ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মধ্য প্রদেশকী গ্বালিয়রদা শোইনাইরবশিংগী স্পের্ত সেন্তর শানবগীদমক পুখৎলকপা ৱাফমদা অয়াবা পীখ্রে। মসি সোসাইতীজ রেজিস্ত্রেসন এক্ত, ১৯৬০কী মখাদা রেজিস্তর তৌগনি। মসিগী মমিং সেন্তর ফোর দিসএবিলিতী স্পোর্ত, গ্বালিয়র কৌগনি। সেন্তর অসি চাউরাক্না লুপা ক্রোর ১৭০.৯৯ চংনা চহি মঙাগী মনুংদা শাগনি।
শাফুঃ
সেন্তর অসিনা শান্ন–খোৎনবগীদমক্তা হেন্না ফবা ইনফ্রাস্ত্রকচর শেমগৎ–শাগৎতুনা তোঙান তোঙানবা মশান্নদা শোইনাইরশিংগী মতিক হেনগৎহল্লগনি অমসুং মখোয়বু নেস্নেল লোইননা ইন্তর্নেস্নেলগী থাক্তা অথোই–অহেন তান্নবদা হেন্না মতিক চাবা ওইহনগনি। সেন্তর অসি লিংখৎপদগী শোইনাইরবশিংগী পুক্নীংদা খুন্নাইগী মরু ওইবা ইচেলদা তিনবগী ৱাখল্লোল পোকহল্লগনি।
ৱারোলঃ
সেন্তর অসি য়েংশিন্নবগীদমক গোবর্নিং বোদী অমা লৈগনি, মদুগী মীহুৎ ১২দগী হেল্লোই। মখোয়শিং অদুগী মনুংদা খরনা এক্স–ওফিসিও কেপাসিতী ওইনা থবক তৌগনি। মখোয়গা লোইননা মালেমগী থাক্তা স্পোর্ত ফেদরেসনগী এক্সপর্ত অমসুং পেরা গেম্সকী এক্সপর্তশিংসু মীহুৎ ওইগনি।
য়ুম্ফমঃ
রাইৎস ওফ পর্সন ৱিদ দিসএবিলিতিজ (আর.পি.দবল্যু.দি.) এক্ত, ২০১৬কী সেক্সন ৩০গী মখাদা সরকারগী স্পোর্তকী থবক–থৌরমদা শোইনাইরবশিংগী মতিক লেপথোক্নবগী ৱারোল পল্লি, মসিদা অতৈ ৱাফমশিংগা লোইননা শান্ন–খোৎনবগীদমক্তা ইনফ্রাস্ত্রকচরগী খুদোংচাবশিংগী ৱারোলসু য়াওরি।
শেন-থুম মন্ত্রীনা শেনবা চহি ২০১৪-১৫গী মহাক্কী বজেৎকী ৱারোল পীবদা দিসএবিলিতী স্পোর্ত সেন্তর লিংখৎনবা লাওথোকখি। হৌজিক্কী ওইনা লৈবাক অসিদা শোইনাইরবশিংগী অখন্নবা স্পোর্ত ত্রেনিংগী খুদোংচাবা লৈতে। পুখৎলক্লিবা সেন্তর অসি লিংখৎপনা অৱাৎপা অসি মেনখৎলগনি। সেন্তর অসিদা শোইনাইরবশিংনা অচুম্বা অমদি অখন্নবা ত্রেনিং ফংবা ঙমলগনি।
