ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং মালদীবকী মরক্তা সমুদ্রদা পেসেঞ্জর অমসুং কার্গো সর্বিস হৌদোক্নবা ভারতকী প্রধান মন্ত্রীগী মালদীবকী খোংচৎ মনুংদা ২০১৯গী জুন ৮দা খুৎয়েক পীনখিবা য়ানা ৱারোল অদু অয়াবা পীখ্রে।

ভারত অসি মালদীবকী মকোকথোংবা দিবেলপমেন্ত পার্তনর অমা ওইরি অমদি মালদীবকীদমক মকোক থোংবা ইন্সতিত্যুসন কয়া অমা লিংখৎখ্রে। হৌজিক হৌজিকমক ভারতনা মালদীবতা ললোন ইতিক্কীদমক লোং তর্ম লোনশিং অমসুং রিভোলভিং ক্রিদিৎ য়াওনা য়ু.এস. $ মিলিয়ন ১০০গী স্তেন্দ-বাই ক্রিদিৎ ফেসিলিতী (এস.সি.এফ.) পীরি।

লৈবাক্কী কোনুং অমদি মীশিং খ্বাইদগী য়াম্বা শহর মালে অমসুং মালদীবকী অহুমশুবা মীশিং খ্বাইদগী য়াম্বা শহর কুলহুধুফুশি অসি লমকোইবশিং লোয়ননা কার্গোগীদমক কোচীদগী ফেরী সর্বিস লৈহনবা অসি অফবা খোংথাংনি। মালে অসি কোচীদগী কিলোমীতর ৭০৮ লাপ্পা মফমদা লৈরি, অদুগা কুলহুধুফুশিনা কিলোমীতর ৫০৯ লাপ্না লৈরি। কুলহুধুফুশি অসি মালদীবকী নোংপোক থংবা শরুক্তা লৈবা মী য়াম্না তাবা ইথৎ অমনি অমদি রিসোর্ত মরাং কায়না লৈবনা ভারতকীদমক লমকোইবশিংগী মফম অমা ওইবা য়ারি। হৌজিক লৈরিবা কনেক্তিবিতীদা মালে ফাওবা ফ্লাইত অমসুং রিজোর্তশিংদা সি প্লেনশিং য়াওরি, মদু মমল য়াম্না তাংবা ওপ্সন অমা ওইরি। অমরোমদা কোচীগা লোয়ননা সমুদ্রগী খুত্থাংদা শম্নহনবনা তুরিজম প্রমোৎ তৌরগনি অখন্ননা ভারতকীদমক হেল্থ অমসুং ৱেলনেস তুরিজম। মশিং য়াম্লবা মালদীবকী মীওই কয়া অমসু মহৈ-মশিং তম্নবগীদমক কেরলা অমসুং খা ভারতকী শহরশিংদা লাক্লি।

**********