ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলদা শান্তি ওইবা মওংদা শুন্দ্রংগী লম থিজিন-হুমজিনবা অমদি শিজিন্নবদা তেংবাং পীননবগীদমক ভারত অমসুং খা অফ্রিকাগী মরক্তা তৌনবা য়ানা চেরোলগী মরমদা খঙহনখ্রে। য়ানা চেরোল অসিদা জুলাই ২৬, ২০১৮দা জোহান্নিসবর্গতা খুয়েক পীনখিবনি।

মরু ওইবশিং –

য়ানা চেরোল অসিগী মনুংদা মখাগী লমশিং অসিদা তেংবাং পীনবা য়াওরিঃ

১. পৃথিবীগী রিমোৎ সেন্সিং;

২. সেতলাইত কম্যুনিকেসন অমসুং সেতলাইত্তা য়ুম্ফম ওইবা নেভিগেসন;

৩. স্পেস সাইন্স অমসুং প্লানেতরী এক্সপ্লোরেসন;

৪. স্পেসক্রাফ, লোঞ্চ ভেহিকলশিং, স্পেস সিস্তেম অমসুং গ্রাউন্দ সিস্তেম;

৫. জিওস্পেতিয়েল তুলশিং অমসুং তেক্নিকশিং য়াওনা স্পেস তেক্নোলোজীগী প্রাক্তিকেল এপ্লিকেসনশিং; অমসুং

৬. লৈবাক অনিনা লেপথোক্কদবা তেংবাং পীনবগী অতৈ লমশিং।

য়ানা চেরোল অসিগী মখাদা, মখাদা পীরিবা মওং অসিদা তেংবাং পীনগনিঃ

১. নাকল অনিগী ওইনা কান্নগদবা অমসুং অপাম্বা অপুনবা স্পেস প্রোজেক্তশিংগী প্লানিং তৌবা অমসুং থবক্তা ওন্থোকপা;

২. সপোর্তিব স্পেস এক্তিবিতিশিংগীদমক্তা গ্রাউন্দ স্তেসনশিং লিংখৎপা, থবক চৎথবা অমসুং ঙাক শেনবা;

৩. সেতলাইত দেতা, এক্সপ্রিমেন্তকী মহয়শিং অমসুং সাইন্তিফিক অমসুং তেক্নোলোজীগী ওইবা ই-পাউ শেয়র তৌনবা;

৪. অপুনবা থিজিনবা অমসুং চাউখৎ-থৌরাংগী থবক থৌরমশিং;

৫. তেংবাং পীনবগী থৌরমশিংদা শরুক য়ানবগীদমক লেপথোক্লবা তেক্নিক অমসুং সাইন্সতিফিক পার্সোনেলশিং পীথোক-পীশিন তৌনবা;

৬. স্পেস সাইন্স অমসুং তেক্নোলোজীদা কেপাসিতী বিল্দিং অমসুং খুন্নাইগী ওইবা পান্দমগীদমক্তা স্পেস এপ্লিকেসনগী থৌরমশিং;

৭. অপুনবা মীফম, কনফরেন্স অমসুং সাইন্তিফিক ওইবা মীফমশিং পাংথোকপা; অমসুং

৮. পার্তীশিংগী মরক্তা য়ানরবা মতুং ইন্না অইবা ওইনা তেংবাং পীনবগী অহেনবা থৌওংশিংসু লেপথোক্কনি।

কান্নবাঃ

য়ানা চেরোল অসিদা খুয়েক পীনবনা স্পেস সাইন্স তেক্নোলোজী অমসুং পৃথিবীগী রিমোৎ সেন্সিং, সেতলাইত কম্যুনিকেসন অমসুং সেতলাইত্তা য়ুম্ফম ওইবা নেভিগেসন, স্পেস সাইন্স লোইননা প্লানেতরী এক্সপ্লোরেসন, স্পেসক্রাফ লোইননা স্পেস সিস্তেম অমসুং গ্রাউন্দ সিস্তেম শিজিন্নবগা লোইননা স্পেস তেক্নোলোজীগী এপ্লিকেসন য়াওনা অতৈ এপ্লিকেসনশিংগী লমদা তেংবাং পীনবগী ওইথোকপশিং মখা চৎথবদা মতেং ওইনরগনি।