ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা বাইওমেদিকেল রিসর্স কেরীয়র প্রোগ্রাম (বি.আর.সি.পি.) অমসুং ৱেলকম ত্রস্ত (দবল্যু.তি.)/ দি.বি.তি. ইন্দিয়া এলাইন্সপু হৌদোকখিবা চহী ১০গী মতম (২০০৮-০৯দগী ২০১৮-১৯ ফাওবা)দা অনৌবা চহী মঙাগী ফেজ অমা (২০১৯-২০দগী ২০২৩-২৪ ফাওবা) মখা তানা চত্থবদা অয়াবা পীখ্রে। অমরোমদা দিপার্তমেন্ত ওফ বাইওতেক্নোলোজী (দি.বি.তি.)না মখোয়গী ৱারেপ অদু দবল্যু.তি.দগী শরুক অনি হেঙ্গৎলে।
অপুনবা শেনফম লুপা কোতি ১০৯২গী মনুংদা দি.বি.তি. অমসুং দবল্যু.তি.গী শরুক অসি মথংশিৎনা লুপা কোতি ৭২৮ অমসুং লুপা কোতি ৩৬৪ ওইগনি।
প্রোগ্রাম অসিনা ১:১গী পার্তনরশিপ অমদা মখোয়দা চহী ১০ শেল থাদখিবা মতম অদুগী মনুংদা ভারত্তা অনৌবা থাক্কী বাইওমেদিকেল রিসর্সতা খ্বাইদগী ৱাংবা মালেমগী থাক্তা মসিগী ওবজেক্তিবশিং অদু মপুং ফাহনখি।
মখা চত্থগদৌরিবা ফেজ অসিদা ক্লিনিকেল রিসর্স হেঙ্গৎহন্নবা অমদি ভারত্তা হকশেলগী লমদা মায়োক্নরিবা মরুওইবশিং কোকহন্নবা মাইকৈদা থবক তৌগনি।
