ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা সশস্ত্র সীমা বল (এসএসবি)গী গ্রুপ (এ) এগজিক্যুতিব ওফিসরশিংবু সেন্ত্রেল গ্রুপ (এ) সর্বিস অমসুং কেদর রিভ্যু ফংহন্নবা অয়াবা পীখ্রে। মসিগী মখাদা এসএসবিগী থবক-থৌরম অমসুং শিন্দোক-শিঞ্জিন্দা মঙম শান্ননবা এসিস্তেন্স কমান্দেন্ততগী হৌরগা ইন্সপেক্তর জেনরেল রেঙ্ককী অপুনবা ফম ১৯গী গ্রুপ ‘এ’ ওফিসরশিংগী রিভ্যু তৌবা য়াওরি।

লৈরিবা গ্রুপ ‘এ’ ফমশিং ১২৫৩দগী ১২৭২দা হেনগৎহনদৌরি, মসিগী ৱারোল মখাদা পীরিঃ

১. ইন্সপেক্তর জেনরেল (এসএজি থাক)গী ফম অনি হেনগৎপা।

২. দিআইজি/কমান্দেন্ত (জেএজি থাক)কী অপুনবা ফম ১১ হেনগৎপা।

৩. দিসি (এসতিএস থাক)গী ফম ২ হেনগৎপা।

৪. এসি (জেতিএস থাক)গী ফম ৪ হেনগৎপা।

য়ুম্ফম

ঙমখৈগী লমদমগী মীওইশিং ঙাক-শেন্নবা, জাতিগী ৱাখল্লোন শন্দোক্নবা অমসুং লমদম অসিদা ঙাক-শেলগী ফিভম ফগৎহন্নবা ১৯৬৩দা সশস্ত্র সীমা বল শেমখি। ২০০১দা বল অসি কেন্দ্রগী য়ুমলৈ-কৈরৈ মন্ত্রালয়গী মখাদা থমখি। মসিগী মতুংদগী বল অসিনা ভারত-নেপাল অমসুং ভারত-ভুতানগী ঙমখৈশিংদা ঙাক-শেলগী থবক পাইখৎলি। বল অসিদা লেফ্ত ৱিং এক্সত্রিমিজমনা শোকহল্লবা মফমশিং লোইননা জম্মু-কশ্মীর অমসুং অসমদা অরোনবা অমসুং ঙাক-শেলগী থৌদাং পীখি। বল অসিদা হৌজিক হৌজিক থৌমী ৯৬,০৯৩ থবক তৌরি, মসিদা বতালিয়ন ৭৩ (এনদিআরএফ বতালিয়ন ২ য়াওনা) লৈ। মসিগী মমাংদা চাওথোকপা অমসুং শেমগৎ-শাগৎপগী থবক ২০০৫, ২০১০ অমসুং ২০১১দা পাংথোকখি।