ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং অর্মেনিয়াগী মরক্তা কস্তমগী মেত্তরশিংদা কোওপরেসন অমসুং লৈবাক অনি মতেং পিন্ননবা য়ান্নচে খুৎয়েক পিন্নবা অমসুং চৎনহনবাদা মসিগী ওইবা অয়াবা পিখ্রে ।

য়ান্নচে অসি মরিলৈনবা সরকারশিংনা অয়াবা পিরবা মতুং লৈবাক অনিগী মায়কৈদগী খুৎয়েক পিনগনি । এগ্রীমেন্ত অসি দিপ্লোমেতিক চেনেলশিংগী খুথাংদা কন্ত্রেক্ত তৌরিবা পার্তীশিংনী অমনা অমদা খংহল্লক্লবা মতুং অনিশুবা থাগী অহানবা নুমীৎতা নম্দুনা চৎনগনি, মদুনা এগ্রিমেন্ত অসি মথৌ তৌহন্নবা মথৌতাবা নেস্নেল লেগেলগী চংদবা য়াদবশিং অদু মপুং ফাহল্লনি ।

এগ্রীমেন্ত অসিনা কস্তমগী ওফেন্সশিংবু ঙাক্তুনা চৎপা অমসুং থিজিন খোমজিনবগী মরি লৈনবা ই-পাও ফংহনবদা মতেং ওইরগনি । মসিনা লৈবাক অনিগী মরক্তা ত্রেদ অমসুং গুদ্স ত্রেদকী মতিকচাবা ক্লিয়ারেন্স ফংহনবদশু লাইথোকহল্লগনি হায়না থাজবা থম্লি ।

য়ুমফম:

য়ান্নচে অসিনা লৈবাক অনিগী কস্তমগী ওথোরিতীশিংগী মরক্তা ইনফোর্মেশন অমসুং ইন্তেলিজেন্স সেয়ার তৌনবা লেগেল ফ্রেমৱার্ক অমা ফংহল্লগনি অমসুং কস্তমগী লোশিং মফম চানা শিজিন্নবা, কস্তমগী ওফেন্সশিং ঙাক্তুনা চৎপা অমসুং থিজিন খোমজিনবা অমসুং লেগিতিমেত ত্রেদ লাইথোকহনবদা মতেং ওইরগনি । য়ান্নচে অসিগী মনুংগী ৱারোল অদু কস্তমগী এদমিনিস্ত্রেসন অনিনা পুন্না য়ান্নদুনা লেপথোক্নরে । য়ান্নচে অসিগী ৱাফমশিং অদুদা ভারতকী কস্তমগী মনুংচনবা অমসুং চংদবা য়াদবশিং অদু চেকশিন্না পল্লি, অখন্ননা লৈবাক অনিগী মরক্তা গুদ্স ত্রেদেদকী হৌরকফমগী শক্তাকচেশিংগী কস্তমগী ভেলু খংহনবা অমসুং থাজবা য়াবা অচুম্বা ই-পাও পিথোক পিশিন তৌনবগী লমদা ।