ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং য়ুনাইতেদ স্তেত ওফ অমেরিকা অনিগী মরক্তা সাইন্স অমসুং তেক্নোলোজীগী তেংবা পীননবা য়ান-ৱারোলদা অয়াবা পীবা মন্ত্রীমন্দলনা য়ারে।
কান্নবশিং:
• য়ান-ৱারোল অসিনা নাকল অনিগী মরীশিংদা অনৌবা তাঙ্কক অমা হাংদোকপগা লোইননা নাকল অনিমক্না পাম্নবা মওংদা সাইন্স অমসুং তেক্নোলোজীদা শিংথাবা য়ানা মতেং পীনবা হেনগৎহনগনি।
• য়ান-ৱারোল অসিনা অৱাংবা থাক্কী মগুন লৈবা অমসুং চাউনা কান্নবা পীগদবা রিসর্স অমসুং ইন্নোবেসনগী লমদা মতেং পীনবা হেনগৎহন্নবা খুদোংচাবা পীবগা লোইননা সাইন্তিফিক অমসুং তেক্নোলোজীগী লমদা থবক তৌরিবশিংগী মরক্তা লৈনরিবা মরী পাকথোক-চাউথোকহনবা ঙমগনি।
মচং ওইবশিং:
মতেং পীনবা অসিদা মখাদা পীরিবা তোঙান-তোঙানবা মওংশিং অসি য়াওগনি:
• সাইন্স অমসুং তেক্নোলোজীগী ই-পাউ অমসুং অখঙ-অহৈশিং পীথোক—পীশিন তৌনবা।
• সেমিনারশিং অমসুং মীফমশিং পাংথোকপা।
• সাইন্তিস্তশিং অমসুং তেক্নিকেলগী অখঙ-অহৈশিং ত্রেনিং পীবা।
• অপুনবা রিসর্স প্রোজেক্তশিং পাংথোকপা।
• সাইন্স অমসুং ইন্নোবেসনদা য়ুম্ফম ওইবা সরকার-লনাইগী অপুনবা থবক পায়খৎপা।
• অৱাংবা থাক্কী রিসর্সকী খুদোংচাবশিং শীজিন্নবা।
