ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইং ২০১৮-১৯দগী হৌরগা চহি তরেৎকী ওইনা লুপা কোতী ১৬৫০গী অপুনবা শেনফমদা প্রাইম মিনিস্তর্স রিসার্স ফেল্লোজ (পিএমআরএফ) ইমপ্লিমেন্ত তৌবা য়াখ্রে ।

লৈবাক অসি চাওখৎহন্নবা অমসুং মাংলোমদা চংশিলহন্নবা ইনোভেসন অমসুং তেক্নোলোজীগী মরুওইবা অদু প্রধানমন্ত্রীনা কন্না পনখি । মসিগী ফেল্লোশিপ স্কিম অসি ইনোভেসনগী খুথাংদা দিবেলপমেন্তগী ওইবা মহাক্কী পান্দম অদু ফংনবা মরু ওইরি । স্কিম অসি ২০১৮-১৯গী বজেতকী ৱারোলদা লাওথোকখিবনি ।

স্কিম অসিগী মখাদা, আইআইএসসি/ আইআইতিশিং/ এনআইতিশিং/ আইআইএসইআরশিং/ আইআইআইতিশিংদগী বি. তেক নত্রগা ইন্তেগ্রেতেদ এম. তেক নত্রগা এম.এসসি. ইন সাইন্স এন্দ তেক্নোলোজী স্ত্রীমশিং লোইশিল্লবা নত্রগা অরোইবা চহিদা লৈরিবা খ্বাইদগী ফবা মহৈরোইশিংদা আইআইতিশিং/ আইআইএসসিদা পিঐচদি প্রোগ্রামদা দাইরেক্ত এদমিসন ওফর তৌগনি । অদুগুম্লবা মহৈরোইশিং অদুদা অহানবা চহি অনিগী ওইনা থাগী লুপা ৭০,০০০, অহুমশুবা চহিগী ওইনা থাগী লুপা ৭৫,০০০, অমসুং ৪শুবা অমসুং ৫শুবা চহিগী ওইনা থাগী লুপা ৮০,০০০ ফেল্লোশিপ ওফর তৌগনি । মসিগী মথক্তা, চহি মঙাগী মতমগী ওইনা লুপা লাখ ২গী রিসার্স গ্রান্ত অমা ফেল্লো খুদিংদা ফংহনগনি মদুনা ইন্তরনেস্নেল কনফরেন্স অমসুং সেমিনারশিংদা মখোয়গী রিসার্স পেপরশিং লানথোক্নবগীদমক মীরমদা চৎপগী চাদিং অদু কোনশিল্লগনি ।