ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ঙসি ফেব্রুৱারী ১২, ২০১৯দা রাজ্যসভাদা পুথোকখিবা অমসুং রাজ্যসভাদা কুইনা পন্দুনা লৈরুরবা ইন্তর্নেস্নেল ফাইনান্সিয়েল সর্বিসেস সেন্তর্স ওথোরিতী বিল, ২০১৯বু রাজ্যসভাদগী লৌথোকপা অমসুং লোকসভাগী চৎথরিবা মীফম অসিদা ইন্তর্নেস্নেল ফাইনান্সিয়েল সর্বিসেস সেন্তর্স ওথোরিতী বিল, ২০১৯ অসি পুথোক্নবগী অয়াবা পীখ্রে।
কান্নবাঃ
হৌজিক্কী ওইনা আই.এফ.এস.সি.গী বেঙ্কিং, কেপিতেল মার্কেৎশিং অমসুং ইন্সুরেন্স সেক্তরশিং অসি আর.বি.আই., সেবি অমসুং আই.আর.দি.এ.আই.গুম্বা রেগুলেতরশিংনা চলাইরি। আই.এফ.এস.সি.দা ললোন-ইতিক তৌবগী খোংজেল য়াংবা মতৌ অসিনা মরম ওইদুনা রিগেুলেতরশিংগী মরক্তা য়াম্না কনবা মওংদা কোওর্দিনেসন পীনবগী মথৌ তাই। আই.এফ.এস.সি.দা ফাইনান্সিয়েল এক্তিবিতীশিং লাকশিল্লিবা লৈরিবা রেগুলেতরশিংদা ক্লারিফিকেসনশিং লোইননা শেমদোক-শেমজিন তৌবগী মথৌসু তারি।
আই.এফ.এস.সি.দা ফাইনান্সিয়েল সর্বিসশিং অমসুং পোৎথোকশিং হেনগৎহন্নবগীদমক কেন্দ্রদা য়ুম্ফম ওইবা কৎথোক্লবা রেগুলেতরী ইন্তর্ভেন্সনশিং মথৌ তাই। মরম অসিনা ফাইনান্সিয়েল মার্কেতকী শরুক য়াবশিংগীদমক্তা মালেমগী থাক্তা রেগুলেতরী ফংহনবা ঙমননবা ভারত্তা আই.এফ.এস.সি.গীদমক্তা য়ুনিফাইদ ফাইনান্সিয়েল রেগুলেতরী শেমগৎপগী মথৌ তাবা ফাওনরক্লি।
মসিদা নত্ত্না ললোন ইতিক তৌবা লাইথোকহনবগী মিৎয়েংদসু মসি মথৌ তারি। য়ুনিফাইদ ওথোরিতীদগী য়াম্না মরু ওইরিবা মালেমগী খ্বাইদগী ফবা প্রাক্তিসশিংগী মতুং ইন্না ভারত্তা আই.এফ.এস.সি. চাউখৎহনবদা শাফু পীবা ঙমগনি।
য়ুম্ফমঃ
কেন্দ্রগী মন্ত্রীমন্দলনা ফেব্রুৱারী ৬, ২০১৯দা ফমখিবা মসিগী মীফমদা ইন্তর্নেস্নেল ফাইনান্সিয়েল সর্বিসেস সেন্তর্স ওথোরিতী বিল, ২০১৯ অসি পুথোক্তুনা ফাইনান্সিয়েল সর্বিস পুম্নমক্কা রেগুলেসনগীদমক্তা য়ুনিফাইদ ওথোরিতী অমা লিংখৎনবা পুখৎলকপা ৱাফমদা অয়াবা পীখিবনি। মসিগী মতুংদা, মতম অদুগী শেল-থুমগী রাজ্য মন্ত্রীনা ফেব্রুৱারী ১২, ২০১৯দা রাজ্যসভাদা ইন্তর্নেস্নেল ফাইনান্সিয়েল সর্বিসেস সেন্তর্স ওথোরিতী বিল, ২০১৯ অসি পুখৎখি।
লোকসভাগী সেক্রেতরিয়েৎনা হৌজিক খঙহল্লি মদুদি মসি সংবিধানগী আর্তিকল ১১৭ (১)গী মখাদা লৈবা ফাইনান্সিয়েল বিল অমনি অমসুং মসি সংবিধানগী আর্তিকল ১১৭ (১) অমসুং ২৭৪ (১)গী মখাদা রাস্ত্রপতিগী রিকোমেন্দেসনগা লোইননা লোকসভাদা পুথোক্কদবনি।
