ভারতকী প্রধানমন্ত্রী

ইন্দস্ত্রীয়েল গ্রোথ খোংজেল য়াংশিনবগী মায়কৈদা মরুওইবা খোংথাং অমা ওইনা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা লৈবাক শিনবা থুংনা প্লগ-অন্দ-প্লে ইন্দস্ত্রীএল পার্ক 100 শেমগৎনবা লুপা কোতি 33,660গী এলোকেসনগা লোয়ননা ভারত ঔদ্যোগিক ৱিকাস য়োজনা (BHAVYA)দা অয়াবা পীখ্রে।

স্কিম অসিনা মালেমগী থাক্কী ইন্দস্ত্রীয়েল ইনফ্রাস্ত্রকচর শেমগৎনবা, মেন্যুফেকচরিংগী পোতেন্সিয়েল ফংহন্নবা অমসুং ভারতকী গ্রোথকী ৱারী শাগৎনবা পান্দম থম্লি।

ৱিক্সিত ভারতকীদমক ইন্দস্ত্রীয়েল ফাউন্দেসন শেম্বা:

নেস্নেল ইন্দস্ত্রীয়েল কোরিদোর দিবেলপমেন্ত প্রোগ্রাম (NICDP)গী মখাদা শেমগৎখিবা ইন্দস্ত্রীয়েল স্মার্ত সিতীশিংগী মাইপাকপগী মখাদা রাজ্যশিং অমসুং প্রাইভেৎ সেক্তর প্লেয়রশিংগা খুৎশম্নদুনা BHAVYA অসি ইমপ্লিমেন্ত তৌগনি।

অয়াবা পীবদগী হৌরগা ওপরেসন ফাওবা: অনৌবা ইজ ওফ দুইং বিজিনেস অমা

BHAVYAগী মপুং ওইবা পান্দমদি রাজ্যশিংনা লুচিংদুনা অয়াবা পীবা, ইফেক্তিব সিঙ্গল ৱিন্দো সিস্তেম অমসুং ইনভেস্তর-ফ্রেন্দলী রিফোর্মশিংগা লোয়ননা দিরেগুলেসন অমসুং ইজ ওফ দুইং বিজিনেসকীদমক অকনবা খোঙজং চংশিনবনি।

স্কিম অসিনা প্লগ-অন্দ-প্লে ইন্দস্ত্রীয়েল ইকোসিস্তেমশিং ফংহল্লগনি। মসিনা ইন্দস্ত্রীশিংবু ইন্তেন্ততগী প্রোদক্সনদা খোঙজেল য়াংনা অমসুং অচেৎপা মওংদা চৎপা ঙমহল্লগনি। মাংজৌননা অয়াবা পীরবা লম, শেম-শারিবা ইনফ্রাস্ত্রকচর অমসুং ইন্তিগ্রেতেদ সর্বিসশিংগা লোইননা BHAVYA অসিনা ইনভেস্তরশিংগীদমক এন্ত্রিগী অথিংবা কয়া কনবা ঙমগনি।

স্কিম অসিগী মখাদা, ইন্দস্ত্রীয়েল পার্কশিং একর 100দগী 1000 ফাওবগী মনুংদা লৈবা মফমশিং দিবেলপমেন্তকীদমক লৌখৎকনি। একর অমদা লুপা কোতি অমমমগী শেলগী তেংবাং পীগনি:

• কোর ইনফ্রাস্ত্রকচর (ইন্তরনেল রোদশিং, আন্দরগ্রাউন্দ য়ুতিলিতীশিং, দ্রেনেজ, কম্মন ত্রিৎমেন্ত ফেসিলিতীশিং, ICT অমসুং এদমিনিস্ত্রেতিব সিস্তেমশিং)
• ভেল্যু এদেদ ইনফ্রাস্ত্রকচর (অপুনবা শাবা ফেক্তরী শেদশিং, বিল্ত-তু-সুৎ য়ুনিতশিং, তেস্তিং লেবশিং, ৱেরহাউজিং)
• সোসিয়েল ইনফ্রাস্ত্রকচর (ৱার্কর হাউজিং অমসুং সপোর্ত ফেসিলিতীশিং)

এক্সতর্নেল ইনফ্রাস্ত্রকচরগীদমক প্রোজেক্তকী শেনফমগী 25% ফাওবগী শেনফমসু পীরগনি, মসিনা হৌজিক লৈরিবা নেৎৱার্কশিংগা শম্নবা অমসুং পুন্সিন্নবগী থবকশিং লেপ্পা লৈতনা পাংথোকহনগনি।

প্রোজেক্ত খনবগী থবক অসি অৱাংবা থাক্কী, রিফোর্ম-ওরিয়েন্তেদ অমসুং ইনভেস্তমেন্ত-রেদি প্রপোজেলশিং খক্তমক লৌখৎনবা চেলেঞ্জ মোদকী খুত্থাংদা পাংথোক্কনি।

তুংলমচৎকীদমক শেম শাবা, তুংকোইনা চৎনবা য়াবা অমসুং মতিক চাবা ইন্দস্ত্রীয়েল পার্কশিং:

ইন্দস্ত্রীয়েল পার্কশিং অসি তুংলমচৎকী অমসুং তুং-কোইনা চৎকদবা ইকোসিস্তেমশিং ওইনা দিজাইন তৌগনি:

• মল্তি-মোদেল কনেক্তিবিতী অমসুং ইফিসিয়েন্ত লাস্ত-মাইল এক্সেস ফংহন্নবা পি.এম. গতিশক্তি প্রিন্সিপলশিংগা মতুং ইন্না ওইগনি
• গ্রীন ইনর্জী অমসুং ইন্তিগ্রেতেদ অন্দরগ্রাউন্দ য়ুতিলিতী কোরিদোরশিংগা লোইননা সস্তেনেবল রিসোর্স শিজিন্নবা। মসিনা এফিসিয়েন্ত মেন্তেনেন্স অমসুং ইন্দস্ত্রীয়েল ওপরেসনশিং থিন্থদনা পাংথোক্নবা নো-দিগ এনভাইরনমেন্ত অমা ওইহল্লি।

হায়রিবা পার্কশিং অসিনা ইন্দস্ত্রীয়েল ইনফ্রাস্ত্রকচরদা অনৌবা বেঞ্চমার্কশিং থম্লগনি, মসিনা থাজবা লৈহনগনি, ইনেফিসিয়েন্সী হন্থহল্লগনি অমসুং সেক্তরশিংগী মরক্তা প্রদক্তিবিতী হেঙ্গৎহল্লগনি।

রিজনশিংগী মরক্তা থবক পীবা, শেল থাদবা অমসুং শেন্মিৎলোনগী চাউখৎপা পুরকপা:

BHAVYAনা অচৌবা থাক্তা থবক কয়া অমা পীবা ঙমগনি হায়না পানরি, মসিনা মেনুফেকচরিং, লোজিস্তিক্স অমসুং সর্ভিসশিংদা হকথেংননা অমসুং নাকোইননা মশিং য়াম্লবা থবক কয়া পীবা ঙমগনি।

স্কিম অসি রাজ্য অমসুং য়ুনিয়ন তেরিতোরী পুম্নমক্তা য়ৌহল্লগনি। মসিনা লৈবাক শিনবা থুংনা থবক্কী খুদোংচাবা লাখ কয়া শেমগৎলগনি অমসুং লৈবাক শিনবা থুংনা ইন্দস্ত্রীয়েল গ্রোথ হেঙ্গৎহল্লগনি।

ক্লস্তরদা য়ুম্ফম ওইবা চাউখৎপা অমসুং ইন্দস্ত্রীশিং, সপ্লাইয়রশিং অমসুং সর্ভিস প্রোভাইদরশিং পুন্না লৈমিন্নবা য়াহন্দুনা, BHAVYAনা দোমেস্তিক সপ্লাই চেনশিং মপাঙ্গল কনখৎহল্লগনি, রিজনেল ইন্দস্ত্রীয়েলাইজেসন প্রমোৎ তৌগনি অমসুং মীওই মিলিয়ন কয়াগীদমক অনৌবা খুদোংচাবা ফংহল্লগনি।

স্কিম অসিনা কান্নবা ফংহনগদৌরিবসি:

• প্রাইমরী বেনিফিসরীশিং: মেন্যুফেকচরিং য়ুনিৎশিং, MSMEশিং, স্তার্তঅপশিং, অমসুং খুদক্তা শীজিন্নবা য়ারবা ইন্দস্ত্রীয়েল ইনফ্রাস্ত্রকচর থিরিবা মালেমগী ইনভেস্তরশিং
• সেকেন্দরী বেনিফিসরীশিং: শিন্মীশিং, লোজিতিক্স প্রোভাইদরশিং, সর্ভিস সেক্তরগী ইন্তর্প্রাইজেজশিং, অমসুং লোকেল কম্ম্যুনিতীশিং

BHAVYAগী অয়াবা পীখিবা অসি আত্মনির্ভর ভারতকী মায়কৈদা চংশিল্লিবা ভারতকী খোঙচৎতা অহোংবা পুরকপা খোঙথাং অমনি। মসিনা লৈবাক অসিগী মেনুফেকচরিং কেপাসিতীশিং মপাঙ্গল কনখৎহল্লগনি, এক্সপোর্তশিং হেনগৎহল্লগনি অমসুং রেজিলিয়েন্ত, ইনক্লুসিব অমসুং মালেমগী থাক্তা লম্বা তৌবা ঙম্বা ইকোনোমী অমগী য়ুম্ফম শেমবনি।

NICDCগী মতাংদা:

কম্মর্স অমসুং ইন্দস্ত্রী মন্ত্রালয়গী দিপার্তমেন্ত ফোর প্রোমোসন ওফ ইন্দস্ত্রী এন্দ ইন্তর্নেল ত্রেদ (DPIIT)গী মখাদা লৈবা নেস্নেল ইন্দস্ত্রীয়েল কোরিদোর দিবেলপমেন্ত কোরপোরেসন লিমিতেদ (NICDC)না মেনুফেকচরিং কম্পিতিতিবনেস হেনগৎনবা, ইনভেস্তমেন্তশিং চিংশিন্নবা অমসুং থবক ফংহন্নবা মালেমগী থাক্কী গ্রীনফিল্দ ইন্দস্ত্রীয়েল স্মার্ত সিতীশিং শেমগৎপগী থবক পায়খৎলি। NICDCনা হৌজিক রাজ্য 13দা প্রোজেক্ত 20 পায়খৎলি।

NICDCনা লুচিংবা অনৌবা থৌরাংশিং অসি প্লগ-এন্দ-প্লে ইন্দস্ত্রীয়েল পার্কশিং- খুদক্তা শিজিন্নবা য়ারবা ইকোসিস্তেমশিংগী ৱাখল্লোনদা য়ুম্ফম ওইদুনা শেমগৎপনি, মসিদা লম, য়ুতিলিতীশিং, অয়াবা অমসুং ইনফ্রাস্ত্রকচর অসি মাংজৌননা দিবেলপ তৌদুনা ইন্দস্ত্রীশিংনা লম লৌশিনবা নত্ত্রগা ইনফ্রাস্ত্রকচর শেমগৎপগা মরী লৈনবা থবকশিংনা মরম ওইরগা থিন্থবা লৈতনা খোঙজেল য়াংনা থবক হৌবা ঙমহনবা অনৌবা থৌরাং অমনি।

***