ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মখাগী হায়জরকপশিং অসিদা অয়াবা পীখ্রে:

১. ফর্তিলাইজর্স এন্দ কেমিকেল্স ত্রাভানকোর লিমিতেদ (এফ.এ.সি.তি.) পায়শিন্দুনা থম্লিবা একর ৪৮১.৭৯গী     লম কেরলা সরকারদা মখাগী থৌওংশিং অসিদা য়োনবা:

অ. একর ১৫০গী লম একর অমমমদা লুপা কোতি অমমমগী মমলদা (মদুগী মহুৎ, কেরলা সরকারনা এফ.এ.সি.তি.দা একর ১৪৩.২২গী লম লেম্না লৌশিনা য়াহনবা);  অমসুং

আ. লেমহৌরিবা একর ৩৩১.৭৯ অদু ইর্নাকুলমগী দিস্ত্রিক্ত কলেক্তরনা লেপলকপা মমল একর অমমমদা লুপা কোতি ২.৪৭৫৮দা লৈবা।

২. য়োনবগী শেনফম অদু এফ.এ.সি.তি.না ৱার্কিং কেপিতেলগী অৱাৎপা, বেলেন্স শীৎ ফগৎহন্নবা অমসুং কম্পেনিগী সস্তেনেবল গ্রোথকীদমক হেন্না পাকথোক চাউথোকপা প্রোজেক্তশিং পায়খৎতুনা ফিজিকেল অমসুং ফাইনান্সিয়েল পর্ফোমেন্স হেঙ্গৎহন্নবা শিজিন্নবা য়াহনবা।

চাউনা থেংনরিবা:

মসিগী অয়াবা পীখিবা অসিনা  এফ.এ.সি.তি.বু বেঙ্কতগী শেল পুশিনবা হন্থহনবা অমসুং ফর্তিলাইজর পুথোকপগী চাং হেঙ্গৎহন্নবা প্রোজেক্তশিং পায়খৎপদা মতেং ওইরগনি।

কান্নবশিং:

এফ.এ.সি.তি.বু নৌহৌনা মথৌ তৌহনবনা কম্পেনী অসি পাকথোক চাউথোকহল্লগনি অমসুং মসিনা অহেনবা থবক ফংহনবদা মতেং ওইরগনি। মসিনা কেরলা রাজ্যগী ইকোনোমীদা ইনোৎ অমা পীরগনি অমদি খা ভারত্তা ফর্তিলাইজর ফংবা হেঙ্গৎহল্লগনি।