ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ভারত অমসুং য়ুনাইতেদ কিংদম (য়ু.কে.) লোইননা নোদর্ন আয়রলেন্দগী মরক্তা শা–শন য়োকপা, দাইরী অমসুং ঙা য়োকপগী লমদা তৌনবা তেংবাং পীনবগী য়ানা চেরোল (এম.ও.য়ু.)দা অয়াবা পীখ্রে। ১৭.০৪.২০১৮দা য়ানা চেরোল অদুদা খুয়েক পীনখিবনি।
য়ানা চেরোলগী পান্দম অসি ভারতকী লাইবস্তোক অমসুং ঙা য়োকপগী পোৎথোক অমসুং পুথোকপা হেনগৎহন্নবগীদমক শা–শন য়োকপা, দাইরী অমসুং ঙা য়োকপগী লমদা নাকল অনিগী ওইবা তেংবাং পীনবা হেনগৎহনবনি।
শাফুঃ
শরুক য়ামিন্নবা অসিদগী লমদম অসিদা শিজিন্ননবা অমসুং মপান্দা পুথোকখিনবা দাইরী, ঙা য়োকপা অমসুং শা–শন য়োকপগী পোৎথোকশিং হেনগৎহন্দুনা লাইবস্তোক্কী হকশেল, মখোয়গী মচা লৌবা অমসুং ঙা য়োকপগী লমদা ফগৎলকপগী থাজবা থম্লি। য়ানা চেরোল অসিনা শা–শন য়োকপা, ঙা য়োকপা অমসুং দাইরীদা মখাগী অসিগী থোংদা খন্ন–নৈনবা অমসুং তেংবাং পীনবা হেনগৎহল্লগনিঃ
নাকল খুদিংমক্কী মীহুৎশিং পুন্সিল্লগা অপুনবা ৱার্কিং গ্রুপ অমা শেমগনি অমসুং খন্ন–নৈনবা অমসুং তেংবাং পীনবগী থবক পাংথোক্কনি।
য়ুম্ফমঃ
শা–শন য়োকপা, দাইরী অমসুং ঙা য়োকপগী লমদা তেংবাং পীননবগীদমক য়ানা চেরোল অসিদা ভারত অমসুং য়ুনাইতেদ কিংদম লোইননা নোদর্ন আয়র্লেন্দগী মরক্তা এপ্রিল ২০১৮দা খুয়েক পীনখি। ভারতকী মাইকৈদগী লৌউ–শিংউ অমসুং লৌমীগী য়াইফ–থৌরাং মন্ত্রালয়গী শা–শন য়োকপা, দাইরী অমসুং ঙা য়োকপগী বিভাগগী মীহুৎশিং অমসুং য়ুনাইতেদ কিংদম অমসুং নোর্দন আয়র্লেন্দগী মাইকৈদগী ইনভাইরনমেন্ত, ফুদ অমসুং রুরেল এফিয়র বিভাগকী মীহুৎশিংনা খুয়েক পীনখি।
