ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা নোর্থ ইস্তর্ন কাউন্সিলগী এক্স-ওফিসিয়ো চেয়রমেন ওইনা কেন্দ্রগী য়ুমলৈ-কৈরৈ মন্ত্রীগী নোমিনেসনগীদমক মিনিস্ত্রী ওফ দিবেলপমেন্ত ওফ নোর্থ ইস্তর্ন রিজন (দোনর)গী প্রপোজেল অদু অয়াবা পীখ্রে। নোর্থ ইস্তর্ন কাউন্সিলদা অৱাং নোংপোক্কী রাজ্য নিপালগী রাজ্যপালশিং অমসুং মুখ্য মন্ত্রীশিংনা মীহুৎ ওইরি। মিনিস্তর ওফ স্তেত (ইন্দিপেন্দেন্ত চার্জ), মিনিস্ত্রী ওফ দোনরনা কাউন্সিল অসিগী ভাইস-চেয়রমেন ওইনা মথৌ তৌবদসু মন্ত্রীমন্দলনা অয়াবা পীখি।

থেংনরিবা:

এন.ই.সিনা রাজ্য অমসুং সেন্ত্রেল এজেন্সীগী থোংদা তোঙান তোঙানবা প্রোজেক্তশিং পায়খৎলি। হোম মিনিস্তরনা এন.ই.সিগী চেয়রমেন ওইবা অমসুং দোনর মিনিস্তরনা ভাইস – চেয়রমেন ওইবা অমদি অৱাং নোংপোক রাজ্যশিংগী রাজ্যপালশিং অমসুং মুখ্য মন্ত্রীশিংনা মেম্বর ওইবগা লোয়ননা অনৌবা এরেঞ্জমেন্তকী মখাদা ফোরম অমা শেমগনি মদুনা ইন্তর-স্তেতকী ৱাফমশিং হেন্না পাকথোক চাউথোক্না খন্ন-নৈনগনি।

দ্রগ ত্রাফিক্কিং, আইন্না য়াদবা মওংদা খুৎসু-খুৎলায় ললোনবা, ঙমখৈগী চয়েৎনবা অসিনচীংবা ইন্তর-স্তেত ইশুশিং খন্ন-নৈননবা তোঙান তোঙানবা জোনেল কাউন্সিলশিংনা পায়খৎলিবা থবকশিং অদু এন.ই.সি.নসু পাংথোকপা ঙম্লগনি। 

এন.ই.সি.বু রিপোজিসন তৌবনা অৱাং নোংপোক লমদমগীদমক হেন্না ইফেক্তিব ওইবা বোদী অমা ওইহনবদা মতেং ওইরগনি। 

কাউন্সিল অসিনা মতম মতমগী মতুং ইন্না প্রোজেক্তশিং/স্কিমশিং ইমপ্লিমেন্ত তৌবদা নৌহৌনা য়েংশিনগনি।  কেন্দ্র সরকারনা শিন্নরিবা থৌদাং অদুমক্কী শক্তি অদুমক কাউন্সিল অসিনা লৈগনি।

য়ুমফম:

এন.ই.সি. অসি নোর্থ ইস্তর্ন কাউন্সিল এক্ত, ১৯৭১গী মখাদা রাজ্যশিংগী মনুংদা থাক মান্ননা চাউখৎপা পুরক্নবা এপেক্স লেবেল বোদী অমা ওইনা লিংখৎখি। ২০০২গী এমেন্দমেন্তকী মতুংদা এন.ই.সি. অসি অৱাং নোংপোক লমদমগীদমক রিজনেল প্লানিং বোদী অমা ওইনা মথৌ তৌনবা শিন্নখি।