ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মহানদী তুরেল ইশিং য়েন্ননবা ৱারেপকী প্রপোজেল অদু অয়াবা পীখ্রে । ইন্তর–স্তেত রিভর ৱাতর দিসপ্যুতস এক্ত, ১৯৫৬গী প্রোভিজনগী মতুং ইন্না ত্রিব্যুনেল অসিদা চেয়ারমেন অমা অমসুং সুপ্রিম কোর্ত নত্রগা হাই কোর্তগী জজশিংগী মরক্তগী ভারতকী চিফ জজতিজনা নোমিনেত তৌরবা অতোপ্পা মেম্বর অনি লৈগনি । মখা তারকপদা, সেন্সিতিব ওইবা ইশিংগা মরী লৈনবা ইশুশিং হেন্দল তৌবদা এক্সপরিয়েন্স লৈরবা ৱাতর রিসোর্সেস এক্সপার্ত অনিনা ত্রিব্যুনেল অসিগী থবক থৌরমদা পাওতাক পীগনি । ইন্তর–স্তেত রিভর ৱাতর দিসপ্যুতস এক্ত, ১৯৫৬গী প্রোভিজনগী মতুং ইন্না ত্রিব্যুনেল অসিনা চহি অহুমগী মনুংদা পাওদম অমসুং ৱারেপ অদু পীশিনগনি, ফিভমগী মতুং ইন্না মদু শাংলবদা অহেনবা চহি অনি অমগা শাংদোকপা য়াই । ওরিষা অমসুং ছতিসগরগী মরক্তা মহানদী তুরেল ইশিং য়েন্নবগী মতাংদা মতম শাংনা পন্দুনা লৈরক্লবা অদুগী ৱারোইশিন পুরক্লগনি ।