ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং কানাদাগী মরক্তা খুৎয়েক পীনখিবা য়ানা চেরোলদা অয়াবা পীখ্রে। য়ানা চেরোল অদু ইং ২০১৮গী ফেব্রুৱারী ২১দা ন্যু দিল্লীদা খু্ৎয়েক পীনখিবনি। য়ানা চেরোল অসিনা ভারত অমসুং কানাদাগী মরক্তা রিসর্স এক্সেলেন্স অমসুং ইন্দস্ত্রী-একাদেমিক কোলাবোরেসন্দা মীৎয়েং থম্দুনা ক্রোস-বোর্দর পার্তনরশিপশিং য়োকখৎনবা পান্দম থম্লি। য়ানা চেরোল অসিনা ভারত অমসুং কানাদাগী রিসর্স তৌরিবশিংবু গ্রেজুয়েৎ থাক্কী একাদেমিক রিসর্স মোবিলিতী অমসুং ক্রোস-বোর্দর ইন্দস্ত্রী-একাদেমিক কোওপরেসন পায়খৎপা ঙমহল্লগনি।

গ্রেজুয়েৎ থাক্কী একাদেমিক রিসর্স মোবিলিতী প্রোগ্রামগী মখাদা খনগৎলবা ভারতকী য়ুনিবর্সিতীশিংদগী সাইন্স, তেক্নোলোজী, ইঞ্জিনীয়ারিং অমদি মেথমেতিক্সকী লমশিংদা রিসর্স তৌরিবা মাস্তর অমসুং পি ঐচ দি মহৈরোই ১১০বু কানাদাগী য়ুনিবর্সিতী রিসর্স লেবোরেতরিশিংদা চয়োল ১২দগী ২৪ ফাওবা রিসর্স তৌবদা নাকল অনিমক্না তেংবাং পীগদৌরি। কানাদাগী য়ুনিবর্সিতীশিংদগী রিসর্স তৌরিবশিংনা চপ মান্নবা মশিংদা ভারতকী য়ুনিবর্সিতীশিংগী রিসর্স লেবোরেতরিশিংদা চয়োল ১২দগী ২৪ ফাওবা রিসর্স তৌবশু য়ারগনি।

ক্রোস-বোর্দর ইন্দস্ত্রী-একাদেমিক কোওপরেসনগী মখাদা, নাকল অনিমক্তগী মাস্তর অমসুং পি ঐচ দি মহৈরোই ৪০/৪০বু চয়োল ১৬তগী ২৪ ফাওবগী ওইনা মপাং ওইরিবা লৈবাকশিংদা লৈরিবা ইন্দস্ত্রী পার্তনরশিংগা লোয়ননা রিসর্স তৌবা য়াহল্লগনি।