ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ফেদরেল লো ইনফোর্সমেন্ত ত্রেনিং সেন্তর্স (এফএলইতিসি), য়ুএসএ অমসুং ব্যুরো ওফ পুলিস রিসর্স এন্দ দিবেলপমেন্ত (বিপিআরএন্দদি), ইন্দিয়াগী মরক্তা লো এনফোর্সমেন্ত ত্রেনিংদা মেমোরেন্দম ওফ কোওপরেসন (এমওসি) অমা খুৎয়েক পীনবদা মসিগী ওইবা অয়াবা পিখ্রে ।

মসিনা ইন্দিয়া-য়ুএস হোমলেন্দ সেক্যুরিতী দাইলোগ অদুগী মখাদা সেক্যুরিতীগা মরি লৈনবা ৱাফমশিংদা লৈবাক অনিগী মরক্তা কোওপরেসন হেঙ্গৎহন্নবা লম্বী য়াৎলগনি । এমওসি অসিনা ত্রেনিংগী থাক, ত্রেনিং মেতরিয়েলশিং, ত্রেনরশিংগী ক্বালিতী ফগৎহনবদা মতেং ওইরগনি, মদুনা লৈবাক অসিদা স্মার্ত পুলিসকী ৱাখল্লোন অদু মংফাওনহল্লগনি । ভারত অমসুং য়ুনাইতেদ স্তেতসনা তেরোরিজম অমসুং ত্রান্সনেস্নেল ক্রাইমশিং থেংনবদা পুন্না থবক তৌমিন্নরি ।

য়ুমফম:

ইং ২০১০গী নবেম্বর থাদা য়ুএসএগী রাষ্ট্রপতিগী ভারত খোংচৎ মনুংদা, নাকল অনিমক্না ইন্দিয়া-য়ুএসএ কাউন্তর- তেরোরিজম ইনিসিয়েতিব অমা ওইনা হোমলেন্দ সেক্যুরিতী দাইলোগ মেকানিজম অমা শেমগৎনবা য়ান্নখি ।

হোমলেন্দ সেক্যুরিতী দাইলোগকী মখাদা সব-গ্রুপ তরুক শেমগৎলে, মদুনা মখাগী লমশিং অসি কোনশিল্লে:

i. গ্লোবেল সপ্লাই চেন, ত্রান্সপোর্তেসন, পোর্ত, বোর্দর অমসুং মেরিতাইম সেক্যুরিতী,

ii. ফেদরেল স্তেত অমসুং লোকেল পারেতনরশিংগী মরক্তা মেগাসিতী পোলিসিং অমসুং ইনফোর্মেশন শেয়ার তৌনবা,

iii. আইন কায়বা ফাইনান্স, আইন কায়না শেল স্মগল তৌবা, ফাইনান্সিয়েল ওইবা নমথাক অমসুং জালি নোত;

iv. সাইবর ইনফোর্মেশন;

v. কেপাসিতী বিলদিং; অমসুং

vi. তেক্নোলোজী অপগ্রেদেশন ।

ভারত অমসুং য়ুএসএগী মরক্তা হোমলেন্দ সেক্যুরিতী দাইলোগকী শরুক ওইনা, কেপাসিতী বিলদিংগী সব গ্রুপ অমা লিংখৎলে মদুনা হোমলেন্দ সেক্যুরিতী দাইলোগকী মনুং চল্লিবা সব গ্রুপ তরুকমক্তা ভারত্তা মথৌ তৌরিবা লো এনফোর্সমেন্ত এজেন্সীশিংগা য়ুএস ওথোরিতীশিংগা পুন্না থবক তৌগনি ।