ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা শনবীশিং অমসুং মখোগী চারোল-শুরোনগী ঙাকশেল অমসুং চাউখৎ-থৌরাং ঙাক্তুনা থম্নবগীদমক রাস্ত্রীয় কামধেনু আয়োগ লিংখৎনবা হায়জরকপদা অয়াবা পীখ্রে।

থেংনরিবা:

রাস্ত্রীয় কামধেনু আয়োগ লিংখৎপনা লমদমসিগী মরুশিং শেমগৎ-শাগৎপা অমসুং ঙাক্তুনা থম্বা য়াওনা লৈবাক অসিদা শা-শনগী মশিং শেমগৎপা, ঙাক-শেনবা অমসুং তৌবা অমসুং চাউখৎহনবা ঙমহল্লগনি। মসিনা লাইবস্তোক সেক্তরগী শাহৌ হেঙ্গৎহল্লগনি।

রাস্ত্রীয় কামধেনু আয়োগনা ভেতিনরী, এনিমেল সাইন্সেস নত্ত্রগা এগ্রীকলচর য়ুনিবর্সিতী নত্ত্রগা দিপার্তমেন্তশিং নত্ত্রগা কেন্দ্র/রাজ্য সরকারনা নেকপা ওলুপশিংগা লোয়ননা ব্রীদিং অমসুং শনবী য়োকপা থাকপা, ওর্গানিক মেন্যুর, বাইওগ্যাস অসিনচিংবশিংদা পুন্না থবক তৌমিন্নগনি।

য়ুমফম:

শনবীশিং অমসুং মখোগী চারোল-শুরোনগী ঙাকশেল অমসুং চাউখৎ-থৌরাং ঙাক্তুনা থম্নবগীদমক রাস্ত্রীয় কামধেনু আয়োগ লিংখৎপনা পোলিসী ফ্রেমৱার্ক অমদি লৈবাক অসিদা শনবী ঙাক্তুনা থম্বা অমসুং চাউখৎ-থৌরাংগী থৌরমশিংদা মায়কৈ পীবা অমসুং শনবীশিংগী য়াইফ-থৌরাংগীদমক মতিক চাবা আইন চৎনহনবা ঙমহল্লগনি। মসি ২০১৯-২০গী য়ুনিয়ন বজেৎতা আয়োগ অসি লিংখৎনবা লাওথোকখিবা অদু থবক ওইনা পাংথোকপনি।