ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা জোইন্ত সেক্রেতরী – লেভেল অমসুং মসিদগী ৱাংবা ফমশিং শেম্বা, লৌথোকপা অমসুং চাউথোকহনবগা লোইননা ইন্দিয়ন ব্যুরো ওফ মাইন্স (আই.বি.এম.) অমুক হন্না শেমজিনবদা অয়াবা পীখ্রে। ইন্দিয়ন ব্যুরো ওফ মাইন্সকী লৈরিবা ফম মশিং ১৪৭৭ অসি অসুম্মক কাইহন্দনা থমখ্রে।

অমুক হন্না শেমদোক-শেমজিন তৌবা অসিনা আই.বি.এম.না মিনরেল সেক্তরদা কাংলোনশিং হোংদোকপা অমসুং শেমদোকপদা মতেং ফংলগনি। মসিদগী আই.বি.এম.না মিনরেল রিগুলেসন অমসুং চাউখৎ-থৌরাংদা ফগৎহন্নবগীদমক্তা আই.তি. লোইননা স্পেস তেক্নোলোজীগী সর্বিসশিং পাইখৎপা ঙমহল্লগনি। মসিদা নত্তনা ওর্গনাইজেসনগী থবক-থৌরম পাইখৎপদা ফমশিং অসিদগী ৱারেপ লৌবগী থৌওংদা খোংজেল য়াংশিল্লক্লগনি লোইননা থৌদাং য়াবা হেনগৎহল্লগনি।

শাফুঃ

পুখৎলকপা ৱাফম অসিনা মিনরেল সেক্তরদা খোংজেল য়াংনা চাউখৎ-থৌরাংদা থৌদাং য়ানবা হেন্না লুম্বা দায়িত্ব লৈবা তেক্নিকেল পর্সোনেলশিংগীদমক্তা থবক পীবগী খুদোংচাবশিং শেম্লগনি।           

অকুপ্পা ৱারোলঃ

আই.বি.এম.দা জোইন্ত সেক্রেতরী-লেভেলগী ফম খরা লৌথোকপা, হাপচিনবা লোইননা চাউথোকহনবা য়াওরিঃ

অ. লেভেল ১৫দা চীফ কন্ত্রোলর ওফ মাইন্সকী ফম অমা হাপ্পা অমসুং লেভেল ১৪দা কন্ত্রোলর ওফ মাইন্সকী ফম অহুম হাপ্পা।

আ. ফম ১১গী অপগ্রেদেসন হায়বদি, কন্ত্রোল্লর জেনরেলগী ফম ১ লেভেল ১৫দগী ১৬তা, চীফ কন্ত্রোল্লর ওফ মাইন্স অমসুং দিরেক্তর (ওর-দ্রেসিং)গী ফম অনি লেভেল ১৪দগী লেভেল ১৫দা লোইননা ফম ৮গী অপগ্রেদেসন (কন্ত্রোলর্স ওফ মাইন ৫, চীফ মিনরেল ইকোনোমিস্ত, চীফ ওর-দ্রেসিং ওফিসর অমসুং চীফ মাইনিং জিওলোজিস্তকী ফম অমমম) লেভেল ১৩এদগী ১৪দা, অমসুং

ই. লেভেল ১৪দা পে মেত্রিক্সকী ইন্দিয়ন স্তেতিস্তিকেল সর্বিসকী ওফিসর, দিপুতী দাইরেক্তর জেনরেল (স্তেতিস্তিক্স)গী লৈরিবা কেদর ফম অমা লৌথোকপা।

য়ুম্ফমঃ

ভারত সরকারনা মার্চ ১, ১৯৪৮দা ৱার্ক্স, মাইন্স অমসুং পাৱর মন্ত্রালয়গী মখাদা আই.বি.এম. লিংখৎখি। মসিগী হৌরকপগী পান্দম অসি মিনরেল সেক্তরগীদমক্তা কাংলোন শেম্বা অমসুং লিগেল ফ্রেমৱর্ক শেম্বদা এদভাইজরী বোর্দ অমা ওইনা থবক তৌবনি। মসিগা লোইননা আই.বি.এম.না মিনরেল রিসোর্সশিংগী চাউখৎ-থৌরাং অমসুং শিজিন্নবগী মতাংদা কেন্দ্র অমসুং রাজ্য সরকারশিংদা পাউতাক পীরম্মি। মিনরেল সেক্তরগী হেনগৎলক্লিবা তঙাইফদবশিংগী মনুংচন্না আই.বি.এম.গী থৌদাং অমসুং হক অসিদা অহোংবা পুরকখ্রে। হৌজিক্তি মসিনা মিনরেল সেক্তর অসি (কোয়লা, পেত্রোলিয়ম অমসুং এতোমিক মিনরেলদা নত্তনা)দা কান্নবা পীবা অমসুং রেগুলেতর অমা ওইনা মথৌ পাংথোক্লি।

‘নেস্নেল মিনরেল পোলিসী (এন.এম.পি.) ২০০৮’গী মতুং ইন্না মিনরেল মন্ত্রালয়না আই.বি.এম.গী থৌদাং অমসুং থবক্কী মতাংদা য়েংশিনবা লোইননা নৌনা শেমগৎপগী মতাংদা কমিতী অমা শেম্লে। কমিতীনা মে ৪, ২০১২দা মখোয়গী রিপোর্ত পীশিনখ্রে মদু মন্ত্রালয়না অয়াবা পীখ্রে।

মিনরেল সেক্তরদা খুদোংচবা ফংহনবা লোইননা মসিগী রেগুলেসনগীদমক্তা মাইন্স মন্ত্রালয়না আই.বি.এম.গী থোংদা খোংথা কয়া পাইখৎলিঃ

1. i) সস্তেনেবল দিবেলপমেন্ত ফ্রেমৱর্ক (এস.দি.এফ.) থবক্তা ওন্থোকপা অমসুং মাইনিংগী থবক-থৌরমদা সাইন্তিফিক, ইনভাইরনমেন্তেল অমসুং সোসিয়েল এস্পেক্তশিংগী মতাংদা পাইখৎখিবা থবকশিং অমসুং খোংথাংশিংগীদমক স্তার রেতিং।
2. ii) ভাস্করাচার্য় ইন্সতিত্যুৎ ওফ স্পেস এপ্লিকেসন এন্দ জিও-ইনফোর্মেতিক্স (বি.আই.এস.এ.জি.)গী তেংবাংদগী মাইনিং সর্বিলেন্স সিস্তেম (এম.এস.এস.)গী চাউখৎ-থৌরাং। মসিগী মখাদা সেতেলাইৎতগী ফংবা শক্তমশিংগী মতুং ইন্না মরু ওইবা মিনরেল সেক্তরগী মিতর ৫০০গী অকোইবদা কাংলোন্না য়াদবা মাইনিংগী মফম খঙদোকপা ঙম্মি; অমসুং

iii) মিনরেল প্রোসেসিংদা রিসর্স অমসুং দিবেলপমেন্তকী থবক-থৌরমদা অখন্নবা শাফু।

আই.বি.এম. অমুক হন্না শেমগৎপা মথৌ তাখি মরমদি মসিনা মখোয়বু ওর্গনাইজেসন অমা ওইনা মখোয়গী থৌদাংশিং পাংথোকপা ঙমহল্লগনি। পোলিসী অমসুং লেজিসলেসনশিংগী অহোংবা, আই.বি.এম.গী থবক্কী পোরমদা অহোংবা পুরকপা লোইননা আই.বি.এম.না হৌখিবা অনৌবা থবক-থৌরমশিংগী মরম্না আই.বি.এম.না লৌরিবা শক্তম অসি হোংহনখি।

মখোয়গী মথৌদাংশিং অদু মপুং ফাহন্নবগীদমক আই.বি.এম.গী ওফিসশিংগী মফম হোংদোক-হোংজিন তৌনখি। রায়পুর অমসুং গান্ধী নগরদা অনৌবা ওফিস শেমগৎখি লোইননা গুৱাহাতীদা লৈবা সব-রিজনেল ওফিস অসি অপগ্রেদ তৌদুনা রিজনেল ওফিসকী থাক্তা পুখৎখ্রে। কোলকতা অমসুং উদয়পুরদা লৈবা রিজনেল ওফিসশিং অপগ্রেদ তৌদুনা জোনেল ওফিস (ইস্ত) অমসুং জোনেল ওফিস (নোর্থ) ওইহনখ্রে। স্কিল দিবেলপমেন্তকী পান্দমদা উদয়পুরদা সস্তেনেবল দিবেলপমেন্ত ফ্রেমৱর্ক ইন্সতিত্যুৎ, হাইদ্রবাদতা রিমোৎ সেন্সিং সেন্তর অমসুং কোলকতাদা ইন্সতিত্যুৎ ওফ সস্তেনেবল মাইনিং হৌদোকখ্রে । বরানসীদা স্কিল দিবেলপমেন্ত সেন্তর অথুবা মতমদা হাংদোক্লগনি।