা ইন্তরবেন্সনশিংগী মতেং পিবগী নোর্মশিং অসি এনএমওওপি প্রোগ্রাম ফোর্মুলেসন তৌবা মতমদা প্রিভেলিং মমলদা য়ুমফম ওইরগা লেপকনি । প্লান্তিং মেতরিয়েল, দিগ্গিং ওফ পিতস, প্লান্তিং, মেন্যুরিং, ইরিগেসন অমসুং ইনকম অমত্তা লৈতনা চহি মরিগী মেন্তিনেন্স ওফ প্লান্তেসনদা অচৌবা শেলফম পুথোক্কদবা অদু য়েংলগা, স্মোল অমসুং মর্জিনেল ফার্মরশিংনা ওইল পাল্ম প্লান্তেসন তৌনিদে । নাকল অমদা, অৱাং নোংপোক রাজ্যশিংদা ওইল পাল্মগী অফবা পোতেন্সিয়েল লৈবা অদুনা চিংগী মফমশিং শেম্বদা অহেন্বা শেনফম মতৌ তাই ।

য়ুমফম:

অচাথাও অসি ইমুং মনুংগী চিঞ্জাক্কী বাস্কেত্তা মরুওইবা পোৎশক অমনি । লৈবাক অসিদা পুথোক্লিবা অপুন্বা অচাথাওগী চাং অসি চাওরাক্না মেত্রিক তন মিল্লিয়ন ৯ নি অদুবু মথৌ তাবা মশিং অসি মেত্রিক তন মিল্লিয়ন ২৫ নি । দিমান্দ অমসুং সপ্লাইগী মরক্তা লৈরিবা গেপ অসি মপাল লমদগী পুশিল্লকই, মদুগী মমল অসি ২০১৫-১৬ তা লুপা কোতি ৬৮,০০০ নি । ইমপোর্ত তৌরিবা ভেজিতেবল ওইলগী ৭০% দি পাল্ম ওইলনা কন্ত্রিব্যুত তৌরি অমদি হেক্তর অমদা পোত্থোক ৱাংবনা মরম ওইরগা খ্বাইদগী হোংবা অমশুনি ।

ওইল পাল্ম অসি মালেমদা খ্বাইদগী মরাং কাইবা ক্রোপনি অমসুং ঙসিদি মালেমদা ভেজিতেবল ওইলগী খ্বাইদগী চাওবা সোর্সনি । মালেসিয়া, ইন্দোনেসিয়া, নাইজেরিয়া, থাইলেন্দ অমসুং কলম্বিয়া অসি চাওনা ওইল পাল্ম পুথোক্লিবা লৈবাকশিংনি । রেপসীদনা হেক্তর অমদা খ্বাইদগী ৱাংনা তোন ১.৩ পুথোকপা অদুগা য়েংনরুবদা ওইল পাল্মনা চাংচৎতা হেক্তর অমদা তোন ৮ দগী ৫ ফাওবা পুথোকই ।

ভারত সরকারনা ১৯৮৬-৮৭ তগী অমদি এনএমওওপি গী খুথাংদা ২০১৪-১৫ দগী ওইল পাল্ম প্রমোত তৌনবা মখল মখা য়াম্লবা প্রোগ্রামশিং পায়খৎলি । ২০১৬-১৭ লোইরকপা ফাওবদা ওইল পাল্ম কল্তিবেসনগী মখাদা হেক্তর লাখ ১.২৫ গী অহেন্বা এরিয়া পুরক্নবা এনএমওওপিনা মীৎয়েং থম্লি । চাওথোকহন্নবা হোৎনরকপা অদুগী মহৈ ওইনা ওইল পাল্ম পুথোক্লিবা এরিয়া অসি ১৯৯১-৯২ দা হেক্তর ৮৫৮৫ ওইরম্বা অদুদগী ২০১৫-১৬ লোইশিল্লকপদা চাওরাক্না হেক্তর লাখ ৩ ফাওবা পাকথোক চাওথোকহন্বা ঙমলে । মদুগা মান্ননা, ফ্রেস ফ্রুইত বনসেস (এফএফবিএস) অমসুং ক্রুদ পাল্ম ওইল (সিপিও) গী পোত্থোক অসি মতুং মনাও নাইনা তোন ২১,২৩৩ অমসুং তোন ১,১৩৪ (১৯৯২-৯৩) দগী ২০১৪-১৫ গী মনুংদা তোন ১১,৫০,০০০ অমসুং ১,৯৮,০০০ ফাওবা হেঙ্গৎলে ।