ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং ইন্দোনেসিয়াগী মরক্তা রেলৱে সেক্তরগী লমদা তেক্নিকেলগী ওইবা তেংবাং পীননবা য়ানা ৱারোলদা অয়াবা পীখ্রে। য়ানা ৱারোল অসি ২০১৮গী মে ২৯দা খুৎয়েক পীনখিবনি।

য়ানা ৱারোল অসিনা মখাগী মরুওইবা লমশিং অসিদা তেংবাং পীনবগী ফ্রেমৱার্ক অমা ফংহল্লগনি:-

• নোলেজ, তেক্নোলোজি, কেপাসিতি বিলদিং য়াওনা ইন্সতিত্যুস্নেল কোওপরেসন একচেঞ্জ তৌবা;

• রেলৱেজদা রোল্লিং স্তোক, সিগনেলিং অমসুং কমুনিকেসন সিস্তেমশিং মোর্দনাইজ তৌবা;

• রেলৱে ওপরেসন, মেনেজমেন্ত অমসুং রেগুলেসনশিং মোর্দনাইজ তৌবা;

• ইন্তর-মোদেল ত্রান্সপোর্ত, লোজিস্তিক্স পার্কশিং অমসুং ফ্রাইত তর্মিনেলশিং দিবেলপ তৌবা;

• ত্রেকশিং, থোংশিং, শুরুং, ওভরহেদ ইলেক্ত্রিফিকেসন অমসুং পৱার সপ্লাই সিস্তেমশিং য়াওনা চপ চানা লেপথোক্লবা ইনফ্রাস্ত্রকচরগীদমক কন্সত্রক্সন অমসুং মেন্তিনেন্স তেক্নোলোজিশিং একচেঞ্জ তৌবা;

• নাকল অনিমক্না পুন্না ৱারেপ লৌরবা অতোপ্পা লমশিংদা তেংবাং পীনবা।

য়ুমফম:

তোঙান তোঙানবা মীরমগী সরকারশিং অমসুং নেস্নেল রেলৱেশিংগা লোয়ননা রেল সেক্তরদা তেক্নিকেলগী ওইবা তেংবাং পীননবগীদমক রেল মন্ত্রালয়না য়ানা ৱারোলশিং খুৎয়েক পীনৈ। তেংবাং পীনবগী খন্দোক্লবা লমশিংদা হাই স্পীদ কোরিদোরশিং, হৌজিক লৈরিবা রুৎশিংদা খোংজেল হেঙ্গৎহনবা, ৱার্ল্দ ক্লাস স্তেসনশিং দিবেলপ তৌবা, অরুম্বা পোৎ চিংবগী ওপরেসনশিং অমসুং রেল ইনফ্রাস্ত্রকচর মোর্দনাইজ তৌবা অসিনচিংবা য়াওরি।