ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা এগ্রিকলচর এক্সপোর্ত পোলিসী , ২০১৮ অয়াবা পীরে । এগ্রিকলচর এক্সপোর্ত পোলিসী থবক ওইনা পায়খৎপা অসি য়েংশিন্নবা মরি লৈনবা রাজ্যশিংগী মীহুৎশিং অমসুং মরি লৈনবা মন্ত্রলয়শিং/বিভাগশিংগী মীহুৎশিং য়াওনা কম্মর্সনা নোদেল দিপার্তেমেন্ত ওইদুনা কেন্দ্রদা মোনিতরিং ফ্রেমৱার্ক অমা লিংখৎপা মন্ত্রীমন্দলনা অয়াবা পীরে ।

২০২২ ফাওবদা লৌমীশিংগী শেন্থোক শরুক অনিদা হেনগৎহন্নবা সরকারনা থৌশিল অমা পুথোক্লে । মসিগী পান্দম অসি ফংনবা হোৎনবদা লৌউ-শিংউগী পোৎথোকশিং মপানদা থাদোকপনা মরুওইবা থৌদাং লৌগনি । লৌমীশিংদা মপানদা লৌউ-শিংউগী পোৎথোকশিং থাদোকপা  শরুক অনিদা হেনগৎনবা সরকারনা   এগ্রিকলচর এক্সপোর্ত  পোলিসী অসি পুথোরকপনি অমসুং মসিনা ভারতকী লৌমীশিং অমসুং মখোয়গী পোৎথোকশিং মালেমগী ভেলু চেনশিংদা য়াওহনবা ঙমগনি ।এগ্রিকলচর এক্সপোর্ত  পোলিসী অসি মখাগী পান্দমশিং অসি য়াওরি :

          “লৌউ-শিংউগী লমদা ভারত অসি মালেমগী শক্তি অমা ওইবা ঙম্নবা, চুনবা থৌশিলশিংগী মখাদা ভারতকী লৌউ-শিংউগী পোৎথোকশিং মপান্দা থাদোকপা হেনগৎহনবা অমসুং লৌমীশিংগী শেন্থোক হেনগৎহনবা” ।

পান্দমশিং :

এগ্রিকলচর এক্সপোর্ত  পোলিসীগী পান্দমশিং অদু মখাগী অসিনি :

• ২০২২ ফাওবগী মনুংদা হৌজিক য়ু এস দোল্লর বিলিয়ন ৩০দগী ৬০ ফাওবগী  লৌউ-শিংউগী পোৎথোকশিং মপান্দা থাদোক্লিবা অসি মথং চহিশিংদা য়ু এস দোল্লর বিলিয়ন ১০০দা হেনগৎহনবা ।
• পৎকনবা পোৎথোকশিংদা মীৎয়েং থমদুনা ঐখোয়না মপান্দা থাদোক্কদবা পোৎলমশিং মখল য়ামহনবা, থাদোকফম হেনগৎহনবা অমসুং মগুন হেনগৎহনবা ।
• অনৌবা, মমাংঙৈগী ওইবা, ওর্গানিক, ইথনিক, মহৌশাগী অমসুং মহৌশাগী নত্তবা লৌউ-শিংউগী পোৎথোকশিং মপান্দা থাদোকপা হেনগৎহনবা ।
• য়োনফম থিনবা থবক পায়খৎপা, অপনবশিং থেংনবা অমসুং সেনিতরি অমসুং ফাইতো-সেনিতরিগা মরি লৈনবা থবকশিং লোইশিনবা ।
• অথুবা মতমদা মালেমগী ভেলু চেনশিংগা পুনশিনদুনা মালেমগী ওইনা লৌউ-শিংউগী পোৎথোক মপান্দা থাদোকপদা ভারতকী চাকথুং শরুক অনিদা হেনগৎহনবা ।
• মপানগী কৈথেলশিংদা থাদোকপগী কান্নবশিং লৌমীশিংদা ফংহনবা ।

এগ্রিকলচর এক্সপোর্ত পোলিসীগী মচাকশিং :

এগ্রিকলচর এক্সপোর্ত পোলিসীগী ৱারেপশিং অসি শরুক অনি থোক্না হায়বদি–স্ত্রাতেজিক অমসুং ওপরেসনেল হায়না খাইদোক্লে, অকুপ্পা মখাগী অসিনি :