ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা কম্পিতিসন কমিসন ওফ ইন্দিয়াগী হৌজিক হাংদুনা লৈরিবা ফম অনি অমসুং হাংলগদবা ফম অমা মেনশিনবা তৌদনা হান্না লৈরম্বা চেয়রপর্সন অমা অমসুং মেম্বর তরুক (অপুনবা মশিং তরেৎ) লৈরম্বা অদু হন্থহন্দুনা চেয়রপর্সন অমা অমসুং মেম্বর অহুমগা (অপুনবা মশিং মরি) ওইনবদা অয়াবা পীখ্রে। ফম অমদি ইং ২০১৮গী সেপ্তেম্বর থাদা ওফিস পায়বগী মতম লোইরগনি।
কান্নবশিং:
প্রপোজেল অসিনা কমিসন অসিগী মেম্বরশিংগী পোস্ত অহুম হন্থহন্দুনা “মিনিমম গবর্নমেন্ত- মেক্সিমম গর্বনান্স”কী ওইবা সরকারগী পান্দম অদু পাংথোকপা ঙম্লগনি।
য়ুমফম:
কমিসনদা চেয়রপর্সন অমা লৈগনি অমসুং অনিদগী তাদবা অমদি তরুক্তগী হেন্দবা মেম্বরশিং লৈগনি হায়না কম্পিতিসন এক্ত, ২০০২গী সেক্সন ৮(১)দা পীরি। হৌজিকমক্কী ওইনা চেয়রপর্সন অমা অমসুং মেম্বর মরি লৈরি।
কমিসন অসি মথৌ তৌবা হৌরকপা মতমদগী হৌনা কোলেজিয়ম অমগুম মথৌ তৌরি। কমিসনগী সাইজ অসি জপান, য়ু এস এ অমসুং য়ু কেগী কম্পিতিসন ওথোরিতিশিংগুম্বা তোঙান তোঙানবা অচৌবা জুরিদিক্সনশিংগা মান্নৈ।
