ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারতকী অহানবা রেল অমসুং ত্রান্সপোর্তেসন য়ুনিবর্সিতী, নেস্নেল রেল এন্দ ত্রান্সপোর্ত ইন্সতিত্যুৎ (এন.আর.তি.আই.)গীদমক ভাইস চান্সেলরগী পোস্ত থম্বদা অয়াবা পীখ্রে।
ভাইস চান্সেলর অসিনা ইন্সতিত্যুসন অসিগী প্রিন্সিপাল এক্সিক্যুতিব ওফিসার ওইগনি অমদি ইন্সতিত্যুসনগী ৱাফমশিং য়েংশিনবা অমসুং কন্ত্রোল তৌগনি অমসুং দীম য়ুনিবর্সিতী ওইগদৌরিবা ইন্সতিত্যুৎ অসিগী ওথোরিতী পুম্নমক্কী ৱারেপশিং ইমপ্লিমেন্ত তৌবদা মরুওইবা থৌদাং লৌগনি।

এন.আর.তি.আই.না রাজ্য ২০দগী মহৈরোই ১০৩গী অহানবা বেৎচকীদমক ২০১৮গী সেপ্তেম্বর ৫দগী ক্লাস হৌখ্রবা মপুংফাবা রেসিদেন্সিয়েল অন্দরগ্রেজুয়েৎ কোর্স অনি- বি.এস.সি ইন ত্রান্সপোর্তেসন তেক্নোলোজী অমসুং দি.বি.এ. ইন ত্রান্সপোর্তেসন মেনেজমেন্তদা থোং হাংদুনা থম্লি।

এন.আর.তি.আই.না জোইন্ত রিসর্স অমদি ফেকল্তি অমসুং মহৈরোই একচেঞ্জ তৌবগী লমদা মকোকথোংবা ইন্তরনেস্নেল ইন্সতিত্যুসনশিংগা লোয়ননা থবক তৌমিন্ননবা হোৎনরি। হৌজিক ফাওবদা এন.আর.তি.আই.না কোর্নেল য়ুনিবর্সিতী, য়ু.এস.এ.; য়ুনিবর্সিতী ওফ কেলিফোর্নিয়া, বর্কেলী; এম.আই.আই.তি, মোস্কো অমসুং সেন্ত পিতর্সবর্গ ত্রান্সপোর্ত য়ুনিবর্সিতী, রসিয়াগা লোয়ননা মেমোরেন্দা ওফ এগ্রীমেন্ত খুৎয়েক পীনখ্রে।

য়ুমফম:

প্রধান মন্ত্রী নরেন্দ্র মোদীগী ভিজন অমদা এন.আর.তি.আই. অসি ত্রান্সপোর্তকা মরী লৈনবা এজুকেসন, মল্তিদিসিপ্লিনরী রিসর্স অমসুং ত্রেনিংদা মীৎয়েং থম্লি। মসি রেলৱে অমসুং ত্রান্সপোর্তেসন সেক্তরগীদমক বেস্ত-ইন-ক্লাস প্রোফেস্নেলশিংগী রিসোর্স পুল অমা শেমগৎনবা ২০১৮দা দে নোভো কেতেগোরীগী মখাদা দীম য়ুনিবর্সিতী অমগুম লিংখৎখিবনি।