ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং মোরোক্কোগী মরক্তা নহারোলগী ৱাফমশিংদা তেংবাং পীননবা ২০১৯গী ফেব্রুৱারীদা খুৎয়েক পীনখিবা য়ানা ৱারোল অদু শকখঙখ্রে।

য়ানা ৱারোল অসিগী পান্দমদি থৌরমশিংদা শরুক য়াবা, ইনফোর্মেশন অমসুং ৱাখল্লোন শেয়র তৌবা অমদি য়ুথ একচেঞ্জ তৌবগী খুত্থাংদা নহারোলগী ৱাফমশিংদা লৈবাক অনিগী মরক্তা তেংবাং পীনবা হেঙ্গৎহনবা অমদি পুক্নিং থৌগৎপনি।

নহারোলগী ৱাফমশিংদা তেংবাং পীনগদবা লমশিংদা য়াওরিবশিংদি:

• নহারোলগী প্রোগ্রামশিং শিল-লাংবা;

• ইন্তর্নেস্নেল কনফরেন্সশিং অমসুং সেমিনারশিংদা বার্তন চৎনবা;

• প্রিন্ত তৌরবা পোৎলমশিং, ফিল্মশিং, এক্সপিরিয়েন্সশিং, রিসর্স অমসুং অতোপ্পা ইনফোর্মেশন একচেঞ্জ তৌনবা;

• য়ুথ কেম্পশিং, য়ুথ ফেস্তিবেলশিং অমদি অতোপ্পা তেংবাং পীনগদবা নহারোলগী থৌরমশিংদা শরুক য়াবা।

২০১৯দগী হৌরগা লৈবাক অনিমক্না চহীগী ওইনা নহারোল মীহুৎ মশিং ২০ নুমীৎ তরানিদগী হেন্দবা মতম অমগীদমক একচেঞ্জ তৌননবসু য়ানা ৱারোল অসিদা পল্লি।