ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা মীরমদা লাল্লোং অমা ওইনা মরুওইবা ইনফ্রাস্ত্রকচর প্রোজেক্তশিংগীদমক মমল হুনবদা ভারতকী কম্পেনীশিংদা মতেং পাংনবগীদমক কন্সেস্নেল ফাইনান্সিং স্কিম (সি.এফ.এস.)গী মতম শাংদোকহন্নবা অয়াবা পীখ্রে।

অকুপ্পা ৱারোলশিং:

সি.এফ.এস.কী মখাদা ভারত সরকারনা ২০১৫-১৬তগী মীরমদা লাল্লোং অমা ওইনা মরুওইবা ইনফ্রাস্ত্রকচর প্রোজেক্তশিংগীদমক মমল হুনবদা ভারতকী কম্পেনীশিংদা মতেং পাংদুনা লাক্লি। স্কিম অসিগী পান্দম অসি লেপ্তনা চুনরকপনা মরম ওইদুনা স্কিম অসি ২০১৮দগী ২০২৩ ফাওবা শাংদোকহন্নবগী ৱাফম পুখৎলকখি।

চাউরাকপা শেনবাঃ

শেল পুথোক্লিবা বেঙ্কশিংগীদমক্তা ইকোনোমিক এফিয়র্স বিভাগনা বজেতরী প্রোবিজন শেমগনি, মখোয়গা মরি লৈনবা ইন্তরেস্ত ইক্বুএলাইজেসন সপোর্ত (আই.ই.এস.) মখাদা পীরি –

খঙজিনগদবাঃ পারিবা শেনফম অসি শুপ্নগী আই.ই.এস. প্রোজেক্ত অসিগীদমক্নি।

মরু ওইবা শাফুঃ :

সি.এফ.এস.কী মমাংদা ভারতকী কম্পেনীশিংনা মীরমগী অচৌবা প্রোজেক্তশিংদা মমল হুনবা ঙমলমদে, মরমদি মদুদা চংবা শেনফম অদু মখোয়গীদমক্তা কা হেন্না য়াম্বা ওইরম্মি অমসুং চীনা, জাপান, য়ুরোপ অমসুং অমেরিকাগুম্বা অতৈ লৈবাকশিংগী মমল হুনবশিংনা হেন্না ফবা ফিভমদা ক্রেদিৎ পীবা ঙম্লম্মি। মতৌ অসুম্না হন্থবা শেন্দোইগী চাং অমসুং অশাংবা মতমদা য়ুম্ফম ওইদুনা লৈবাকশিংদুগী মমল হুনবশিংনা কান্নবা ফংলম্মি।

মসিদা নত্তনা ভারতকী কম্পেনীনা স্ত্রাতেজিক ইন্তরেস্তকী প্রোজেক্তশিংদা মীৎয়েং থম্লদুনা সি.এফ.এস.তগী ভারতনা ফংলিবা থৌনা অদুগী মতুং ইন্না থবক পীবা, ভারত্তা মেতরিয়েল অমসুং মেচিনরী তানবা হেনগৎলকপা লোইননা ভারতকী ক্রেদিৎকী শাহৌ হেন্না ফগৎলকপগী ওইথোকপা লৈ।  

ইম্প্লিমেন্তেসন স্ত্রাতেজী অমসুং তার্গেৎশিং:

স্কিম অসিগী মখাদা মপান থৌরম পুবা মন্ত্রালয়না লাল্লোংগী কান্নবশিংদা মীৎয়েং থম্লদুনা অখন্নবা প্রোজেক্তশিং খল্লি অমসুং মদু ইকোনোমিক এফিয়র্স বিভাগ (দি.ই.এ.)তা থাই।

স্কিম অসিগী মখাদা শেল থাদবদা মতিক চাবা লল্লোংগী মগুন লৈবা প্রোজেক্তশিং খল্লি। মসি ইকোনোমিক এফিয়র্স বিভাগকী সেক্রেতরীনা লুচীংবা কমিতি অমনা লেপ্পি। কমিতি অসিদা এক্সপেন্দিচর বিভাগ, মপান থৌরম পুবা মন্ত্রালয়, ইন্দস্ত্রিয়েল প্রমোসন অমসুং পোলিসী (দি.আই.পি.পি.) বিভাগ, কমর্স বিভাগ, ফাইনান্সিয়েল সর্বিস বিভাগ অমসুং য়ুমলৈ-কৈরৈ বিভাগ য়াওরি। দিপুতী নেস্নেল সেক্যুরিতী এদভাইজরসু কমিতি অসিদা মীহুৎ ওইরি। কমিতিদগী অয়াবা ফংলবা মতুংদা ইকোনোমিক এফিয়র্স বিভাগনা এগজিম বেঙ্কতা ফোমেল ওইনা চিথী অমা থাই, মদুদা সি.এফ.এস.গী মখাদা প্রোজেক্তকী শেনফমদা অয়াবা পীরে হায়বগী পাউ পীরকই।

স্কিম অসি মতম অসিদা ভারতকী এগজিম বেঙ্ককী খুৎথাংদা থবক পাইখৎলি, মদু কন্সেস্নেল ফাইনান্স ফংহন্নবগীদমক্তা কৈথেলদগী সিরোর্স খোমজিল্লি। ভারত সরকারনা এগজিম বেঙ্কপু কাউন্তর গরেন্তী অমসুং ২%গী শেন্দোইগী ইক্বুইলাইজেসনগী মতেং পী।

য়ুম্ফমঃ

স্কিম অসিগী মখাদা করিগুম্বা ভারতকী কম্পেনীনা করিগুম্বা প্রোজেক্তকীদমক্তা কন্ত্রেক্ত ফংবা ঙম্লবদি ভারত সরকারনা কনাগুম্বা মীরমগী সরকার নত্রগা মীরমগী সরকারনা মপু ওইবা নত্র্গা মখোয়গী মখাদা লৈবা কম্পেনীদা কন্সেস্নেল ফাইনান্স পীবগা মরি লৈননা এগজিম বেঙ্কনা কাউন্তর গরেন্তী অমসুং ২%গী ইক্বুইলাইজেসনগী শেন্দোই পীগনি।

স্কিম অসিগী মখাদা এগজিম বেঙ্কনা ফংহল্লিবা ক্রেদিৎ অদুগী চাং অদু এল.আই.বি.ও.আর. (থা তরুক্কী চাংচৎতা) + 100 বি.পি.এস.তগী হেল্লোইদবনি। লোনগী রিপেমেন্তকী গরেন্তী মীরমগী সরকারনা পুথোকই।