ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা নেস্নেল মিসন ফোর ক্লিন গঙ্গা অমসুং স্বচ্ছ ভারত মিসনগুম্বা ভারত সরকারগী ফ্লেগশিপ প্রোগ্রামশিংদা শরুক য়াবা হেঙ্গৎহন্নবা ইন্দিয়া দিবেলপমেন্ত ফাউন্দেসন ওফ ওভরসীজ ইন্দিয়ান্স (আই দি এফ- ও আই) থিংজিনবদা অয়াবা পীখ্রে।

য়ুমফম:

অ. আই দি এফ- ও আই অসি মন্ত্রীমন্দলনা অয়াবা পীবগা লোয়ননা ইং ২০০৮দা প্রোফিৎ ত্রস্তকীদমক নত্তবা ওতোনোমস অমা ওইনা লিংখৎখি।

আ. ফাউন্দেসন অসিনা ইং ২০০৮গী দিসেম্বরদগী ইং ২০১৫গী মার্চ ফাওবদা মীরমদা লৈখ্রবা ভারত মচাশিংগী কম্যুনিতীদগী শুপ্নগী লুপা লাখ ৩৬.৮০ খক্তমক দোনেসন ওইনা ফংবা ঙমখি।

ই. অদুম ওইনমক ইং ২০১৫গী এপ্রিলদগী ২০১৮গী মার্চ ফাওবদা ত্রস্ত অসিনা লুপা কোতি ১০.১৬ ফংখি, ফংলিবা কন্ত্রীব্যুসন অয়াম্বা নেস্নেল মিসন ফোর ক্লিন গঙ্গা নত্রগা স্বচ্ছ ভারত মিসন প্রোজেক্তশিংগা মরি লৈনৈ। আই দি এফ- ও আইগী বোর্দ ওফ ত্রস্তীগী ৯শুবা মীফমদা ত্রস্ত অসি ইং ২০১৮গী মার্চ ৩১দা থিংজিন্নবা ৱারেপ লৌখি।