ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা পুলিস ত্রেনীং অমসুং চাওখৎ-থৌরাংদা ভারত অমসুং অফগানিস্তানগী মরক্তা তেক্নিকেলগী তেংবাং পীননবা লৈবাক অনিগী ওইবা এমওয়ুদা অয়াবা পীখ্রে।
এমওয়ু অসিদগী অফগানিস্তান নেস্নেল পুলিসকী কেপাসিতী বিল্দিং অমসুং লমদম অসিগী ঙাক-শেলগী মচাকশিংদা অহেনবা পুরকপদা মতেং ওইরগনি।
এমওয়ুদা খুয়েক পীনরবা তাংদগী হৌরগা চহি ৫গী মতম ফাওবা য়ান্না ৱারোল অসি চৎনগনি অদুবু মসি মথং চহি ৫ অমগা অমুক শাংদোকপা য়াই মসিদা মখা তানা শেমদোকপা অমদি অহোংবা অমত্তা তৌরোই।
য়ুম্ফম
ভারত অমসুং অফগানিস্তানগী মরূপ-মপাং ওইবা মরি লৈনৈ লোইননা অফগানিস্তান নেস্নেল পুলিসকী পুলিস পার্সোনেল ভারতকী তোঙান তোঙানবা ত্রেনীং ইন্সতিত্যুৎশিংদা ত্রেনীংগীমক্তা লাকই।
ভারত অমসুং অফগানিস্তান্না ওক্তোবর, ২০১১দা লৈবাক অনিগী মরক্তা ‘এগ্রিমেন্ত ওফ স্ত্রাতেজিক পার্তনরশিপ’তা হান্ননা খুয়েক পীনখ্রে। ইন্তরিয়র এফিয়রগী মন্ত্রালয়, অফগানিস্তান, য়ুনাইতেদ নেসন্স দিব্লপমেন্ত প্রোগ্রাম (য়ুএনদিপি), অফগানিস্তান অমসুং ব্যুরো ওপ পুলিস রিসর্স & দিব্লপমেন্ত (বিপিআর&দি) য়ুমলৈ-কৈরৈ মন্ত্রালয়গী মীহুৎশিংগী মরক্তা ওক্তোবর, ২০১৬তা মীফম পাংথোকখি অমসুং অফগানিস্তানগী দিলিগেৎশিংনা পুলিস ত্রেনীং, পুলিসকী চাওখৎ-থৌরাং, কাংলোন শেমদোকপা, অফগানিস্তানদা কাংলোন মপাঙ্গল কলহনবা লোইননা তুং কোইবা তেংবাং শেমগৎনবগীদমক ভারত্তগী তেংবাংগীদমক্তা মখোয়গী অপাম্বা ফোংদোকখি। তেংবাং পীনবা অসিবু মখা চৎথনবগী মিয়েংদা দিপ্লোমেতিক চেনেলশিংগী থোংদা এমওয়ু অসিবু অপুনবা ওইনা য়ানখি।
