ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা অঙাংশিংগী য়াইফনবা চাইল্দ প্রোতেক্সনগী লৈরিবা মওং-মতৌ অসি মপাঙ্গল কনখৎহন্নবা থৌরাংশিং পাইখৎনবা জুবেনাইল জস্তিস (কিয়র এন্দ প্রোতেক্সন ওফ চিলদ্রেন) এক্ত, ২০১৫ অমেন্দ তৌনবা নুপী অমসুং অঙাংগী য়াইফ-থৌরাং মন্ত্রালয়গী প্রপোজেল অদু অয়াবা পীখ্রে।

অমেন্দমেন্তশিং অসিদা কেসশিং খোঙজেল য়াংনা লোইশিন্নবা অমসুং একাউন্তেবিলিতী হেনগৎহন্নবা জে.জে. এক্তকী সেক্সন ৬১গী মখাদা এদোপ্সন ওর্দরশিং পীনবা এদিস্নেল দিস্ত্রিক্ত মেজিস্ত্রেৎ য়াওনা দিস্ত্রিক্ত মেজিস্ত্রেৎনা ওথোরাইজ তৌবা য়াওখি। মসি মপুং ফানা ইমপ্লিমেন্ত তৌহনবা লোইননা অৱাবা ফীভমদা লৈরিবা অঙাংশিংগীদমক্তা পুন্না হোৎনবা ঙম্নবা এক্ত অসিগী মখাদা দিস্ত্রিক্ত মেজিস্ত্রেৎতা শক্তি পীখি। সি.দবল্যু.সি. মেম্বরশিং এপোইন্ত তৌবগী ইলিজিবিলিতী পেরামিতরশিং পীবা অমসুং মমাংদা পল্লমদবা অরানবা থবকশিং ‘সিরিয়স ওফেন্স’ হায়না কেতগোরাইজ তৌবা অসিনা প্রপোজেল অসিগী অতোপ্পা হিরমশিং ওইখি। এক্ত অসিগী তোঙান তোঙানবা প্রোবিজনশিং ইমপ্লিমেন্ত তৌবদা মায়োক্নবা অৱাবা মখল কাইয়াসু পাউদমখ্রে।

*****