ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ভারত অমসুং ইরানগী মরক্তা এগ্রীকলচর অমসুং মরি লৈনবা লমশিংদা তেংবাং পীননবা য়ানা চেরোল অমদা অয়াবা পীখ্রে। য়ানা চেরোল অদু ইরানগী রাষ্ট্রপতিগী ভারত খোংচৎ মনুংদা ইং ২০১৮গী ফেব্রুৱারী ১৭তা খুৎয়েক পীনখিবনি।

য়ানা চেরোল অসিনা এগ্রীকলচরেল ক্রোপ্স, এগ্রীকলচরেল এক্সতেন্সন, হোর্তিকলচর, মেছিনরী, পোস্ত হার্বেস্ত তেক্নোলোজী প্লান্ত ক্বারেনতাইন মিজর্স, ক্রিদিত অমসুং কোওপরেসনগী লমশিংদা তেংবাং ফংহল্লগনি। মসিনা সোইল কঞ্জার্বেসন অমসুং ৱাতর মেনেজমেন্ত, ইন্তিগ্রেতেদ ন্যুত্রেন্স মেনেজমেন্ত, সীদ তেক্নোলোজী অমসুং এগ্রীকলচরেল মার্কেতিংদশু তেংবাং ফংহল্লগনি। য়ানা চেরোল অসিগী মনুংদা লাইবস্তোক হেঙ্গৎহনবা, দাইরি দিব্লপমেন্ত, এনিমেল হেল্থ অমসুং নাকল অনিমক্না য়ান্নরবা অতোপ্পা লমশিং য়াওরি। তেংবাং পীনবা অসিদা এক্সপার্তশিং, মেতরিয়েল অমসুং ইনফোর্মেশনশিং একচেঞ্জ তৌবা য়াওরি। য়ানা চেরোল অসিগী মখাদা জোইন্ত ৱার্কিং গ্রুপ (জে দবল্যু জি) অমা শেমগনি, মদুনা য়ানা চেরোল অসি মপুং ফাহন্নবা থবক থৌরমশিং মোনিতর তৌগনি। জে দবল্যু জি অসিনা চহি অনি খুদিংগী থংন থংননা ভারত অমসুং ইরান্দা মীফম পাংথোক্কনি। য়ানা চেরোল অসি চহি মঙা চৎনগনি অমসুং পার্তি অমত্তনা লোইশিনবা পামদ্রগদি মশা মথন্তা অতোপ্পা চহি মঙা অমগা শাংদোক্কনি।