ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংদুনা ঙসি  ফমখিবা মীফমদা ৱার্ল্দ ৱার-II ভেতরানশিং, এমর্জেন্সী কমিসন্দ ওফিসরশিং (ই.সি.ও.এস), শোর্ত সর্বিস কমিসন্দা ওফিসরশিং (এস.এস.সি.ও.এস) অমসুং প্রি–মেচ্যুর রিতায়রশিংদা এক্স–সর্বিসমেন কন্ত্রীব্যুতরী হেল্থ স্কিম (ই.সি.ঐচ.এস.) ফংহনবদা অয়াবা পীখ্রে।

 মদুগী মহৈ ওইনা হৌজিক ফাওবা ই.সি.ঐচ.এস.গী মখাদা কোন্সিন্দ্রিবা মীওই ৪৩,০০০ হেনববু ই.সি.ঐচ.এস. পোলিক্লিনিক ৪২৫ হেনবা, এম্পেনেল প্রাইভেৎ হোস্পিতাল ২৫০০ হেনবা অমসুং সরকারগী হোস্পিতাল পুম্নমক্কী নেৎৱার্ক অমগী থোংদা ই.সি.ঐচ.এস.গী মখাদা কেশলেস মেদিকেল ত্রিৎমেন্তকী কান্নবা ফংহল্লগনি।

এন.দি.এ. সরকারনা ২০০৩গী এপ্রিল থাদা হৌদোকখিবা ই.সি.ঐচ.এস.না এক্স–সর্বিসমেন পেন্সিনর লাখ ৫৪, মখোয়গী দিপেন্দেন্তশিং অমদি অতোপ্পা কেতেগোরী খরদা মগুন লৈবা মেদীকেয়ার ফংহল্লি।

এক্স–সর্বিসমেনগী য়াইফনবা খোংথাংশিং:

ঙসিগী ৱারেপ অসি লৈবাক অসিদা মগুন লৈবা থৌদাং পীখ্রবা ঐখোয়গী থৌনা ফরবা এক্স-সর্বিসমেনগী য়াইফনবগীদমক সরকার অসিনা পায়খৎলিবা প্রো-এক্তিব ওইবা পোলিসীশিংদা অতোপ্পা শিংথানিঙাই ওইরবা খোংথাং অমনি।

চহী তরাগী খুজীং মরিদগী পন্দুনা লৈরক্লবা এক্স-সর্বিসমেনশিংগী দিমান্দ অমা ওইরিবা ৱান রেঙ্ক ৱান পেন্সন চৎনহনবনা স্কিম অসিগী মখাদা এক্স-সর্বিসমেন লাখ ২০ হেনবনা লুপা কোতি ৩৫,০০০ হেন্না ফংবা ঙমখ্রে। এক্স-সর্বিসমেনশিংগী য়াইফনবগীদমক সরকার অসিনা লৌখৎলিবা অতোপ্পা য়াইফ থৌরাংশিংদা পেন্সন্দা চাদা ৪০ হেঙ্গৎপা, প্রি–মেচ্যুর রিতায়রশিংগীদমক দিসএবিলিতী পেন্সন, লাইন ওফ একচুয়েল কন্ত্রোল, লাইন ওফ কন্ত্রোল অমসুং ইন্তরনেশ্নেল বোর্দরদা বেত্তল কেজুয়েলিতী কম্পেন্সেসন এপ্লিকেবল ওইহনবা, নৌনা শেমগৎলবা আর্মী বেত্তল কেজুয়েলিতীজ ৱেলফেয়ার ফন্দগী খুত্থাংদা লান্মীশিংবু মখোয়গী থোইদোক হেন্দোকপা কত্থোকখিবা অদুদা শেলগী তেংবাং পীবা, এক্স–গ্রেসিয়া এদ–হোক এলাওৱেন্স হেঙ্গৎহনবা, এক্স–সেলরশিংদা অখন্নবা পেন্সন অমদি হৌজিক ফাওবদা থবক্তগী পোত্থারবা লান্মী ৩০,০০০ হেনবদা জোব রোল ৩৬তা স্কিল দিবেলপমেন্ত ত্রেনিং পীবা য়াওরি।