ভারতকী প্রধানমন্ত্রী

তামিল নাদুগী মদুরাই অমসুং মসিগা নক্নবা মফমশিংদা অনা-লায়েংগী থবক ফগৎহন্নবা ঙসি প্রধান মন্ত্রী নরেন্দ্র মোদীনা এ আই আই এম এস মদুরাইগী উরেপ–উয়ুং তমখ্রে অমসুং প্রোজেক কয়া শঙ্গাখ্রে।

মদুরাইগী থোপ্পুরদা অনৌবা এ আই আই এম এস অমা শারগনি। মসিনা লমদম অসিদা অফবা মখলগী অনা–লায়েং, মেদিকলে ইজুকেসন অমসুং রিছাসকী খুদোংচাবা ফংহল্লগনি। মসিগী মফম অসিনা মরুওইনা তামিল নাদুগী খা থংবা জিলাশিংদা লৈরিবা মীয়াম কান্নবা ফংহল্লগনি।

মদুরাইদা মীয়ামদা ৱা ঙাংবদা প্রধান মন্ত্রীনা হায়খি, ঙসি মদুরাইদা এ আই আই এম এস শানবা উরেপ–উয়ুং তম্লিবা অসিনা এক ভারত শ্রেসথা ভারত হায়রিবা ঐখোয়গী পান্দম অদু মমি তারে। দিল্লিগী এ আই আই এম এস অসি অনা–লায়েংগী লমদা ব্রান্দ নেম অমা ওইরিবনি। মদুরাইদা এ আই আই এম এস অমা থমদুনা, মসিগী অনা–লায়েংগী ব্রান্দ অসি কাস্মিরদগী মদুরাই অমসুং গুৱাহাতিদগী গুজরাত ফাওবা লৈবাক শীনবা থুংনা য়ৌহনবা ঙম্লগনি। মদুরাইদা লৈগদৌরিবা এ আই আই এম এস অসিনা তামিল নাদুগী অপুনবা মীয়াম কান্নবা ফংহল্লগনি।

লৈবাক শীনবা থুংনা মেদিকেল কোলেজ ৭৩ ফগৎহন্নবা পান্দম থম্লিবা প্রধান মন্ত্রী শ্বাসথ্য সুরকসা য়োজনাগী মখাদা নৌনা শেমগৎপা রাজাজি মেদিকেল কোলেজ মদুরাই, তাঞ্জাপুর মেদিকেল কোলেজ অমসুং তুরুনেলভেলি মেদিকেল কোলেজগী সুপর স্পিসিয়েলিতি ব্লোকশিং প্রধান মন্ত্রীনা হাংদোকখি। সরকারগী মেদিকেল কোলেজ অহুমদা সুপর স্পিসিয়েলিতি ব্লোকশিং  শঙ্গাবদা প্রধান মন্ত্রীনা মহাক্কী হরাওবা ফোংদোকখি।

প্রধান মন্ত্রীনা হায়খি, সরকারগী পান্দমদি মীপুম খুদিংমক অহোংবা মমলদা অনা-লায়েংগী খুদোংচাবশিং ফংহনবনি। মিসন ইন্দ্রধনুসগী খোঞ্জেল অমসুং পাকচাউবা অসিনা নাদ-য়েক্তনবা পায়খৎলিবা থবকশিংগী অনৌবা মাইওন অমা পীরে। প্রধান মন্ত্রী মাত্রু বন্ধনা য়োজনা অমসুং প্রধান মন্ত্রী সুরকসিত মা্ত্রি বন্ধনা য়োজনা অসিনা মীরোনবা অসি অশোই-অঙাম থোক্তনা মীয়ামগী ইহৌ অমা ওইহল্লি। হৌখিবা চহি মরি মখাই অসিদা য়ু জি মেদিকেল সিত অসি চাদা ৩০ হেনগৎলে।

মহাক্না হায়খি, অয়ুসমান ভারতনা মী খুদিংমক হকশেলগী কভরেজ পীনবা পান্দম থম্লি। স্কিম অসিগী মখাদা তামিল নাদুগী মীওই ক্রোর ১.৫৭ কোনশিল্লে। স্কিম অসি পায়খৎপা সুপ্নগী থা ৩গী মনুংদা মীওই ৮৯০০০ কান্নবা ফংহল্লে অমসুং তামিল নাদুগী মিং চল্লবা অনাবশিংদা লুপা ক্রোর ২০০ হেনবগী কান্নবা ফংহনখ্রে। তামিল নাদুনা মাংজৌননা হেল্থ অমসুং ৱেলনেস সেন্তর ১৩২০ পায়খৎলে হায়বা খঙবদা ঐ হরাওই।

লায়না লাকশিনবগী মতাংদা মহাক্না হায়খি,  ২০২৫ ফাওবগী মনুংদা তি বি মুৎথৎনবা সরকারনা থবক পায়খৎলি। রাজ্যশিংদা ঐখোয়না তেক্নিকেল অমসুং শেন-থূমগী মতেং পীরি। তি বি লৈতবা চেন্নাই অমগী রাজ্য সরকারনা থবক পায়খৎলিবা হায়বা খঙবদা ঐ হরাওই অমসুং রাজ্য অসিনা ২০২৩ ফাওবদা তি বি মুৎথৎনবা পান্দম থম্লি। নেসনেলে তি বি প্রোগ্রাম পায়খৎনবা তামিল নাদু সরকারনা লৌরিবা থৌদাং মহাক্না থাগৎখি।

রাজ্য অদুদা প্রধান মন্ত্রীনা পোস্ত ওফিস পাসপোর্ত সেবা কেন্দ্র ১২ হাংদোকখি। মহাক্না হায়খি, মসি ঐখোয়গী মীয়াম হিংবদা নুংঙাইহন্নবগী অহেনবা খুদম অমনি।

থাও অমসুং গ্যাস সেক্তরগা মরি লৈনবা প্রোজেক কয়া শঙ্গানবা অমসুং উরেপ-উয়ুং তম্নবা মদুরাইদগী প্রধান মন্ত্রী মোদী কোচিদা চৎখি।