ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা কন্সতিত্যুসন (সেদ্যুল ত্রাইবস) ওর্দর, ১৯৫০দা লেপখিবা অরুনাচল প্রদেশকী  সেদ্যুল ত্রাইবশিংগী লিস্ত নৌনা শেমদোক্নবা পর্লিয়ামেন্তা দি কন্সতিত্যুসন (সেদ্যুল ত্রাইবস) ওর্দর (এমেন্দমেন্ত) বিল, ২০১৮ হায়না মমিং থোন্দুনা পুখৎখিবা বিল অমা চৎনহনবদা অয়াবা পীখ্রে।

অরুনাচল প্রদেশকী  সেদ্যুল ত্রাইবশিংগী লিস্ততা মখাগী অহোংবশিং অসি লৈরগনি:

1. সেরিয়েল নম্বর ১দা ‘অবোর’ মুথৎপা, মদুগা মান্ননা সেরিয়েল নম্বর ১৬তা ‘অদি’ মুথৎপা।
2. সেরিয়েল নম্বর ৬তা ‘খাম্পতি’গী মহুৎ তাই খাম্পতিনা শিনবা।
3. সেরিয়েল নম্বর ৮দা ‘মিশমি–কমন’ (মিজু মিশমি), ইদু (মিশমি) অমসুং তারোন (দিগারু মিশমি) হাপচিনবা।
4. সেরিয়েল নম্বর ৯দা ‘মোম্বা’গী মহুৎ মোনপা, মেম্বা, সার্তাং, সাজোলোং(মিজি) হাপচিনবা।
5. অরুনাচল প্রদেশকী সেদ্যুল ত্রাইবশিংগী লিস্তা সেরিয়েল নম্বর ১০দা ‘এনী নাগা ত্রাইবস’কী মহুৎ ‘নোক্তে’, ‘তাংসা’, ‘ৱানচো’ হাপচিনবা।

এমেন্দমেন্তশিং প্রপোজ তৌবগী মরমশিং অদুদি:

1. অবোর মুথৎপা – দুপ্লিকেসন লৌথোকপা
2. খাম্পতি মহুৎ শিন্দোকপা – ‘খাম্পতি’ কৌবা ত্রাইব অমত্তা লৈতে
3. মিশমি–কমন, ইদু অমসুং তারোন (দিগারু মিশমি) হাপচিনবা– মমাংদা য়াওরম্লিবা অসি ‘মিশমি’ খক্তনি। অসিগুম্বা কম্যুনিতী অমত্তা রিপোর্ত লৈতে।
4. মোনপা, মেম্বা, সার্তাং, ৱানচো হাপচিনবা–মমাংদা য়াওরম্লিবা অসিদি ‘এনী নাগা ত্রাইবস’নি। মখোয় অসি রাজ্য অসিদা রিপোর্ত লৈবা নাগা ত্রাইবশিংনি।  
5. নোক্তে, তাংসা, তুৎসা, ৱানচো হাপচিনবা–মমাংদা য়াওরম্লিবা অসিদি ‘এনী নাগা ত্রাইবস’নি। মখোয় অসি রাজ্য অসিদা রিপোর্ত লৈবা নাগা ত্রাইবশিংনি।   

বিল অসি এক্ত ওইরবা মতুংদা অরুনাচল প্রদেসকী সেদ্যুল ত্রাইবকী রিভাইজ তৌরবা লিস্তা নৌনা মমিং য়াওরবা কম্যুনিতীশিংনা সরকারগী হৌজিক লৈরিবা স্কিমশিংগী মখাদা সেদ্যুল ত্রাইবশিংগী কানবা ফংবা ঙমহল্লগনি। অসিগুম্বা মখলগী মরুওইবা স্কিমশিংগী মনুংদা পোস্ত মেত্রিক স্কোলরশিপ, নেস্নেল ওভরসিজ স্কোলরশিপ, নেস্নেল ফেল্লোশিপ, তোপ ক্লাস এজুকেসন, নেস্নেল সেদ্যুল ত্রাইবস ফাইনান্স এন্দ দিবেলপমেন্ত কোর্পোরেসনদগী কন্সেসনেল লোন, সেদ্যুল ত্রাইবস নুপামচাশিং অমসুং নুপীমচাশিংগী হোস্তেলশিং য়াওরি। মথক্কী শিং অসিগী মথক্তা মখোয়না সরকারগী পোলিসীগী মতুং ইন্না থবক তৌবা অমসুং মহৈ তমফম ইন্সতিত্যুৎশিংদা রিজার্বেসনগী কানবসু ফংলগনি।