ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং ক্যুবাগী মরক্তা ত্রেদিস্নেল সিস্তেম্স ওফ মেদিসিন অমসুং হোমিওপেথীগী লমদা তেংবাং পীননবা য়ানা ৱারোলদা মসিগী ওইবা অয়াবা পীখ্রে। য়ানা ৱারোল অসি ২০১৮গী জুন ২২দা খুৎয়েক পীনখি।

থেংনরিবা:

য়ানা ৱারোল অসিনা লৈবাক অনিগী মরক্তা ত্রেদিস্নেল সিস্তেম্স ওফ মেদিসিন অমসুং হোমিওপেথীগী লমদা নাকল অনিগী ওইবা তেংবাং পীনবা হেঙ্গৎলগনি। মসিনা লৈবাক অনিমক্কী ওইবা মখোয়গী কলচরেল হেরিতেজ সেয়র তৌবদা পাক চাউনা মরুওইবা ওইহল্লগনি।

য়ুমফম:

ভারত্তা ত্রেদিস্নেল সিস্তেম্স ওফ মেদিসিন অসি আয়ুর্বেদ, য়োগ & নেচরোপেথী, য়ুনানী, সিদ্ধা, সোৱা রিগপা অমসুং হোমিওপেথী য়াওনা য়াম্না মওং তানা চত্থরি। আয়ুশ মন্ত্রালয়না ত্রেদিস্নেল মেদিসিনগী লমদা তেংবাং পীননবগীদমক লৈবাক ১০গা লোয়ননা য়ানা ৱারোলদা খুৎয়েক পীনদুনা মসিগী ত্রেদিস্নেল সিস্তেমশিং অসি য়োকখৎনবা, শন্দোকহন্নবা অমসুং গ্লোবেলাইজ তৌনবা খোংথাংশিং লৌখৎলি।