ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা লুপা কোতি 62,500 (লুপা করোর লিশিং হুমফুনিথোইগা চামঙা খক্তমক)গী বজেত থাদদুনা মোবাইল ফোন মেন্যুফেকচরিং স্কিম (MPMS) অয়াবা পীখ্রে।

মরুওইবা ফিচরশিং:

• পুথোকপা হেনগৎহন্নবা, দোমেস্তিক ভেল্যু এদিসন হেঙ্গৎহন্নবা, সপ্লাই চেনগী রেজিলিয়েন্স হেঙ্গৎহন্নবা, গ্লোবেল কম্পিতিতিবনেস হেঙ্গৎহন্নবা, সরকারনা মোবাইল ফোন মেন্যুফেকচরিং স্কিম (MPMS) হৌদোকখ্রে।
• MPMS স্কিম অসিনা তেক্নোলোজিকেল সোভরেন্তী ফংনবা, অচৌবা ইকোনোমিক ভেল্যু ফংনবা অমসুং দিজাইন অমসুং R&Dদা ভারতকী পেতেন্তশিং শেম্নবা ভারতকী ব্রান্দশিং শেমগৎনবগী পান্দমসু থম্লি।
• স্কিম অসিগী মতম অসি চহি 5 ওইগনি হায়বদি FY 2026-27দগী  FY 2030-31ফাওবা ওইগনি।
• স্কিম অসিনা ভারত্তা মোবাইল ফোন পুথোক্নবা ইলিজিবল ওইবা সেলশিংদা ইন্সেন্তিব সপোর্ত পীরি। মসিগী রেৎ অসি 2.25%দগী 5% ফাওবা ওইগনি। স্কিম অসিনা মরুওইবা কম্পোনেন্তশিং/ সব-এসেমব্লিশিংগী দোমেস্তিক সোর্সিংগা মরী লৈননা 1.5% ফাওবগী অহেনবা ইন্সেন্তিবসু পীরি। ভারতকী ব্রান্দশিং শেমগৎপদা, পোত্থোক্কী দিজাইন অমসুং R&Dগীদমক ইলিজিবল সেল্সতা অহেনবা ইন্সেন্তিব @3% পীগনি।

এক্সপেক্ত তৌরিবা আউৎকমশিং:

স্কিম অসিগী মতমগী মনুংদা, লৈবাক অসিদা অপুনবা মোবাইল ফোন পুথোকপা অসি চাউরাক্না লুপা ক্রোর 39,00,000 য়ৌগনি হায়না পানরি। মসিনা মোবাইল ফোনগী এক্সপোর্তসু য়াম্না হেনগৎহল্লগনি। স্কিম অসিনা দাইরেক্ত ওইনা থবক 60,000 রোম ফংহল্লগনি হায়না পানরি। মসিনা ইকোনোমিক গ্রোথ, ইমপ্লোয়মেন্ত জেনরেসন অমসুং গ্লোবেল ইলেক্ত্রোনিক্স মেন্যুফেকচরিং হব অমদা ভারতকী থাক মপাঙ্গল কনখৎহনগনি।

কন্তেক্স:

• প্রধান মন্ত্রীগী মেক ইন ইন্দিয়াগী ভিজন অসিনা ইলেক্ত্রোনিক মেন্যুফেকচরিংদা FY 2014-15দগী শরুক 7 হেনগৎহনখ্রে অমসুং এক্সপোর্তশিংদা শরুক 11 হেনগৎহনখ্রে। ইলেক্ত্রোনিক মেন্যুফেকচরিং সেক্তর অসিসু মরুওইনা অরাপ্পা খুঙ্গংশিংদগী লাকপা নহাশিং অমসুং নুপীশিংগী মরুওইবা এমপ্লোয়র অমা ওইনা থোরক্লি। মফম অমখক্তদা এমপ্লোয়ি 5,000 হেন্না থবক পীরিবা প্লান্ত খরদি লৈরি।
• মোবাইল ফোন মেনুফেকচরিং অসি চাউখৎপগী মরুওইবা দ্রাইভর ওইরি অমসুং মসিনা ভারতকী ইলেক্ত্রোনিক্স মেনুফেকচরিং ইকোসিস্তেমগী এঙ্কর অমা ওইরক্লি। ভারত অসি হৌজিক্তি ভোল্যুমগী মতুং ইন্না মালেমগী অনিশুবা খ্বাইদগী চাউবা মোবাইল ফোন পুথোকপা লৈবাক ওইরে। ভারত্তা শীজিন্নরিবা মোবাইল ফোনশিংগী 99.2%দি লৈবাক অসিদা পুথোকই।
• 2025 ফাওবদা স্মার্তফোনশিংনা ভারতকী খ্বাইদগী চাউবা মপান্দা থাদোকপা পোৎলমগী কাংলুপ অমা ওইনা  থোরক্লি, মসিনা দিজল ফ্যুএল অমসুং কত দাইমন্দগুম্বা মহৌশাদগী হৌনা মকোক থোংবা মপান্দা থাদোকপা পোৎলমশিংদগী হেন্না হেনগৎলক্লি। হৌজিক্তি মোবাইল ফোনশিংনা ভারতকী ইলেক্ত্রোনিক্সকী পোত্থোক অমসুং এক্সপোর্ত তৌবদা অচৌবা শরুক অমা ওইরে অমসুং মালেমগী ভেল্যু চেনশিংদা ভারতকী থাক অসি মপাঙ্গল কনখৎহনবদা মরুওইবা থৌদাং অমা লৌরি।
• লার্জ স্কেল ইলেক্ত্রোনিক্স মেন্যুফেকচরিংগীদমক প্রদক্সন লিঙ্ক তৌরবা ইন্সেন্তিব স্কিম (PLI-LSEM)না ভারতপু মোবাইল মেন্যুফেকচরিং অমসুং এক্সপোর্তকী মালেমগী হব অমা ওইনা লিংখৎপদা অহোংবা পুরকপগী থৌদাং লৌরি। PLI-LSEM গী মতম অসি 2026গী মার্চ 31দা লোইশিনখি।

****