ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ঙসি হিরম য়াম্বা সাইবর-ফিজিকেল সিস্তেমশিংগী নেস্নেল মিশন (এন.এম.-আই.সি.পি.এস.) হৌদোক্নবগী অয়াবা পীখ্রে। মসি চহি মঙাগীদমক্তা লুপা ক্রোর ৩৬০০কী অপুনবা শেনফমগা লোইননা সাইন্স অমসুং তেক্নোলোজী বিভাগনা পাইখৎকনি।

ৱারোলঃ

মিশন অসিগী মখাদা খুন্নাইগী হেনগৎলক্লিবা তেক্নোলোজীগী তঙাইফদবশিং অসি মপুং ফাহনগনি অমসুং মদু মথংগী মীরোলগী তেক্নোলোজীগীদমক্তা মকোক থোংবা লৈবাকশিংগী মালেমগী ওইবা মওং লোইননা রোদমেপকী মওং লৌগনি। মিশন অসিগী মখাদা মখাদা পীরিবা চাউখৎ-থৌরাং অমসুং থবকশিং অসি পাইখৎকনিঃ

১. লৈবাক অসিদা সাইবর-ফিজিকেল সিস্তেম (সি.পি.এস.) অমসুং মরি লৈনবা তেক্নোলোজীশিং ফংহনবা।

২. ভারতকী ফিভমগী মতুং ইন্না লৈবাক্কী/লমদমগী ইশুশিং লোইশিন্নবগীদমক সি.পি.এস. তেক্নোলোজীশিং শিজিন্নহনবা।

৩. সি.পি.এস.তা মথংগী মীরোলগী স্কিল মেনপাৱর শেমগৎপা।

৪. তেক্নোলোজীদা য়ুম্ফম ওইবা অনৌবা রিসর্সশিংদা খোংজেল য়াংহনবা।

৫. সি.পি.এস.তা ইন্ত্রপ্রিনরশিং অমসুং স্তার্ৎ-অপ ইকোসিস্তেম দিবেলপমেন্তা খোংজেল য়াংহনবা।

৬. সি.পি.এস., তেক্নোলোজী দিবেলপমেন্ত অমসুং সাইন্সকী অৱাংবা থাক্কী মহৈ-মশিং, তেক্নোলোজী অমসুং ইঞ্জিনীয়রিংগী হিরমশিংদা এদভান্স রিসর্সকী খোংজেল য়াংহনবা।

৭. ভারতপু অতৈ লৈবাকশিংগা থাক মান্নহনবা লোইননা নাকোইননা অমদী হকথেংননা খুদোংচাবা কয়া ফংবা।

থবক পাইখৎপগী লাল্লোং:

এল.এম.-আই.সি.পি.এস. অসি অপুনবা মিশন অমনি মসিনা সি.পি.এস.তা তেক্নোলোজী দিবেলপমেন্ত, এপ্লিকেসন দিবেলপমেন্ত, হ্যুমেন রিসোর্স দিবেলপমেন্ত, স্কিল ইনহেন্সমেন্ত, ইন্ত্রপ্রিনর অমসুং স্তার্ত-অপ দিবেলপমেন্ত লোইননা মরি লৈনবা তেক্নোলোজীশিংগী হিরমশিং লোইশিনগনি। মিশন অসিগী পান্দম অসি তেক্নোলোজী ইনোভেসন হব (তি.আই.ঐচ.) ১৫, এপ্লিকেসন ইনোবেসন হব (এ.আই.ঐচ.) তরুক অমসুং তেক্নোলোজী ত্রান্সলেসন রিসর্স পার্ক (তি.তি.আর.পি.) মরি শেমগৎপনি। মসিগী হব অমসুং তি.তি.আর.পি. অসিনা লৈবাক অসিগী মমিং লৈরবা একাদমিক, রিসর্স অমসুং দিবেলপমেন্ত লোইননা অতৈ ওর্গনাইজেসনশিংদা চাওখৎ-থৌরাংগী ৱারোইশিন পুরকপগা মরি লৈননা একাদমিক ইন্সতিত্যুৎশিং, ইন্দস্ত্রী, কেন্দ্রগী মন্ত্রালয়শিং অমসুং রাজ্য সরকারশিংসু পুনশিনগনি। একাদমিক ইন্সতিত্যুসনশিং, ইন্দস্ত্রী অমসুং সরকারগী প্রাক্তিকেল গ্রুপ অমা য়াওহন্নবগীদমক লাল্লোং য়াৎপগা মরি লৈননা পুখৎলকপা ৱাফম লৌশিল্লে। মিশন অসি থবক্তা ওন্থোক্নবা, য়েংশিন্নবা অমসুং মসিবু লমজিংনবগীদমক্তা মিশন গোবর্নিং বোর্দ লোইননা ইন্তর-মিনিস্ত্রিয়েল কোওর্দিনেসন কমিতী, সাইন্তিফিক এদভাইজরী কমিতী অমসুং অতৈ সব-কমিতীশিং ওইনা অকনবা অমসুং য়েংশিন্নবগী সিস্তে অমা শেম শাগনি। কেন্দ্র অমসুং তি.তি.আর.পি.গী মরু ওইবা মফম মরি লৈ। মসিগা লোইননা মিশন অসিগী থবক পাইখৎকনি। লম মরি অদুদি (i) তেক্নোলোজী দিবেলপমেন্ত, (ii) ঐচ.আর.দি. অমসুং স্কিল দিবেলপমেন্ত, (iii) ইনোভেসন, ইন্ত্রপ্রিনরশিপ অমসুং স্তার্ত-অপ্স ইকোসিস্তেম দিবেলপমেন্ত, (iv) ইন্তর্নেস্নেল কোলাবোরেসন্নি।

কান্নবাঃ

মিশন অসিনা খুন্নাইগী কান্ননবগীদমক সি.পি.এস. তেক্নোলোজীশিং মতিং লৈনা শিজিন্ননবগী মতাংদা কেন্দ্রগী মন্ত্রালয়শিং/বিভাগশিং, রাজ্য সরকারশিং অমসুং ইন্দস্ত্রীশিংবু মখোয়গী প্রোজেক্তশিং অমসুং স্কিমশিং পাইখৎপদা মতেং পীগনি।

কোনশিল্লিবা রাজ্যশিং/জিলাশিং:

এন.এম.-আই.সি.পি.এস. অসি পান ইন্দিয়া মিশন অমনি অমসুং মসিগী মনুংদা/অকোইবদা কেন্দ্রগী মন্ত্রালয়, রাজ্য সরকার, ইন্দস্ত্রী অমসুং একাদমীশিং য়াওনা ভারত অপুনবা কোনশিল্লি।

য়ুম্ফমঃ

সি.পি.এস. অমসুং আর্তিফিসিএল ইন্তিলিজেন্স, ইন্তর্নেত ওফ থিংস, মেচীন লর্নিং, দীপ লর্নিং, বিগ দেতা এলালাইতিক্স, রোবোতিক্স, ক্বান্তম কম্যুতিং, ক্বান্তম কম্যুনিকেসন, ক্বান্তম ইনক্রিপ্সন (ক্বান্তম কী দিস্ত্রিব্যুসন), দেতা সাইন্স, প্রেদিক্তিব এনালাইতিক্স, ফিজিকেল ইনফ্রাস্ত্রকচর অমসুং অতৈ ইনফ্রাস্ত্রকচরশিংগী সাইবর সেক্যুরিতী য়াওনা মরি লৈনবা তেক্নোলোজীশিং মাংদা য়াম্না চখৎপা হৌখ্রে। মখোয়না সেক্তর পুম্নমক্তা মীওইবনা হোৎনরিবা লম পুম্নমক্তা অহোংবা পুরকপদা মরু ওইবা থৌদাং য়ারি। সরকার অমসুং ইন্দস্ত্রীশিংগীদমক্তা মসি তঙাইফদবা ওইরে মদুদি মখোয় অসি মরি লৈনহনবা, খুন্নাইগী চাউখৎ-থৌরাং পাইখৎপা, থবক পীবা, শেনমিৎলোন হেনগৎহনবা অমসুং হিংবগী মগুন ফগৎহনবা লোইননা অকোইবগী ফিভম্বু ঙাক শেন্দুনা থম্নবগীদমক শাফোংলক্লিবা তেক্নোলোজীশিং অসিবু লৌশিন্নবা শেম শাদুনা লৈগদবনি।