ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ভারত্তা ব্লুমবর্গকী মফম পাকথোক-চাউথোকহন্নবা অমসুং লৈবাক অসিগী শেন্মিৎলোন, কৈথেলশিং অমসুং মীয়ামগা লোয়ননা মসিগী মরী হেন্না চেৎশিনহন্নবগী থৌরাং অদুবু তরাম্না ওকখ্রে।

Xতা থাগৎলকপা পোস্ত অমদা, মাইক ব্লুমবর্গনা প্রধান মন্ত্রী, শ্রী নরেন্দ্র মোদীবু “মথং-মথং থংননা তাঙ্কক কয়াগীদমক ভারতকী মীয়াম্না খনগৎলবা খ্বাইদগী কুইনা সেবা তৌরিবা প্রধান মন্ত্রী” নি হায়না ফোংদোকখি অমসুং ভারতকী থুনা চাউখৎলক্লিবা শেন্মিৎলোন অমসুং মালেমগী লুচিংবা ওইরকপা অদু শকখঙখি। মহাক্না ভারতকী তুংলমচৎকীদমক প্রধান মন্ত্রীগী মঙলান অদুসু পনখি অমসুং ভারত্তা ব্লুমবর্গকী ৩০শুবা চহি অমসুং লৈবাক অসিদা মসি পাকথোক-চাউথোকহন্নবগী থৌরাংগী মতাংদা খন্ন-নৈনবদা নুংঙাইবা ফোংদোকখি।

মাইক ব্লুমবর্গকী Xতা থমখিবা পোস্ত অদুগী পাউখুম পীলরদুনা, প্রধান মন্ত্রী, শ্রী মোদীনা মহাক্কা উন্নবা ফংজবা অসি নুংঙাইবা ফাওই হায়খি অমসুং ভারত্তা চহি ৩০ মপুং ফাবগীদমক ব্লুমবর্গতা নুংঙাইবা ফোংদোকখি।

ভারত্তা ব্লুমবর্গকী মফম পাকথোক-চাউথোকহন্নবা অমসুং লৈবাক অসিগী শেন্মিৎলোন, কৈথেলশিং অমসুং মীয়ামগা লোয়ননা মসিগী মরী হেন্না চেশিনহন্নবা থৌরাং অদুবু শ্রী মোদীনা তরাম্না ওকখি। মহাক্না ভারতকী চাউখৎ-থৌরাংগী ৱারীনা সেক্তর পুম্নমক্তা শেম্লিবা অচৌবা খুদোংচাবশিং অদুগী মতাংদসু পনখি।

প্রধান মন্ত্রীনা Xতা অসুম্না ইখি;

“ঙসি অয়ুক অদোমগা উন্নবদা য়াম্না নুংঙাইবা ফাওই।

ভারত্তা চহি ৩০ মপুং ফাবগীদমক ব্লুমবর্গতা নুংঙাইবা ফোংদোকচরি। ভারত্তা ব্লুমবর্গকী মফম পাকথোক-চাউথোকহন্নবা অমসুং ঐখোয়গী শেন্মিৎলোন, কৈথেলশিং অমসুং মীয়ামগা লোয়ননা মসিগী মরী হেন্না চেৎশিনহন্নবা থৌরাং অদুবু ঐখোয়না তরাম্না ওকচরি।

ভারতকী চাউখৎ-থৌরাংগী ৱারীনা সেক্তর পুম্নমক্তা অচৌবা খুদোংচাবশিং লেপ্পা লৈতনা শেম্লি।”

It was a delight meeting you this morning.

Congratulations to Bloomberg on completing 30 years in India. We welcome Bloomberg’s plans to expand its presence in India and deepen its engagement with our economy, markets and people.

India’s growth story continues to create immense opportunities across sectors.

— Narendra Modi (@narendramodi) October 13, 2026

*****