ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীগী লুচীং মখাদা কেন্দ্রগী মন্ত্রীমন্দলনা হ্যুমেন রিসোর্সতা স্কিল অমসুং বুইল্দ কেপাব্লিতীগীদমক্তা বড়োদরাদা লৈবাক অসিগী অহানবা জাতিগী রেল অমসুং ত্রান্সপোর্ত য়ুনিবর্সিতী (এনআরতিয়ু) লিংখৎনবগী অয়াবা পীখ্রে। প্রধানমন্ত্রীনা পুখৎলকপা য়ুনিবর্সিতী লিংখৎনবগী ইন্নোবেতিব ওইবা ৱাফম অসিনা অনৌবা ভারতকী মাইকৈদা রেল অমসুং ত্রান্সপোর্তকী লমদা অহোংবা পুরকপা ঙম্লগনি।
য়ুনিবর্সিতী অসি য়ুসিজিগী নোবো কেতেগোরী (দীম য়ুনিবর্সিতী) রেগুলেসন্স, ২০১৬গী মখাদা দীম য়ুনিবর্সিতী ওইনা লিংখৎকনি। সরকারনা এপ্রিল ২০১৮ ফাওবদা অয়াবা পুম্নমক পীনবা লোইননা জুলাই ২০১৮দা অহানবা একাদমিক প্রোগ্রাম হৌনবগী মাইকৈদা থবক পাইখৎলি।
রেল মন্ত্রালয়না কম্পেনী এক্ত, ২০১৩গী সেক্সন ৮গী মখাদা শেন্দোংগী নত্তবা কম্পেনী শেমগনি, মদু হায়রিবা য়ুনিবর্সিতী অসিগী মেনেজিং কম্পেনী ওইগনি। কম্পেনীনা য়ুনিবর্সিতী অসিদা শেলগী অমসুং ইনফ্রাস্ত্রকচরগা মরি লৈনবা মতেংশিং পীগনি অমসুং য়ুনিবসিতীগী চাঞ্চেল্লর অমসুং প্রো-চাঞ্চেল্লর খনগনি। মেনেজমেন্ত বোর্দ অমসুং প্রোফেস্নেলশিং অমসুং একাদমিকশিং কম্পেনী অসিদগী মনীং তমগনি অমসুং মখোয়না মশাগী একাদমিক অমসুং এদমিনিস্ত্রেতিবকী থৌদাংশিং য়াবদা মনীং তমগনি।
বড়োদরাদা লৈবা ভারতকী রেলগী জাতিগী একাদমী (এনএআরাই)গী হৌজিক্কী লৈরিবা লম অমসুং ইনফ্রাস্ত্রকচরশিং শিজিন্নগনি অমসুং য়ুনিবসিতীগী পান্দমগীদমক্তা মসিদা মথৌ তাবা শেমদোক-শেমজিন তৌগনি। মসি মপুং ফানা ইনরোল তৌগনি, মসিদা ফুল তাইমগী মহৈরোই ৩০০০ মিং চনগনি হায়না পানরি। অনৌবা য়ুনিবর্সিতী/ইন্সতিত্যুৎকী শেল-থুম পুম্নমক রেলৱেজ মন্ত্রালয়না পুথোক্কনি।
য়ুনিবর্সিতী অসিনা ভারতকী রেলবু মোদর্নাইজেসনগী লম্বীদা পুরগনি অমসুং পোৎথোক হেনগৎহন্দুনা লোইননা ‘মেক ইন ইন্দিয়া’দা শাফু পীদুনা ত্রান্সপোর্তকী লমদা ভারতপু মালেমগী লুচীংবা ওইহনবদা মতেং পাংলগনি। মসিনা স্কিল মেনপৱারগী থোং শেমগনি অমসুং ভারতকী রেলদা হেন্না ফবা ঙাক-শেল, খোংজেল অমসুং সার্বিস পীনবগীদমক খ্বাইদগী নৌবা তেক্নোলোজিগী কান্নবা লৌগনি। মসিনা তেক্নোলোজী শিজিন্নদুনা লোইননা তেক্নোলোজী ফংহন্দুনা ‘স্তার্ত-অপ ইন্দিয়া’ অমসুং ‘স্কিল ইন্দিয়া’দা মতেং পাংগনি অমসুং ইন্ত্রপ্রিনরশিপ্পু চাওখৎহনবগা লোইননা অচৌবা থাক্তা থবক ফংহনবগী খুদোংচাবা পুথোক্কনি। মসিদগী রেলৱে অমসুং ত্রান্সপোর্তকী লমদা অহোংবা পুরক্লগনি লোইননা পোৎ-চৈ পুথোক-পুসিন তৌবদা খোংজেল য়াংহল্লগনি। ভারত অসি মালেমগী পার্তনরশিপ অমসুং খ্বাইদগী নৌবা তোক্নোলোজীশিংগী পাম্বৈনা ওইথোকপা য়াবশিংগী ওইবা মালেমগী মফম অমা ওইনা শাফোংলগনি।
য়ুনিবর্সিতীগী প্লান অসি তম্বীবগী অনৌবা থৌওংশিং লোইননা তেক্নোলোজী এপ্লিকেসনশিং (সেতলাইৎতা য়ুম্ফম ওইবা ত্রেকিং, রেদিও ফ্রিক্বেন্সী অমসুং আর্তিফিসিএল ইন্তিলিজেন্স)বু শিজিন্ননবগীদমক্নি মদুনা ওন-জোব পার্ফোরমেন্স অমসুং পোৎথোক্তা ফগৎহনবা ঙম্লগনি। ভারতকী রেলগা লোইননা অচেৎপা মরি থম্নবনা স্তেকহোল্দরশিংগী রেলগী খুদোংচাবশিং অদু ফাওবগী য়ৌশিনবা অদু লেপথোকপা ঙম্লগনি। মসি ‘লাইব লেবস’ ওইনা থবক তৌগনি অমসুং অশেংবা পুন্সিগী সমস্যাশিং লোইশিন্নবা থবক তৌবসু ঙম্লগনি। মসি খ্বাইদগী নৌবা তেক্নোলোজীগী খোংজেল য়াংবা ত্রেন উৎপা ‘খ্বাইদগী হেনবা মফম ওইগনি’।
