ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা এগ্রিকলচরেল সাইন্তিস্ত রিক্রুইৎমেন্ত বোর্দ (এ.এস.আর.বি.) অমুক হন্না শেম্ননবা পুখৎলকপা ৱাফমদা অয়াবা পীখ্রে।

ৱারোলঃ

• এ.এস.আর.বি.দা মেম্বর অহুমগী মহুৎতা মেম্বর মরি লৈরগনি। বোর্দতা চেয়রপর্সন অমা অমসুং মেম্বর অহুম লৈরগনি।
• এ.এস.আর.বি. অসি চহি অহুমগী মতম নত্রগা চহি ৬৫ শুবা ফাওবা নত্রগা মসিগী মমাং ফাওবগী ওইগনি।
• ওতোনোমী, অরোনবা ঙাকপা, মথৌ পাংথোকপা অমসুং এ.এস.আর.বি.গী থবক থৌরম পাংথোকপগী পান্দম অদুদা মীৎয়েং থম্লদুনা মদুবু আই.সি.এ.আর.দগী খাইদোক্লগনি লোইনা লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী মখাদা এগ্রিকলচর রিসর্স অমসুং এজুকেসন (দি.এ.আর.ই.) বিভাগতা হাপচিল্লগনি।
• এ.এস.আর.বি.গী বজেৎসু আই.সি.এ.আর.দগী খাইদোক্তুনা এগ্রিকলচর রিসর্স অমসুং এজুকেসন বভাগকী মখাদা থম্লগনি। এ.এস.আর.বি.গী সেক্রেতরিয়েৎতা মসিগী এদমিনিস্ত্রেতিব স্তাফ লৈগনি অমসুং মদুগী মনীং তম্বা এদমিনিস্ত্রেতিব কন্ত্রোল লৈগনি।

য়ুম্ফমঃ 

নবেম্বর ১৯৭৩দা সরকারনা এগ্রিকলচরেল সাইন্তিস্ত রিক্রুইৎমেন্ত বোর্দ লিংখৎপগী অয়াবা পীখিবনি, মসিদা মতম পুম্বগী ওইবা চেয়রমেনগী ফম অমসু য়াওই। মসিগী মখাদা এগ্রিকলচর রিসর্স সর্বিসতা তোঙান তোঙানবা ফমদা সাইন্তিস্তশিং খনবগা মরি লৈননা মনীং তম্বা রুক্রুইৎমেন্ত এজেন্সী অমা ওইনা থবক তৌবা হায়না লেপ্নখি। এ.এস.আর.বি.গী থবক থৌরমদা অহেনবা পুরক্নবগীদমক বোর্দ অসি নৌনা শেমদোক্নবা ৱাফম পুখৎলকখিবনি। ৱাফম অসি ওক্তোবর ১৯৮৬তা মন্ত্রীমন্দলনা অয়াবা পীখি, মসিগী মখাদা মেম্বর মশিং অসি অমদগী হেনগৎতুনা অহুম ওইহনখি। ১৯৮৬তা পাংথোকখিবা এ.এস.আর.বি. শেমদোকপগী মতুংদগী বোর্দকী থবক-থৌরম খুমাং য়াওশিনবা হৌখি অমসুং এগ্রিকলচরেল সাইন্সকী লমদা মসিগী থৌদাংসু হেনগৎখি। মতম অদুদা বোর্দনা কোনশিনবা মফম চাউথোকহনবগী তঙাইফদবা থেংনরকখি, মদুদা মীৎয়েং থম্লদুনা চেয়রমেন অমসুং অতৈ মেম্বরশিং খঙ-হৈবগী মতুং ইন্না হাপচিনবা হায়না লেপ্নখি।