ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা লুপা কোতী ৬০,০০০গী ওইবা নেস্নেল অর্বান হাউজিং ফন্দ (এনয়ুঐছএফ) শেমগৎপদা মসিগী ওইবা অয়াবা পখ্রে । মিনিস্ত্রী ওফ হাওজিং এন্দ অর্বান এফিয়ার্সকী মখাদা সোসাইতিজ রেজিস্ত্রেসন এক্ত, ১৮৬০গী মখাদা রেজিস্তার তৌখিবা ওোনোমস বোদী অমা ওইরিবা বিলদিং মেতরিয়েল্স এন্দ তেক্নোলোজী প্রমোসন কাউন্সিল (বিএমতিপিসি)দা ফন্দ অসি তুংশিনগনি । মিনিস্ত্রী অসিনা হৌজিক ফাওবদা প্রধানমন্ত্রী অৱাস য়োজনা (অর্বান)গী মখাদা য়ুম লাখ ৩৯.৪ সেঙ্কসন তৌখ্রে । মসিমক রাজ্যশিং অমসুং য়ুতিশিংদগী অফবা পাওখুম অমনি, চাওরাক্না থা খুদিংগী য়ুম লাখ ২-৩ সেঙ্কসন তৌরি । য়ুম লাখ ১৭ হেন্না মখোং হৌগৎলে অমসুং চাওরাক্না য়ুম লাখ ৫ মপুং ফানা শাবা লোইশিনখ্রে । প্রধানমন্ত্রী অৱাস য়োজনা (অর্বান)গী মখাদা ক্রীদিত লিঙ্ক সবসিদী স্কিম (সিএলএসএস)গী মখাদা ইদবল্যুএস/ এলআইজি/ এমআইজি বেলিফিসরিশিংগী লোনগী শেনফম অদু বেঙ্কশিং/ ঐছএফসিশিংনা সেঙ্কসন তৌরি । স্কিম অসিগী মখাদা হৌখিবা থা ৮দা চাওরাক্না হাউজিং লোন ৮৭,০০০ সেঙ্কসন তৌখ্রে অমসুং এপ্লিকেসন ৪০,০০০ হেন্না অয়াবা পীনবা থৌরাং তৌরে । ইং ২০২২দা লৈবাক অসিনা নিং তম্বা ফংখিবগী ৭৫শুবা চহি মপুং ফারকপগী তঞ্জাদা য়ুম কোতী ১.২ শানবা পান্দম থম্লি । লাক্কদৌরিবা চহি মরি অসিদা এনয়ুঐছএফনা শেল খোমজিনবগী থবক তৌগনি, মদুনা বেনিফিসরি লিঙ্ক কন্সত্রক্সন (বিএলসি), এফোর্দেবল হাওজিং ইন পার্তনরশিপ (এঐছপি), ইন-সিতু স্লম রিদিব্লপমেন্ত (আইএসএসআর) অমসুং ক্রীদিত লিঙ্ক সবসিদী স্কিম (সিএলএসএস)গুম্বা তোঙান তোঙানবা স্কিমশিং মখা তানা লৈথবা ঙমহন্নবা কেন্দ্রগী মতেং ফংবদা লাইথোকহন্দুনা অর্বান এরিয়াদা য়ুমগী অৱাৎপা লৈরিবা অদু অরাইবা মওংদা মপুং ফাহনবা ঙম্লগনি ।