ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীগী লুচীং মখাদা কেন্দ্রগী মন্ত্রীমন্দলনা “ইন্সতিত্যুৎ ওফ চার্তর একাউন্তেন্ত ওফ ইন্দিয়া (আই.সি.এ.আই.)” অমসুং “চার্তর প্রোফেস্নেল ওফ কনাদা (সি.পি.এ. কনাদা)”গী মরক্তা তৌনবা য়ান-চেরোল (এম.ও.য়ু.)দা খুয়োক পীবদা অয়াবা পীখ্রে।

ৱারোলঃ

মন্ত্রীমন্দলনা অয়াবা অসি ২০১১দা খুয়েক পীনখিবা এম.ও.য়ু.গী হান্ননা অয়াবা পীখিবা অদুগী মতাংদা অমসুং ভারতকী আই.সি.এ.আই. অমসুং কনাদাগী সি.পি.এ.গী মরক্তা তৌনবা এম.ও.য়ু.দা খুয়েক পীননবগীদমক পীখিবনি।

শাফুঃ

মসিগী পান্দম অসি আই.সি.এ.আই.গী মীহুৎশিং, মহৈরোইশিং অমসুং মখোয়গী ইন্সতিত্যুৎশিংগী খ্বাইদগী ফবা অপাম্বা অদুদা নাকল অনিগী ওইবা কান্নরবা মরি শেমগৎপনি। এম.ও.য়ু. অসিনা আই.সি.এ.আই.গী মীহুৎশিংবু মখোয়গী শিনফমগী মফম হেনগৎহন্নবগীদমক তাঞ্জা ফংহনগনি। লোইননা, আই.সি.এ.আই.না মফম অদুগী লৈবাকশিংগী ব্রান্দ শেম্বদা চেৎশিনহনগদবা ইন্সতিত্যুৎ ওইনা চোংথোরক্কনি। এম.ও.য়ু. অসিনা আই.সি.এ.আই. অমসুং সি.পি.এ. কনাদাগী মরক্তা অচেৎপা থবক্কী মরি অমা শেমগৎকনি।

কান্নবা ফংলিবশিং:

এম.ও.য়ু. অসিনা নহা ওইরিবা ভারতকী চার্তর একাউন্তেন্তশিংবু সি.পি.এ. কনাদাদগী প্রোফেস্নেল দিজাইনেসনগী রিকোগনিসন ফংনবগীদমক্তা পুক্নীং থৌগৎকনি অমসুং মখোয়বু কনাদাদা শিনফমগী খুদোংচাবা থিবদা মতেং পাংগনি। ভারতকী চার্তর একাউন্তেন্ত কয়া মরুম কনাদাগী কম্পেনীশিংদা থবক তৌরি অমসুং মখোয় সি.পি.এ. কনাদাদগী রিকোগনিসন ফংলগনি। কনাদাগী ইন্দস্ত্রীগী তাইবঙনা ভারতকী হৈথোই-শিংথোইবদা থাজবা থম্লি অমসুং মফমদুগী কম্পেনীশিংনা মখোয়বু খন্ননবগীদক চোংথোক্নরক্লি।

থবক্তা ওন্থোক্কদবা লালোং অমসুং পান্দমঃ

এম.ও.য়ু. অসি আই.সি.এ.আই. নত্রগা কনাদিয়ন প্রোবিন্সিএল সি.পি.এ. ইন্সতিত্যুৎশিংদগী মথৌ তাবা মহৈ-মশিং, চাংয়েং অমসুং প্রাক্তিকেল এক্সপেরিয়েন্স ফংদুনা আই.সি.এ.আই. নত্রগা কনাদিয়ন প্রোবিন্সিএল সি.পি.এ. ইন্সতিত্যুৎশিংদগী মেম্বরশিপ ফংলবা মীহুৎ শিংদতা চৎনগনি। এম.ও.য়ু. অসি অহুমশুবা পার্তীগী অতৈ য়ান-চেরোলগী মখাদা আই.সি.এ.আই. নত্রগা কনাদিয়ন প্রোবিন্সিএল সি.পি.এ. ইন্সতিত্যুৎশিংদগী মেম্বরশিপ ফংলবা মীওইশিংদা মশা মথন্তনা চৎনরোই।

য়ুম্ফমঃ

আই.সি.এ.আই. অসি ভারতকী পার্লিয়মেন্তনা শেমখিবা এক্ত, দ চার্তর একাউন্তেন্ত এক্ত, ১৯৪৯গী মখাদা লিংখৎখিবা স্তেত্যুতরী বোদী অমনি। মসিগী পান্দম ভারত্তা চার্তর একাউন্তেন্তকী শিনফম অসি য়োকখৎপনি/চৎনহনবনি। সি.পি.এ. কনাদা ইন্সতিত্যুৎ অসি কনাদাগী অপুনবা একাউন্তিংগী শিনফমগী তেংবাংগীদমক লিংখৎখিবা লৈবাক্কী ওইবা ইন্সতিত্যুৎ অমনি।