ভারতকী প্রধানমন্ত্রী

২০১৯গী দিসেম্বর ২-১৩ ফাওবা স্পেনগী মাদ্রিদ (চিলীনা প্রসিদেন্ত ওইদুনা)তা পাংথোক্কদৌরিবা য়ুনাইতেদ নেসন্স ফ্রেমৱার্ক কনভেন্সন ওন ক্লাইমেত চেঞ্জ (য়ু.এন.এফ.সি.সি.সি.)গী ২৫শুবা কনফরেন্স ওন পার্তিজ (সি.ও.পি.)দা ভারতনা তক্নগদবা ৱাফমশিং প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

ভারতকী মীহুৎ কাংবু অদু ইনভাইরনমেন্ত, ফোরেস্ত অমসুং ক্লাইমেত চেঞ্জগী মন্ত্রী প্রকাস জাবদেকরনা লুচিংগনি। কিয়োতো প্রোতোগোলগী মখাদা লৈবাকশিং প্রি-২০২০ মতমদগী পেরিস এগ্রিমেন্তগী মখাদা পোস্ত-২০২০দা হোংনবা থৌরাং তৌনবগীদমক কোপ ২৫ অসি য়াম্না মরুওইবা মীফম অমনি। ভারতনা থমগদৌরিবা ৱাফমশিং অসি য়ু.এন.এফ.সি.সি.সি.গী প্রোবিজনশিং অমসুং পেরিস এগ্রিমেন্তকী ৱাখল্লোনশিংদা য়ুম্ফম ওইগনি।

ক্লাইমেত চেঞ্জগী মতাংদা ভারতনা মাংজিল থারিবা অসি মালেম্না খঙলে। প্রধান মন্ত্রী নরেন্দ্র মোদীগী লমজিং মখাদা অইং-অশাগী খল হোংলকপা থেংননবা ভারত সরকারনা থবক কয়া পায়খৎলে। হন্দক য়ু.এন. সেক্রেতরী জেনরেলনা কৌখিবা ক্লাইমেত এক্সন সমিৎতা ভারতনা রেন্যুএবল ইনর্জী ৪৫০ গিগাৱাত পুথোক্নবা পান্দম অদু প্রধান মন্ত্রী মোদীনা লাউথোকখি। ইন্তর্নেস্নেল সোলর এলাইন্স (আই.এস.এ.)গী খুৎথাংদা সোলর ইনর্জী পুথোকপা হেনগৎহন্নবা ভারতনা মালেমদা মাংজিল থারি।

আই.এস.এ.গী মথক্ত, ক্লাইমেতকী মতাংদা ভারতনা অনৌবা থবক অসি হৌদোক্লে। মসিদা কোলিয়েসন ফোর দিজাস্তর রিসিলেন্ত ইনফ্রাস্ত্রকচর শেমগৎতুনা ক্লাইমেত অমসুং দিজাস্তর রিসিলেন্ত ইনফ্রাস্ত্রকচরগী মতাংদা লৌশিং পীথোক পীশিন তৌনগনি অমসুং ভারত অমসুং সুইদেন্না ‘লিদরসিপ গ্রুপ ফোর ইন্দস্ত্রী ত্রাঞ্জিসন’ পুন্না হৌদোক্লে অমসুং মসিনা কার্বোন য়াম্না থাদোক্তবা অমসুং অনৌবা তেক্নোলোজীগী লমদা মতেং পীনবা হেনগৎহনগনি।

ভারতনা অচৌবা থবক কয়া পায়খৎলি অমসুং অচৌবা থবকশিং পায়খৎপদা চাউখৎলবা লৈবাকশিংনা মতেং পাংনবা তকশিল্লি অমসুং ক্লাইমেতকী থবকশিংগীদমক ২০২০ ফাওবদা চহিদা য়ু.এস. দোল্লর বিল্লিয়ন ১০০ খোমগৎনবগী থবক পাংথোক্নবা তকশিল্লি অমসুং লৈবাকশিংদা মখোয়না মতেং পাংবা হেনগৎহন্নবা ৱাফম য়াওরি।

পুম্নমক অসিগী মথক্তা, অফবা মওংদা ৱারী শানবা অমসুং লৈবাক অসিগী মতম কুইনা চৎনগদবা চাউখৎ-থৌরাংগী থবকশিং ঙাকশেনবগী থবক পায়খৎনবা ভারতনা মিৎয়েং থম্লি।

***